(ສພຊ) ວັນທີ 16 ກໍລະກົດ 2021 ທີ່ຫ້ອງປະຊຸມຄະນະເລຂາທິການສະພາແຫ່ງຊາດ (ຫລັກ 6) ນະຄອນ ຫລວງວຽງຈັນ ໄດ້ມີກອງປະຊຸມເຜີຍແຜ່ເອກະສານຕ່າງໆກ່ຽວກັບການສະເຫລີມສະຫລອງວັນລັດຖະທຳມະນູນແຫ່ງຊາດ ຄົບຮອບ 30 ປີ ໂດຍການເປັນປະທານຂອງທ່ານ ສຈ.ປອ ຈະເລີນ ເຍຍປາວເຮີ ກໍາມະການສູນກາງພັກ, ຮອງປະທານສະພາແຫ່ງຊາດ, ຮອງຫົວໜ້າຄະນະຮັບຜິດຊອບ ທັງເປັນຜູ້ປະຈຳການຄະນະຮັບຜິດຊອບ ສະເຫລີມສະຫລອງວັນລັດຖະທຳມະນູນແຫ່ງຊາດ ຄົບຮອບ 30 ປີ; ມີບັນດາທ່ານອະນຸກຳມະການ, ກອງເລຂາຊ່ວຍວຽກ ພ້ອມດ້ວຍພາກສ່ວນທີ່ກ່ຽວຂ້ອງ.
ກອງປະຊຸມຄັ້ງນີ້, ທ່ານ ສຸບັນ ສະວະບຸດ ກຳມະການຄະນະປະຈໍາສະພາແຫ່ງຊາດ, ປະທານກໍາມາທິການວຽກງານສະມາຊິກສະພາແຫ່ງຊາດ ໄດ້ເຜີຍແຜ່ບັນດາເອກະສານສຳຄັນດັ່ງນີ້: ມະຕິກົມການເມືອງສູນກາງພັກວ່າດ້ວຍການແຕ່ງຕັ້ງຄະນະຮັບຜິດຊອບສະເຫລີມສະຫລອງວັນລັດຖະທຳມະນູນແຫ່ງຊາດ ຄົບຮອບ 30 ປີ ສະບັບເລກທີ 28/ກມສພ, ລົງວັນທີ 24 ມິຖຸນາ 2021; ຄຳສັ່ງແນະນຳຂອງຄະນະເລຂາທິການສູນກາງພັກ ສະບັບເລກທີ 151/ຄລສພ, ລົງວັນທີ 09 ກໍລະກົດ 2021 ວ່າດ້ວຍສະເຫລີມສະຫລອງວັນລັດຖະທຳມະນູນແຫ່ງຊາດ ຄົບຮອບ 30 ປີ; ແຜນແບ່ງຄວາມຮັບຜິດຊອບສະເຫລີມສະຫລອງວັນລັດຖະທຳມະນູນແຫ່ງຊາດ ຄົບຮອບ 30 ປີ ສະບັບເລກທີ 03/ຄລສຊ, ລົງວັນທີ 14 ກໍລະກົດ 2021; ແຜນການກະກຽມ ແລະ ດຳເນີນງານສະເຫລີມສະຫລອງວັນລັດຖະທຳມະນູນແຫ່ງຊາດ ຄົບຮອບ 30 ປີ ສະບັບເລກທີ 02/ຄສລຊ, ລົງວັນທີ 14 ກໍລະກົດ 2021; ແຜນການດໍາເນີນງານລະອຽດກ່ຽວກັບການກະກຽມ ແລະ ກຳເນີນງານສະເຫລີມສະຫລອງວັນລັດຖະທຳມະນູນແຫ່ງຊາດ ຄົບຮອບ 30 ປີ ສະບັບເລກທີ 04/ຄສລຊ, ລົງວັນທີ 14 ກໍ ລະກົດ 2021; ຈາກນັ້ນ, ກອງປະຊຸມຍັງໄດ້ຮັບຟັງການໃຫ້ທິດຊີ້ນໍາຂອງຄະນະຮັບຜິດຊອບການຈັດຕັ້ງປະຕິບັດໜ້າທີ່ວຽກງານໃນຕໍ່ໜ້າ.

ແຫຼ່ງຂ່າວທີ່ມາ: ສະພາແຫ່ງຊາດ