(ສພຊ) – ວັນທີ 10 ພຶດສະພາ 2024 ທີ່ຫ້ອງຮັບແຂກສະພາແຫ່ງຊາດ, ທ່ານ ສັນຍາ ປຣະເສີດ ປະທານກຳ ມາທິການການຕ່າງປະເທດ ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານ ນາງ Healther Roach Variava ໃນໂອ ກາດທີ່ມາດຳລົງຕຳແໜ່ງເປັນເອກອັກຄະລັດຖະທູດ ແຫ່ງ ສະຫະລັດອາເມລິກາ ປະຈຳ ສປປລາວ ຄົນໃໝ່.
ໃນ​ການ​ຢ້ຽມຂໍ່ານັບ​, ທ່ານ​ ນາງ Healther Roach Variava ​​ໄດ້​ສະ​ແດງ​ຄວາມ​ຂອບ​ໃຈ​ຕໍ່ການ​ຕ້ອນຮັບ​ອັນ​ອົບ​ອຸ່ນ ພ້ອມທັງລາຍງານໃຫ້ຊາບການມາປະຕິບັດໜ້າທີ່ການທູດຢູ່ ສປປລາວ ໃນໄລຍະສອງເດືອນຜ່ານມາ.
ທ່ານ​ ສັນຍາ ປຣະເສີດ ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບ ​ແລະ ​​​ສະ​ເໜີ​ໃຫ້​ສະໜັບສະໜູນນັກ​ລົງທຶນ​ຊາວອາ ເມລິກາ ​ເຂົ້າມາ​ລົງທຶນ​ຢູ່ ສປປລາວ ​ໃນ​ຂະ​ແໜງ​ການທ່ອງທ່ຽວ, ກະສິກຳ ​ແລະ ຂະ​ແໜງການ​ອື່ນທີ່ມີຄວາມສົນໃຈ; ພ້ອມທັງໃຫ້ສືບຕໍ່ສະໜັບສະໜູນໂຄງການຊ່ວຍເຫຼືອລາວໃນຂົງເຂດວຽກງານເກັບກູ້ລະເບີດບໍ່ທັນແຕກ ທີ່ຍັງຕົກຄ້າງຢູ່ໃນແຜ່ນດິນລາວຕື່ມອີກ.
(ຂ່າວ-ພາບ: ນາງ ອາລິນ ສຸພິມມະປະດິດ)