(ສພຊ) ເພື່ອທົບທວນຫວນຄືນມູນເຊື້ອ ແລະ ໄຊຊະນະປະຫວັດສາດຂອງພາລະກິດແຫ່ງ ການຕໍ່ສູ້ປົດປ່ອຍຊາດໃນເມື່ອກ່ອນ ແລະ ຜົນສຳເລັດໃນພາລະກິດປົກປັກຮັກສາ ແລະ ສ້າງສາພັດ ທະນາປະເທດຊາດ ພາຍໃຕ້ການນຳພາຂອງພັກປະຊາຊົນປະຕິວັດລາວ ຕະຫລອດໄລຍະ 67 ປີ (22 ມີນາ 1955-22 ມີນາ 2022) ແລະ ຜົນງານແຫ່ງການຊີ້ນຳ-ນຳພາຂອງໜ່ວຍພັກຮາກຖານກໍາມາທິການວຽກງານສະມາຊິກສະພາແຫ່ງຊາດ (ກວສຊ) ແລະ ອົງຄະນະພັກສະພາແຫ່ງຊາດ.
ສະຫາຍ ຄໍາສິງ ໄຊສົມແພງ ຮອງເລຂາໜ່ວຍພັກຮາກຖານ ກວສຊ ໄດ້ປາຖະກະຖາເລົ່າຄືນມູນເຊື້ອ ວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 67 ປີ ເຊິ່ງສະຫາຍ ໄດ້ຍົກໃຫ້ເຫັນປະຫວັດ ແລະ ຄວາມໝາຍຄວາມສຳຄັນ ໃນການກຳເນີດເກີດຂຶ້ນ ຂອງພັກປະຊາຊົນປະຕິວັດລາວ, ພິທີດັ່ງກ່າວ ໄດ້ຈັດຂຶ້ນໃນຕອນເຊົ້າວັນທີ 24 ມີນາຜ່ານມາ, ທີ່ສະພາແຫ່ງຊາດ, ມີກຳມະ ການຄະນະພັກ, ສະມາຊິກພັກ ແລະ ພະນັກງານ-ລັດຖະກອນ ພາຍໃນໜ່ວຍພັກຮາກຖານ ກວສຊ ເຂົ້າຮ່ວມ.