ຕອນເຊົ້າວັນທີ 8 ມິຖຸນາ 2023 ໜ່ວຍຊາວໜຸ່ມຮາກຖານ ສະພາປະຊາຊົນແຂວງຫລວງນ້ຳທາ ໄດ້ເປີດກອງປະຊຸມເຊື່ອມຊືມເອກະສານຂອງຊາວໜຸ່ມປະຊາຊົນປະຕິວັດລາວ ແຂວງຫລວງນ້ຳທາ ແລະ ສ່ອງແສງພາຍໃນໜ່ວຍ ຢູ່ທີ່ຫ້ອງປະຊຸມສະພາປະຊາຊົນແຂວງ ໂດຍການເປັນປະທານຂອງສະຫາຍ ມິກສະຫວັນ ແກ້ວບົວພາ ເລຂາໜ່ວຍຊາວໜຸ່ມຮາກຖານສະພາປະຊາຊົນແຂວງ ມີສະຫາຍຮອງເລຂາໜ່ວຍ, ພ້ອມດ້ວຍສະມາຊິກຊາວໜຸ່ມພາຍໃນໜ່ວຍສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ຮັບຟັງແຈ້ງການຂອງຄະນະຊາວໜຸ່ມປະຊາຊົນປະຕິວັດລາວແຂວງ ເລກທີ 561/ຄຊປປລ,ຂ,ລົງວັນທີ 19 ພຶດສະພາ 2023 ກ່ຽວກັບການເກັບເງິນ ປະກອບສ່ວນເຂົ້າກອງທຶນອິນຊີຊາວໜຸ່ມ ແຂວງຫລວງນ້ຳທາ; ແຈ້ງການຂອງຄະນະຊາວໜຸ່ມປະຊາຊົນປະຕິວັດລາວແຂວງ ເລກທີ 564/ຄຊປປລ,ຂ, /ວັນທີ 30 ພຶດສະພາ 2023 ກ່ຽວກັບ ການເກັບເງີນ ແລະ ນຳສົ່ງເງິນບໍາລຸງຂອງສະມາຊິກຊາວໜຸ່ມປະຊາຊົນປະຕິວັດລາວ ປະຈຳປີ 2023 ແລະ ຮັບຟັງຂໍ້ກຳນົດຂອງຊາວໜຸ່ມແຂວງ ວ່າດ້ວຍກອງທືນອີນຊີ ຂອງຊາວໜຸ່ມປະຊາຊົນປະຕິວັດລາວ ແຂວງຫລວງນ້ຳທາ ທັງໝົດ 04 ໝວດ, 10 ມາດຕາ; ພ້ອມດຽວກັນນັ້ນ ຍັງໄດ້ຮັບຟັງການລາຍງານການຈັດຕັ້ງປະຕິບັດວຽກງງານຂອງໜ່ວຍຊາວໜຸ່ມຮາກຖານ ສະພາປະຊາຊົນແຂວງຫລວງນ້ຳທາ ໃນໄລຍະຜ່ານມາ ແລະ ໄດ້ປະກອບຄຳຄິດເຫັນເພື່ອເຮັດໃຫ້ການຈັດຕັ້ງປະຕິບັດວຽກງານພາຍໃນໜ່ວຍຮາກຖານ ໄດ້ຮັບຜົນສຳເລັດຕາມຄາດໝາຍ ແລະ ເປັນຂະບວນຟົດຟື້ນ;

ຕອນທ້າຍ ສະຫາຍ ມິກສະຫວັນ ແກ້ວບົວພາ ເລຂາໜ່ວຍຊາວໜຸ່ມຮາກຖານສະພາປະຊາຊົນແຂວງ ຍັງໄດ້ມີຄຳເຫັນໂອ້ລົມຕໍ່ສະມາຊິກພາຍໃນໜ່ວຍກ່ອນອື່ນໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນສຳເລັດຫລາຍດ້ານຂອງແຕ່ລະສະຫາຍທັງວຽກງານຂອງໜ່ວຍຊາວໜຸ່ມຮາກຖານ, ວຽກງານວິຊາສະເພາະຕົນ ພ້ອມທັງ ຮຽກຮ້ອງໃຫ້ສະມາຊິກພາຍໃນໜ່ວຍຈົງມີແນວຄິດໜັກແໜ້ນ, ອຸ່ນອຽງທຸນທຽງ, ຝຶກຝົນຮ່ຳຮຽນເອົາຄວາມຮູ້ໃໝ່ໆມາໜູນໃຊ້ໃນວຽກງານວິຊາສະເພາະ ແລະ ມີຄວາມສາມັກຄີຊ່ວຍເຫລືອເຊີ່ງກັນແລະກັນ ເຮັດໃຫ້ໜ່ວຍຂອງພວກເຮົາມີຜົນງານທີ່ຫລາກຫລາຍຂື້ນກວ່າເກົ່າ.

ໂດຍ: ວັນນີ ແຝງບົວວັນ