(ສພຊ) ເພື່ອປຶກສາຫາລື ແລະ ແລກປ່ຽນຄໍາຄິດຄໍາເຫັນນໍາກັນ ກ່ຽວກັບການປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອທີ່ດີງາມ ແລະ ຄູ່ຮ່ວມຍຸດທະສາດ ລະຫວ່າງສອງປະເທດ ລາວ-ຣັດເຊຍ ກໍຄືສອງອົງການນິຕິບັນຍັດ ໃຫ້ນັບມື້ນັບເຂົ້າສູ່ລວງເລິກ ແລະ ເປັນຮູບປະທຳຂຶ້ນເລື້ອຍໆ.

ໃນວັນທີ 9 ມິຖຸນາຜ່ານມາ, ທ່ານ ວະລາດີມີຣ໌ ກາລິນິນ (Vladimir Kalinin) ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ຣັດເຊຍ ປະຈໍາ ສປປລາວ ພ້ອມດ້ວຍຄະນະ ໄດ້ເຂົ້າພົບປະເຮັດວຽກກັບທ່ານ ສັນຍາ ປຣະເສີດ ປະທານກຳມາທິການການຕ່າງປະເທດ ສະພາແຫ່ງຊາດລາວ ທີ່ຫ້ອງຮັບແຂກສະພາແຫ່ງຊາດ.

ການພົບປະເຮັດວຽກຄັ້ງນີ້ ທັງສອງຝ່າຍ ໄດ້ປຶກສາຫາລືບາງວຽກງານທີ່ສຳຄັນ ເປັນຕົ້ນ: ສະມາຊິກສະພາສູງ ແຫ່ງ ສະຫະພັນຣັດເຊຍ, ປະທານຄະນະມິດຕະພາບ ລັດຖະສະພາ ລະຫວ່າງ ລາວ-ຣັດເຊຍ, ສະເໜີມາຢ້ຽມຢາມລາວ ໃນລະຫວ່າງເດືອນມິຖຸນາ ຫາເດືອນກໍລະກົດ 2022. ພ້ອມກັນນີ້, ສະພາແຫ່ງຊາດລາວ ກໍສະເໜີຈັດການພົບປະທາງໄກ ລະຫວ່າງ ສອງປະທານຄະນະມິດຕະພາບລັດຖະສະພາ ລະຫວ່າງ ລາວ-ຣັດເຊຍ ແລະ ຣັດເຊຍ-ລາວ. ກໍາມາທິການການຕ່າງປະເທດ, ສະພາແຫ່ງຊາດລາວ ໄດ້ຮັບຈົດໝາຍຈາກທ່ານປະທານກໍາມາທິການການຕ່າງປະເທດ, ສະພາດູມາ ແຫ່ງ ສະຫະພັນຣັດເຊຍ ທີ່ໄດ້ສະແດງຄວາມຂອບໃຈນຳສະພາແຫ່ງຊາດລາວ ໃນການປະກອບສ່ວນອັນສໍາຄັນເຂົ້າໃນການເພີ່ມທະວີການພົວພັນຮ່ວມມືສອງຝ່າຍລາວ-ຣັດເຊຍໃນໄລຍະຜ່ານມາ ແລະ ສະເໜີໃຫ້ສອງກໍາມາທິການການຕ່າງປະເທດ ຂອງສະພາແຫ່ງຊາດລາວ ແລະ ສະພາດູມາ ຣັດເຊຍ ສືບຕໍ່ເພີ່ມທະວີການພົວພັນຮ່ວມມືໃນຕໍ່ໜ້າ ຈຶ່ງຂໍສະເໜີພົບປະທາງໄກ ລະຫວ່າງ ສອງປະທານກໍາມາທິການການຕ່າງປະເທດ. ໃນການພົບປະຄັ້ງນີ້, ປະທານກໍາມາທິການການຕ່າງປະເທດ ໄດ້ແຈ້ງໃຫ້ທ່ານທູດຊາບວ່າ: ສະພາແຫ່ງຊາດລາວ ໄດ້ມີການປັບປຸງບົດບັນທຶກ ວ່າດ້ວຍການຮ່ວມມື (MOU) ລະຫວ່າງ ສະພາແຫ່ງຊາດລາວ ແລະ ສະພາສູງ ແຫ່ງ ສະຫະພັນຣັດເຊຍ ທີ່ໄດ້ລົງນາມຮ່ວມກັນໃນປີ 2013 ເຊິ່ງເຫັນວ່າອາຍຸຂອງບົດບັນທຶກດັ່ງກ່າວ ໄດ້ໝົດແລ້ວ (ກໍານົດ 5 ປີ) ແລະ ເນື້ອໃນກໍບໍ່ທັນສອດຄ່ອງກັບສະພາບການໃນປັດຈຸບັນ; ສະພາແຫ່ງຊາດລາວ ໄດ້ຮັບໜັງສືສະເໜີຈາກສະຖານທູດລາວ ປະຈໍາ ມົດສະກູ ໂດຍຜ່ານກະຊວງການຕ່າງປະເທດ ແລະ ສະໂນດນຳສົ່ງຈາກສະຖານທູດຣັດເຊຍ ປະຈໍາລາວ ກ່ຽວກັບການຊຸກຍູ້ ແລະ ສົ່ງເສີມ ຈັດຕັ້ງປະຕິບັດບັນດາສັນຍາ, ສົນທິສັນຍາ, ຂໍ້ຕົກລົງ ແລະ ນິຕິກໍາອື່ນໆ ທີ່ກ່ຽວພັນກັບການຮ່ວມມືທາງດ້ານເສດຖະກິດ, ການຄ້າ ແລະ ການລົງທຶນ ລະຫວ່າງ ສອງປະເທດລາວ-ຣັດເຊຍ ແລະ ບັນຫາອື່ນໆອີກຈຳນວນໜຶ່ງ.

ພ້ອມນັ້ນ, ທ່ານເອກອັກຄະລັດຖະທູດ ກໍເຫັນດີຈະຊ່ວຍປະສານໃຫ້ທ່ານປະທານຄະນະມິດຕະພາບ ລັດຖະສະພາ ຣັດເຊຍ-ລາວ ມາຢ້ຽມຢາມ ແລະ ເຮັດວຽກຢູ່ ສປປລາວ; ພ້ອມຈະຊ່ວຍປະສານຫາສະພາດູມາ ເພື່ອຈັດກອງປະຊຸມພົບປະທາງໄກ ຂອງກໍາມາທິການການຕ່າງປະເທດ.

(ພາບ ແລະ ຂ່າວ: ກົງທະນູຄຳ ພິພັດເສລີ)