ໃນວັນທີ 14 ພະຈິກ 2023, ໜ່ວຍພັກສະພາປະຊາຊົນແຂວງຜົ້ງສາລີ (ສພຂ) ໄດ້ຈັດຕັ້ງກອງປະຊຸມເຜີຍແຜ່ເຊື່ອມຊຶມ ແລະ ຜັນຂະຫຍາຍມະຕິ, ຄໍາສັ່ງ ຂອງຄະນະບໍລິຫານງານສູນກາງພັກ, ຄະນະເລຂາທິການສູນກາງພັກ, ເອກະສານການກະກຽມ ດໍາເນີນກອງປະຊຸມໃຫຍ່ 3 ຂັ້ນຂອງພັກ ແລະ ກ່ຽວກັບການຈັດຕັ້ງປະຕິບັດວຽກງານກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI ໂດຍພາຍໃຕ້ການເປັນປະທານຂອງ ສະຫາຍ ຫຸມເພັງ ຈອມວິສານ ກໍາມະການພັກແຂວງ, ຮອງປະທານສະພາປະຊາຊົນແຂວງ, ມີບັນດາສະຫາຍຄະນະໜ່ວຍພັກ, ບັນດາສະຫາຍສະມາຊິກພັກພາຍໃນ ສພຂ ເຂົ້າຮ່ວມຮັບຟັງຢ່າງພ້ອມພຽງ.

ໃນກອງປະຊຸມ ໄດ້ຮັບຟັງປະທານກອງປະຊຸມສະເໜີບັນດາເນື້ອເອກະສານສໍາຄັນຂອງພັກ ດັ່ງນີ້:

ເອກະສານກ່ຽວກັບຜົນສໍາເລັດຂອງກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI ເປັນຕົ້ນ:

1. ຄໍາສັ່ງແນະນໍາຂອງຄະນະເລຂາທິການສູນກາງພັກ ສະບັບເລກທີ 434/ຄລສພ, ລົງວັນທີ 18 ກັນຍາ 2023;
2. ມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI ລົງວັນທີ 18 ສິງຫາ 2023;
3. ບົດຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ໃນໄລຍະຜ່ານມາ;
4. ບົດລາຍງານກ່ຽວກັບການສະຫຼຸບ ການຈັດຕັ້ງປະຕິບັດກາງສະໄໝ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ແລະ ທິດທາງແຜນການທ້າຍສະໄໝ;
5. ບົດສໍາຫຼວດການນໍາພາລວມໄລຍະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI;
6. ມະຕິກອງປະຊຸມຂອງຄະນະບໍລິຫານງານສູນກາງພັກ ສະໄໝທີ XI ສະບັບເລກທີ 05/ຄບສພ, ລົງວັນທີ 18 ສິງຫາ 2023;
7. ແຜນດໍາເນີນງານ ຂອງຄະນະບໍລິຫານງານສູນກາງພັກ ສະໄໝທີ XI ສະບັບເລກທີ 432/ຄລສພ, ລົງວັນທີ 08 ກັນຍາ 2023;
8. ຄໍາແນະນໍາຂອງຄະນະໂຄສະນາອົບຮົມສູນກາງພັກ ສະບັບເລກທີ 54/ຄອສພ, ລົງວັນທີ 29 ກັນຍາ 2023

ເອກະສານກ່ຽວກັບການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ ເຊັ່ນ:

1. ຄໍາສັ່ງຂອງຄະນະເລຂາທິການສູນກາງພັກ ສະບັບເລກທີ 411/ຄລສພ, ລົງວັນທີ 8 ສິງຫາ 2023;
2. ຄໍາແນະນໍາຂອງຄະນະຈັດຕັ້ງສູນກາງພັກ ສະບັບເລກທີ 211/ຄຈສພ, ລົງວັນທີ 16 ສິງຫາ 2023;
3. ຄໍາແນະນໍາຂອງຄະນະກວດກາສູນກາງພັກ ສະບັບເລກທີ 285/ຄກສພ, ລົງວັນທີ 15 ກັນຍາ 2023;
4. ຄໍາແນະນໍາຂອງຄະນະໂຄສະນາອົບຮົມສູນກາງພັກ ສະບັບເລກທີ 34/ຄອສພ, ລົງວັນທີ 15 ກັນຍາ 2023;

ພາບ-ຂ່າວ: ສູນທອງ ວິໄລຈິດ