ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ວັນທີ 19 ເມສາ 2022 ທີ່ຫ້ອງປະຊຸມສະພາປະຊາຊົນແຂວງຄໍາມ່ວນໄດ້ຈັດພິທີປາຖະກາຖາ, ໂຄສະນາ ເຜີຍແຜ່ມູນເຊື້ອວັນສ້າງຕັ້ງ ຊາວໜຸ່ມ ປະຊາຊົນ ປະຕິວັດລາວ ຄົບຮອບ 67 ປີ ຂຶ້ນຢ່າງເປັນຂະບວນຟົດຟື້ນ ( ວັນທີ 14 ເມສາ 1955 – 14 ເມສາ 2022 ) ໃຫ້ກຽດເປັນປະທານໂດຍ ທ່ານ ນາງ ສາທິດ ຈັນສີ ຮອງເລຂາໜ່ວຍພັກ ປະທານຄະນະກຳມະການເສດຖະກິດ, ແຜນການ ແລະ ການເງິນ ສະພາປະຊາຊົນແຂວງຄໍາມ່ວນ, ມີບັນດາສະມາຊິກພັກ, ຫົວໜ້າ-ຮອງຫົວໜ້າຂະແໜງ ແລະ ຕະລອດຮອດສະມາຊິກຊາວໜຸ່ມເຂົ້າຮ່ວມ.

ໃນພິທີດັ່ງກ່າວ ທ່ານ ນາງ ສາທິດ ຈັນສີ  ໃຫ້ກຽດເລົ່າມູນເຊື້ອປາຖະກະຖາ ວັນສ້າງຕັ້ງ ຊາວໜຸ່ມ ປະຊາຊົນ ປະຕິວັດລາວ ໃຫ້ຄົນຮຸ່ນຫຼັງ ຫຼື ສະມາຊິກຊາວໜຸ່ມ ໄດ້ຮູ້ເຖິງມູນເຊື້ອ, ປະຫວັດຄວາມເປັນມາຂອງຊາວໜຸ່ມ ປະຊາຊົນປະຕິວັດລາວ ຕະຫຼອດໄລຍະ 67 ປີຜ່ານມາ ຄຊປປລ ໂດຍແມ່ນພັກປະຊາຊົນລາວໃນເມື່ອກ່ອນ ແລະ ພັກປະຊາຊົນ ປະຕິວັດລາວໃນປະຈຸບັນ ໂດຍປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດໄດ້ສ້າງຕັ້ງ ຝຶກຝົນຫລໍ່ຫຼອມ ແລະ ນຳພາໂດຍກົງຮອບດ້ານ ພາຍໃຕ້ຮົ່ມທຸງຂອງພັກນັ້ນ ການຈັດຕັ້ງຊາວໜຸ່ມໄດ້ມີການເຕີບໃຫຍ່ເຂັ້ມແຂງທັງປະລິມານ ແລະ ຄຸນນະພາບ, ຂະບວນການຂອງຊາວໜຸ່ມລາວໄດ້ມີຜົນງານປະກອບສ່ວນຫຼາຍດ້ານ ແລະ ພົ້ນເດັ່ນໃນພາລະກິດຕໍ່ສູ້ໃນເມື່ອກ່ອນ,  ປົກປັກຮັກສາ ແລະ ພັດທະນາປະເທດຊາດ, ໃນອະດີດກໍ່ຄືປະຈຸບັນ ຄະນະຊາວໜຸ່ມ ປະຊາຊົນ ປະຕິວັດລາວໄດ້ຈັດຕັ້ງຜັນຂະຫຍາຍ ແລະ ສືບຕໍ່ເສີມຂະຫຍາຍມູນເຊື້ອບົດບາດປະຈັນບານຂອງຕົນເຂົ້າເຂົ້າໃນການຈັດຕັ້ງປະຕິບັດແນວທາງ ມະຕິກອງປະຊຸມໃຫຍ່ແຕ່ລະສະໄໝຂອງພັກ ການຈັດຕັ້ງຜັນຂະຫຍາຍ 4 ບຸກທະລຸຂອງພັກ ມາເປັນເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມ, ເພື່ອໃຫ້ສົມດັ່ງຄຳເວົ້າຂອງ ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກໄດ້ມອບນາມມະຍົດໄວ້ໃຫ້ຊາວໜຸ່ມທີ່ວ່າ: ຊາວໜຸ່ມຈົ່ງເປັນດັ່ງນົກອິນຊີທີ່ບໍ່ຫວັ່ນກົວຕໍ່ພາຍຸລົມແດງຈົ່ງກາຍເປັນສິນໄຊຂອງຍຸກສະໄໝພວກເຮົາ.