ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນເຊົ້າຂອງວັນທີ 2 ມີນາ 2022 ຢູ່ທີ່ຫ້ອງປະຊຸມສະພາປະຊາຊົນແຂວງບໍ່ແກ້ວ, ທ່ານ ບຸນພັດ ສີສົມບັດ ເລຂາທິການສະພາປະຊາຊົນແຂວງບໍ່ແກ້ວ ພ້ອມດ້ວຍຫົວໜ້າ, ຮອງຫົວໜ້າຂະແໜງ ແລະ ວິຊາການຂະແໜງກ່ຽວຂ້ອງ ຈຳນວນ 9 ທ່ານ, ຍິງ 2 ທ່ານ ໄດ້ເຂົ້າຮ່ວມກອງປະຊຸມປະຈໍາປີ 2021 ຂອງສະຖາບັນຄົ້ນຄວ້ານິຕິກໍາ ສະພາແຫ່ງຊາດ ໃນຮູບແບບວີດີໂອທາງໄກ. ໂດຍການເປັນປະທານຂອງທ່ານ ຢ່າງກູ້ ຢ່າງລືໄຊ ຫົວໜ້າສະຖາບັນຄົ້ນຄວ້ານິຕິກໍາ ສະພາແຫ່ງຊາດ, ເປັນກຽດເຂົ້າຮ່ວມໂດຍມີ ທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ, ມີບັນດາທ່ານຮອງຫົວໜ້າສະຖາບັນຄົ້ນຄວ້ານິຕິກໍາ ສະພາແຫ່ງຊາດ, ຫົວໜ້າສູນຝຶກອົບຮົມ, ຂໍ້ມູນຂ່າວສານ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ກອງປະຊຸມໄດ້ຮັບຟັງການຜ່ານແຜນພັດທະນາວຽກງານຂອງສະຖາບັນຄົ້ນຄວ້ານິຕິກຳ ສະພາແຫ່ງຊາດ ໄລຍະ 5 ປີ (2021-2025) ແລະ ຜ່ານບົດສະຫຼຸບການເຄື່ອນໄຫວວຽກງານ ປະຈຳປີ 2011 ວາງທິດທາງແຜນການປີ 2022 ຂອງສະຖາບັນຄົ້ນຄວ້ານິຕິກຳສະພາແຫ່ງຊາດ; ຫຼັງຈາກນັ້ນ ແມ່ນໄດ້ມີການພ້ອມກັນ ສົນທະນາ ປະກອບຄໍາຄິດຄໍາເຫັນໃສ່ບົດດັ່ງກ່າວ ເພື່ອເຮັດໃຫ້ກອງປະຊຸມຄັ້ງນີ້ດຳເນີນໄປຕາມຄາດໝາຍ ແລະໄດ້ຮັບຜົນຕາມທີ່ວາງໄວ້.