ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຕອນເຊົ້າຂອງວັນຈັນ, ວັນທີ 23 ພຶດສະພາ 2022 ຢູ່ທີ່ຫ້ອງປະຊຸມ ສະພາປະຊາຊົນແຂວງ, ໜ່ວຍພັກສະພາປະຊາຊົນແຂວງ ໄດ້ດຳເນີນຊີວິດປະຈໍາເດືອນ ພຶດສະພາ 2022, ໂດຍການເປັນປະທານຂອງສະຫາຍ ທອງຄານ ວັດສະດາກອນ ເລຂາໜ່ວຍພັກ ສພຂ, ເຂົ້າຮ່ວມມີສະຫາຍ ຄຳດີ ວົງລ້ອມ ຮອງເລຂາຄະນະບໍລິຫານງານພັກແຂວງ, ປະ ທານ ສພຂ, ສະຫາຍ ຄໍາເຜີຍ ງອນວັນຄໍາ ກໍາມະການປະຈໍາພັກແຂວງ, ຮອງປະທານ ສພຂ, ມີຄະນະໜ່ວຍພັກ, ສະ ມາຊິກພັກສົມບູນ ແລະ ສຳຮອງພາຍໃນໜ່ວຍພັກ ສພຂ ເຂົ້າຮ່ວມຢ່າງພ້ອມພຽງ.

     ການດຳເນີນຊີວິດພັກໃນຄັ້ງນີ້ ສະຫາຍເລຂາໜ່ວຍພັກ ໄດ້ຜ່ານບົດສະຫລຸບຕີລາຄາການນໍາພາ-ຊີ້ນໍາຂອງ    ໜ່ວຍພັກປະຈໍາເດືອນ 5 ແລະ ວາງທິດທາງແຜນການ ເດືອນ 6/2022, ເຊິ່ງຜ່ານການເຄື່ອນໄຫວໃນໄລຍະ 1 ເດືອນຜ່ານມາ, ທາງຄະນພັກໄດ້ເອົາໃຈໃສສຶກສາອົບຮົມການເມືອງ-ແນວຄິດໃຫ້ແກ່ສະມາຊິກພັກແຕ່ລະສະຫາຍໃຫ້ມີແນວຄຶດອຸ່ນອ່ຽງທຸ່ນທ່ຽງ, ກໍາແໜ້ນແນວທາງນະໂຍບາຍຂອງພັກ-ລະບຽບກົດໝາຍຂອງລັດ, ມີຄວາມເຊື່ອໝັ້ນຕໍ່ການນໍາພາຂອງພັກເປັນປົກກະຕິ ແລະ ໄດ້ເອົາໃຈໃສ່ນໍາພາ-ຊີ້ນໍາ ການເຄື່ອນໄຫວວຽກງານດ້ານວິຊາສະເພາະເປັນຕົ້ນແມ່ນການປະຕິບັດຕາມ 3 ພາລະບົດບາດຂອງສະພາປະຊາຊົນຂັ້ນແຂວງ, ບັນຫາທີ່ພົ້ນເດັ່ນແມ່ນໄດ້ສຳເລັດການປະເມີນການຈັດຕັ້ງປະຕິບັດກົດໝາຍ ຈຳນວນ 4 ສະບັບ, ທາບທາມຮ່າງກົດໜາຍ 5 ສະບັບ, ເພື່ອເປັນຂໍ້ມູນໃຫ້ສະມາຊິກສະພາແຫ່ງຊາດ ຊຸດທີ IX ປະຈຳເຂດເລືອກຕັ້ງທີ 04 ອຸດົມໄຊ ປະກອບຄໍາຄິດຄໍາເຫັນໃສ່ບັນດາຮ່າງກົດໝາຍຕ່າງໆ ທີ່ຈະນໍາເຂົ້າຜ່ານໃນວາລະດໍາເນີນກອງປະຊຸມສະໄໝສາມັນເທື່ອທີ 3 ຂອງ ສພຊ ຊຸດທີ IX ເພື່ອຄົ້ນຄວ້າພິຈາລະນາ ແລະ ຮັບຮອງເອົາ, ເຊັນຂໍ້ຕົກລົງຮ່ວມ ວ່າດ້ວຍການພົວພັນລະຫວ່າງຄະນະປະຈຳສະພາປະຊາຊົນແຂວງ ກັບ ຄະນະປະຈໍາແນວລາວສ້າງຊາດແຂວງ, ສໍາເລັດກອງປະຊຸມຝຶກອົບຮົມສ້າງຄວາມເຂັ້ມແຂງໃຫ້ແກ່ພະນັກງານຊ່ວຍວຽກ ສະ ພາປະຊາຊົນແຂວງອຸດົມໄຊ ແລະ ໄດ້ປະສານສົມທົບພາກສ່ວນທີ່ກ່ຽວຂ້ອງ ໃນການຕິດຕາມກວດກາການປະຕີບັດລັດຖະທຳມະນູນ ແລະ ກົດໝາຍ, ການຈັດຕັ້ງປະຕີບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ແລະ ວຽກງານອື່ນໆ.

ຫລັງຈາກນັ້ນ, ບັນດາທ່ານສະມາຊິກພັກໄດ້ປະກອບຄໍາຄິດຄໍາເຫັນ, ຕໍານິສົ່ງຂ່າວເຊິ່ງກັນ ແລະ ກັນພາຍໃນ ໜ່ວຍພັກ ຢ່າງເປັນປົກກະຕິ ແລະ ໃນໂອກາດດັ່ງກ່າວໄດ້ຈັດພິທີຮັບມະຫາຊົນກ້າວຈໍານວນ 1 ສະຫາຍເຂົ້າເປັນສະມາ ຊິກພັກສໍາຮອງ.

ພາບ-ຂ່າວ: ແສງພອນ ອິນນະລົງ.