ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນວັນທີ 7 ກັນຍາ 2022 ທີ່ຜ່ານມາ, ຢູ່ທີ່ຫ້ອງປະຊຸມຂອງສະພາປະຊາຊົນແຂວງຈໍາປາສັກ ໜ່ວຍຊາວໜຸ່ມສະພາປະຊາຊົນແຂວງຈໍາປາສັກ ໄດ້ເປີດກອງປະຊຸມສະຫຼຸບຕີລາຄາການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈໍາປີ 2022 ໂດຍການໃຫ້ກຽດເປັນປະທານ ຂອງສະຫາຍ ສົມສີ ມະນີນິນ ກໍາມະການພັກແຂວງ, ເລຂາໜ່ວຍພັກຮາກຖານສະພາປະຊາຊົນແຂວງ ມີ ສະຫາຍ ແພງວິໄລ ສີອາລຸນ ເລຂາໜ່ວຍຊາວໜຸ່ນສະພາປະຊາຊົນແຂວງ ແລະ ບັນດາສະຫາຍໃນຄະນະໜ່ວຍຊາວໜຸ່ມ, ຕ່າງໜ້າໃຫ້ອົງການຈັດຕັ້ງກໍາມະບານ, ສະຫະພັນແມ່ຍິງ ແລະ ສະມາຊິກຊາວໜຸ່ມຂອງສະພາປະຊາຊົນແຂວງຈໍາປາສັກ ເຂົ້າຮ່ວມ.

ກອງປະຊຸມ, ໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈໍາປີ 2022 ແລະ ທິດທາງແຜນການ ປີ 2023 ຈາກຈະຫາຍ ແພງວິໄລ ສີອາລຸນ ເລຂາໜ່ວຍຊາວໜຸ່ນສະພາປະຊາຊົນແຂວງ ເຊິ່ງເຫັນໄດ້ຜົນງານດ້ານດີ ແລະ ຂໍ້ຄົງຄ້າງບາງດ້ານ ທີ່ຈະຕ້ອງໄດ້ເພີ່ມທະວີໃນການຈັດຕັ້ງປະຕິບັດໃຮຕໍ່ໜ້າ. ພ້ອມດຽວກັນ, ບັນດາສະຫາຍຜູ້ແທນກອງປະຊຸມໄດ້ປະກອບຄໍາເຫັນຕໍ່ບ່າງເນື້ອໃນຮ່າງບົດສະຫຼຸບ ເພື່ອປັບປຸງໃຫ້ມີເນື້ອໃນຄົບຖ້ວມສົມບູນ ແລະ ສອດຄ່ອງກັບການຈັດຕັ້ງປະຕິບັດວຽກງານຕົວຈິງ. ຈາກນັ້ນ, ກອງປະຊຸມຍັງໄດ້ຮັບຟັງການຜ່ານລາຍຊື່ມະຫາຊົນກ້າວໜ້າ ທີ່ຈະປະເມີນໃນການຄັດເລືອກເຂົ້າເປັນເປົ້າໝາຍສະເໜີເຂົ້າເປັນສະມາຊິກພັກ.

ໂອກາດດັ່ງກ່າວ, ສະຫາຍ ສົມສີ ມະນີນິນ ປະທານກອງປະຊຸມ ໄດ້ມີຄໍາເຫັນໂອ້ລົມ ເຊິ່ງ ສະຫາຍໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງ ຕໍ່ໝາກຜົນຜົນງານ ທີ່ໜ່ວຍຊາວໜຸ່ມສະພາປະຊາຊົນແຂວງຈໍາປາສັກ ຍາດມາໄດ້ ພ້ອມທັງເນັ້ນໃຫ້ຄະນະ ແລະ ສະມາຊິກຊາວໜຸ່ມຂອງສະພາປະຊາຊົນແຂວງ ຈົ່ງສືບຕໍ່ຮັກສາມູນເຊືອ ແລະ ເຮັດສໍາເລັດນ້າທີ່ຄວາມຮັບຜິດຊອບ ໂດຍສະເພາະໜ້າທີ່ຮັບຜິດຊອບໃນການຈັດຕັ້ງປະຕິບັດທິດທາງແຜນການທີ່ວາງໄວ້ໃນຕໍ່ໜ້າໃຫ້ຜົນສໍາເລັດສູງ. ພ້ອມດຽວກັນ, ສະຫາຍຍັງໄດ້ໃຫ້ທິດຊີ້ນໍາກ່ຽວກັບການປະເມີນສະມາຊິກຊາວໜຸ່ມ ມະຫາຊົນກ້າວໜ້າ ທີ່ເປັນໝາຍຈະຂະຫຍາຍເຂົ້າເປັນສະມາຊິກພັກ ແລະ ກອງປະຊຸມໄດ້ດໍາເນີນການປະເມີນດ້ວຍຮູບແບບການລົງຄະນະສຽງແບບປິດລັບເພື່ອຢັ້ງຢືນຖຶກຄຸມທາດການເມືອງ ຕາມມາດຖານເງື່ອນໄຂທີ່ກໍານົດໄວ້ໃນລະບຽບການຂອງຊາວໜຸ່ນປະຕິວັດລາວ