ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ສະພາປະຊາຊົນແຂວງຜົ້ງສາລີ ຈະໄດ້ລົງຂ່າວການເຄື່ອນໄຫວວຽກງານຂອງຕົນ ຜ່ານເວັບໄຊຂອງສະພາແຫ່ງຊາດ ເຊິ່ງໃນຕອນບ່າຍມື້ນີ້ ກົມສື່ມວນຊົນ ຄະນະເລຂາທິການສະພາແຫ່ງຊາດ ນຳໂດຍທ່ານ ປອ. ພິດສະໄຫມ ບຸນວິໄລ ຮອງຫົວຫນ້າກົມສື່ມວນຊົນ ພ້ອມດ້ວຍຄະນະ ໄດ້ນໍາເອົາຄູ່ມືກ່ຽວກັບການນໍາໃຊ້ເວັບໄຊໃຫມ່ ຂອງສະພາແຫ່ງຊາດ ເປັນຕົ້ນແມ່ນການລົງຂ່າວຂອງສະພາປະຊາຊົນແຂວງຜົ້ງສາລີ ລົງໃນເວັບໄຊ ແລະ ແອັບພິເຄຊັນ lao NA ຂອງສະພາແຫ່ງຊາດ.
ໂອກາດດັ່ງກ່າວ ຄະນະໄດ້ເຂົ້າພົບທ່ານ ຫຸມເພັງ ຈອມວິສານ ຮອງປະທານສະພາປະຊາຊົນແຂວງ, ທ່ານ ຄຳມາ ສຸລິວົງ ຮອງເລຂາທິການສະພາປະຊາຊົນແຂວງ ເພື່ອແຈ້ງຈຸດປະສົງຂອງການເຄື່ອນໄຫວວຽກງານຄັ້ງນີ້ ຈາກນັ້ນ, ຍັງໄດ້ລົງເຝິກວຽກຕົວຈິງໃຫ້ວິຊາການທີ່ຮັບຜິດຊອບວຽກງານດັ່ງກ່າວ ແລະ ມີການແລກປ່ຽນຖອດຖອນບົດຮຽນ ເຊິ່ງກັນ ແລະກັນ ກ່ຽວກັບບັນຫາທີ່ຍັງມີຄວາມສົນໃຈ.