ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

​(ສພຊ) ອົງການຈັດຕັ້ງມະຫາຊົນຂອງກຳມາທິການວັດທະນະທຳ-ສັງຄົມ, ສະພາແຫ່ງຊາດ ແຂ່ງຂັນກິລາບານເຕະມິດຕະພາບຮັດແໜ້ນຄວາມສາມັກຄີ ກັບທີມກິລາບານເຕະຂອງ ບໍລິສັດ ພີທີ ໂອໂຕ ເຊີວິດ ໃນວັນທີ 29 ກໍລະກົດຜ່ານມາ, ທີ່ສະໜາມກິລາບານເຕະໂດລາ, ເມືອງໄຊເສດຖາ ນະຄອນຫຼວງວຽງຈັນ ເພື່ອສ້າງຂະບວນການຊົມເຊີຍວັນສ້າງຕັ້ງຊາວໜຸ່ມ ຄົບຮອບ 67 ປີ, ວັນສ້າງຕັ້ງກຳມະບານລາວ ຄົບຮອບ 66 ປີ, ວັນສ້າງຕັ້ງສະຫະພັນແມ່ຍິງລາວ ຄົບຮອບ 67 ປີ, ວັນຄ້າຍວັນເກີດຂອງປະທານສຸພານຸວົງ ຄົບຮອບ 113 ປີ ແລະ ຂ່ຳນັບຮັບຕ້ອນວັນສ້າງຕັ້ງລັດຖະທຳມະນູນ ສປປລາວ ຄົບຮອບ 31 ປີ ທີ່ຈະມາເຖິງນີ້ ທັງເປັນການແລກປ່ຽນບົດຮຽນ ລະຫວ່າງອົງການຈັດຕັ້ງມະຫາຊົນຂອງພາກລັດ ກັບພາກເອກະຊົນ ໂດຍສະເພາະແມ່ນອົງການກຳມະບານຂອງສອງພາກສ່ວນ ເຊິ່ງເຮັດໜ້າທີ່ໃນການປົກປ້ອງສິດ ແລະ ຜົນປະໂຫຍດຂອງຜູ້ອອກແຮງງານ ໂດຍການເຂົ້າຮ່ວມຂອງສະຫາຍ ສົມເພັດ ຈິດຕະວັນ ຄະນະໜ່ວຍພັກ, ຜູ້ຊີ້ນຳອົງການຈັດຕັ້ງມະຫາຊົນຂອງໜ່ວຍພັກຮາກຖານກຳມາທິການວັດທະນະທຳ-ສັງຄົມ ແລະ ທ່ານ ທະວີສັກ ອິນທິລາດ ປະທານ ບໍລິສັດ ພີທີ ໂອໂຕ ເຊີວິດ ແລະ ມີກອງເຊຍຂອງທັງສອງຝ່າຍເຂົ້າຮ່ວມເຊຍຢ່າງຄຶກຄື້ນ.
ຜ່ານການແຂ່ງຂັນ ຜົນປາກົດວ່າທີມ ບໍລິສັດ ພີທີ ໂອໂຕ ເຊີວິດ ສາມາດເອົາຊະນະທີມອົງການຈັດຕັ້ງມະຫາຊົນຂອງກຳມາທິການວັດທະນະທຳ-ສັງຄົມ 6-5 ປະຕູ.