ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR


ວັນທີ 10 ມີນາ 2022 ໜ່ວຍພັກສະພາປະຊາຊົນແຂວງໄຊຍະບູລີ ໄດ້ຈັດພິທີຮັບເອົາມະຫາຊົນ ຜູ້ທີ່ມີຄວາມກ້າວໜ້າ ເຂົ້າເປັນສະມາຊິກພັກສໍາຮອງ ຂອງພັກປະຊາຊົນປະຕິວັດລາວ ຈຳນວນ 2 ສະຫາຍ ເປັນກຽດເຂົ້າຮ່ວມພິທີດັ່ງກ່າວມີ ສະຫາຍ ນາງ ວິລະພອນ ທອງພິມ ກໍາມະການພັກແຂວງ, ເລຂາໜ່ວຍພັກສະພາປະຊາຊົນແຂວງ ພ້ອມດ້ວຍບັນດາສະຫາຍສະມາຊິກພັກສົມບູນ-ສໍາຮອງເຂົ້າຮ່ວມ 23 ສະຫາຍ, ຍິງ 8 ສະຫາຍ.
ສະຫາຍ ນາງ ສູນທະລາ ແສນຄໍາ ຮອງປະທານກວດກາໜ່ວຍພັກ ໄດ້ຜ່ານມະຕິຕົກລົງ ຂອງຄະນະປະຈຳພັກແຂວງໄຊຍະບູລີ ສະບັບເລກທີ 128 ແລະ 146/ຄພຂ, ລົງວັນທີ 14 ກຸມພາ 2022 ວ່າດ້ວຍການອະນຸມັດຮັບເອົາມະຫາຊົນຜູ້ທີ່ມີຄວາມກ້າວໜ້າ ເຂົ້າເປັນສະມາຊິກພັກສຳຮອງ ຂອງພັກປະຊາຊົນປະຕິວັດລາວ. ຈາກນັ້ນ, ສະຫາຍ ນາງ ວິລະພອນ ທອງພິມ ກຳມະການພັກແຂວງ, ເລຂາໜ່ວຍພັກສະພາປະຊາຊົນແຂວງ ໄດ້ຂຶ້ນຈັບມືຮັບເອົາມະຫາຊົນຜູ້ທີ່ມີຄວາມກ້າວໜ້າ ປະກອບມີ: ສະຫາຍ ບຸດດາ ໄຊຍະປັນ ແລະ ສະຫາຍ ສິດທິໄຊ ພົມສີ ເຂົ້າເປັນສະມາຊິກພັກສຳຮອງ ຢ່າງເປັນທາງການ ພ້ອມທັງໂອ້ລົມ, ຊີ້ນໍາເນັ້ນໜັກ ໃຫ້ສະມາຊິກພັກສົມບູນ-ສຳຮອງ ຈົ່ງສືບຕໍ່ເອົາໃຈໃສ່ໃນການປະຕິບັດກົດລະບຽບຂອງພັກ-ກົດໝາຍຂອງລັດໃຫ້ເຂັ້ມງວດ, ເອົາໃຈໃສ່ຄົ້ນຄວ້າຮໍ່າຮຽນ, ນອກຈາກຮໍ່າຮຽນວິຊາສະເພາະແລ້ວກໍຕ້ອງຮຽນເອົາແນວທາງ, ນະໂຍບາຍຂອງພັກ, ແນວທາງການຕ່າງປະເທດຂອງພັກ ໃນແຕ່ລະໄລຍະ, ມີຄວາມເປັນແບບຢ່າງທີ່ດີໃຫ້ແກ່ມະຫາຊົນ, ສືບຕໍ່ເຮັດໜ້າທີ່ໆພັກລັດມອບໝາຍໃຫ້ ແລະ ສິ່ງສໍາຄັນແມ່ນໃຫ້ຮັກສາໄດ້ຄວາມສາມັກຄີພາຍໃນພັກໃຫ້ແໜ້ນແຟ້ນ ແລະ ສາມັກຄີກັບມະຫາຊົນໃຫ້ກວ້າງຂວາງ.
(ພາບ-ຂ່າວ: ນີ່ຕູ່ ປະສິດທິພົງ)