ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

         ໃນຕອນເຊົ້າຂອງວັນທີ 24 ກຸມພາ 2022 ໜ່ວຍພັກ ສະພາປະຊາຊົນແຂວງໄດ້ຈັດພິທີເລື່ອນສະມາຊິກພັກ ສຳຮອງ   6 ສະ​ຫາຍ ຂຶ້ນເປັນສະມາຊິກພັກສົມບູນ,  ພິ​ທີ​ດັ່ງ​ກ່າວ​ແມ່ນ​ໄດ້​ຈັດ​ຂື້ນທີ່ຫ້ອງປະຊຸມສະພາປະຊາຊົນແຂວງ,    ໂດຍໃຫ້ກຽດເປັນ ປະທານ ຂອງ ສະຫາຍ ຫຸມເພັງ ຈອມວິສານ, ກຳມະການພັກແຂວງ, ຮອງປະທານສະພາປະຊາຊົນແຂວງ ແລະ ມີຄະນະໜ່ວຍ ພັກ,  ສະມາຊິກພັກສົມບູນ, ສຳຮອງ ແລະ  ຕາງໜ້າຈາກສາມອົງການຈັດຕັ້ງມະຫາຊົນ, ພາຍໃນໜ່ວຍມີຜູ້ເຂົ້າຮ່ວມທັງໝົດ 21  ສະ ຫາຍ, ຍິງ 12 ສະຫາຍ. ໃນພິທີດັ່ງກ່າວ ສະ​ຫາຍ ຄຳດາ ໂສລະພົມ,   ຮອງເລຂາໜ່ວຍພັກສະພາປະຊາຊົນແຂວງ ໄດ້ຂື້ນ ຜ່ານມະຕິຕົກລົງຂອງຄະ ນະປະຈຳພັກແຂວງ,   ຮອງເລຂາພັກແຂວງໆຜົ້ງສາລີວ່າດ້ວຍການອະນຸມັດເລື່ອນສະມາຊິກພັກສຳ ຮອງຂຶ້ນເປັນສະມາຊິກສົມ ບູນພ້ອມທັງມອບມະຕິຕົກລົງ ແລະ ຈັບມືຮັບຮອງເອົາສະມາຊິກສໍາຮອງເລື່ອນຂຶ້ນສົມບູນ. ໂອກາດນີ້, ສະຫາຍ ຫຸມເພັງ ຈອມວິສານ ກຳມະການພັກແຂວງ, ຮອງປະທານສະພາປະຊາຊົນແຂວງກໍ່ໄດ້ສະແດງຄວາມຍ້ອງ ຍໍຊົມເຊີຍຕໍ່ສະມາຊິກພັກໃໝ່​ທັງ  6  ສະຫາຍ ທີ່ໄດ້ຝຶກຜົນຫຼໍ່ຫຼອມຕົນເອງຈົນກ້າວຂຶ້ນເປັນສະມາຊິກພັກສົມບູນ.ພ້ອມດຽວ ກັນນີ້ ສະຫາຍ ຍັງໄດ້ໂອ້ລົມຕໍ່ສະມາຊິກພັກສົມບູນໃໝ່​ວ່າຈະຕ້ອງໄດ້ຝຶກຝົນຫຼໍ່ຫຼອມຕົນເອງຕື່ມອີກ,  ຮັກສາມູນເຊື້ອຄຸນສົມ ບັດສິນທຳປະຕິວັດ, ເອົາໃຈໃສ່ການພັດທະນາຕົນເອງແລະນໍາເອົາແນວທາງການປ່ຽນແປງໃໝ່ຂອງພັກ-ລັດໄປຜັນຂະຫຍາຍ ເປັນໂຄງການ,ແຜນງານລະອຽດ,   ເຂົ້າກັບການຈັດຕັ້ງປະຕິບັດຕົວຈິງໃຫ້ ມີແບບແຜນວິທີເຮັດວຽກທີ່ດີ,  ມີຄວາມສາມັກຄີ ໜັກແໜ້ນ ແລະ ການຕຳນິຕິຊົມກັນຢ່າງເປັນປົກກະຕິສະຫາຍຍັງໄດ້ເນັ້ນໜັກໃຫ້ສະມາຊິກພັກໃໝ່ ແລະ ສະມາຊິກພັກເກົ່າ ຕ້ອງເປັນແບບຢ່າງໃຫ້ແກ່ອ້າຍນ້ອງພະນັກງານ, ສ້າງຕົນເອງໃຫ້ເປັນແບບຢ່າງແກ່ມະຫາຊົນ,  ເພື່ອເຮັດໃຫ້ໜ່ວຍພັກພວກ ເຮົາ ກາຍເປັນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ພ້ອມກັນຈັດຕັ້ງປະຕິບັດວຽກງານທີ່ຂັ້ນເທິງມອບໝາຍໃຫ້, ຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວ ໃຫ້ປະກົດຜົນເປັນຈິງ, ສ້າງວຽກງານ ໃນຂົງເຂດ ສະພາປະຊາຊົນແຂວງ ໃຫ້ມີຄວາມເຂັ້ມແຂງ   ແລະ  ກ້າວໜ້າ,   ສາມາດປະກອບສ່ວນເຂົ້າໃນການສ້າງສາພັດທະນາປະເທດ ຊາດ ເວົ້າລວມ, ເວົ້າສະເພາະກໍ່ຄືແຂວງຜົ້ງສາລີຂອງພວກເຮົາໃຫ້ມີຄວາມຈະເລີນກ້າວໜ້າຂື້ນເລື້ອຍໆ.