ຕອນເຊົ້າວັນທີ12 ສິງຫາ 2024ນີ້,ສະມາຊິກສະພາແຫ່ງຊາດ ຊຸດທີIX ປະຈຳເຂດເລືອກຕັ້ງທີ15 ແຂວງຈຳປາສັກແລະສະມາຊິກ ສະພາປະຊາຊົນແຂວງ ປະຈຳເຂດເລືອກຕັ້ງເມືອງຈຳປາສັກໄດ້ລົງເຄື່ອນໄຫວເຜີຍແຜ່ຜົນສຳເລັດ ກອງປະຊຸມສະໄໝສາມັນເທື່ອທີ 07 ຂອງສະພາແຫ່ງຊາດ ຊຸດທີIXແລະສະພາປະຊາຊົນແຂວງຈຳປາສັກ ຊຸດທີII ຢູ່ກຸ່ມບ້ານທີIIl ແລະ IV ຂອງເມືອງຈຳປາສັກ,ແຂວງຈຳປາສັກ,ກອງປະຊຸມດັ່ງກ່າວແມ່ນໄດ້ຈັດຂື້ນທີ່ສາລາໂຮງທຳ ບ້ານ ຄຳຈະເລີນ ກຸ່ມ 4 ໜອງແຕ້ ແລະ ບ້ານ ໜອງໝາກແກ້ວ ກຸ່ມ 3 ດອນຕະລາດ ,ນຳໂດຍ ທ່ານ ພົຕ ສາຍໃຈ ກົມມະສິດ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ15 ແຂວງຈຳປາສັກ,,ທ່ານ ສີຈະເລີນໄຊ ສີລາເພັດຮອງເລຂາພັກເມືອງ ປະທານຄະນະກວດກາພັກເມືອງ ທັງແມ່ນສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງຈຳປາສັກ ທ່ານ ນາງ ເຂັມຄຳ ກິດຕິພັນ ສາມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງຈຳປາສັກ,ມີຂະແໜງການທີ່ກ່ຽວຂ້ອງຂອງສສຊແລະສສຂ,ອົງການຈັດຕັ້ງຂອງບ້ານ,ເລຂາພັກບ້ານ2ບ້ານ,ຕະຫຼອດຮອດພໍ່ແມ່ປະຊາຊົນ 2 ບ້ານຄື:ບ້ານ ຄຳຈະເລີນ ແລະ ບ້ານໜອງໝາກແກ້ວເຂົ້າຮ່ວມ,ໄລຍະດຽວກັນນັ້ນ ສສຊແລະສສຂ ສືບຕໍ່ລົງເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ07 ຂອງສະພາແຫ່ງຊາດຊຸດທີIXແລະສະພາປະຊາຊົນແຂວງຊຸດທີII ຢູ່ທີ່ບ້ານດັ່ງກ່າວ,

ການລົງມາໃນເທື່ອນີ້ກໍ່ໄດ້ຮັບຟັງການຂື້ນຜ່ານບົດລາຍງານສະພາບປະຫັວດຄວາມເປັນມາຂອງ 2 ບ້ານ ໂດຍຫຍໍ້,ຈາກນນັ້ນ ສສຊແລະສສຂ ກໍ່ໄດ້ຜັດປ່ຽນກັນເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 07 ຂອງສະພາແຫ່ງຊາດຊຸດທີIXແລະສະພາປະຊາຊົນແຂວງ ຊຸດທີII ທີ່ໄດ້ພິຈາລະນາ ຮັບຮອງຫຼາຍບັນຫາສຳຄັນພື້ນຖານຂອງຊາດແລະຂອງແຂວງຈຳປາສັກໃຫ້ປະຊາຊົນຜູ້ມີສິດເລືອກຕັ້ງໄດ້ມີຄວາມຮັບຮູ້ແລະເຂົ້າໃຈຢ່າງເລິກເຊີ່ງພ້ອມນີ້ກໍ່ໄດ້ພົບປະແລກປ່ຽນ,ຮັບຟັງການນຳສະເໜີບັນຫາຕ່າງໆຂໍ້ຫຸ້ຍງຍາກຂອງອຳນາດການປົກຄອງບ້ານແລະພໍ່ແມ່ປະຊາຊົນທີ່ພົວພັນກັບການບໍລິຫານລັດ,ການພັດທະນາເສດຖະກິດ-ສັງຄົມ,ຊີວິດການເປັນຢູ່ຂອງປະຊາຊົນຕໍ່ກັບຄຳສະເໜີດັ່ງກ່າວນັ້ນບັນດາທ່ານສສຊແລະສສຂ ກໍ່ໄດ້ຊີ້ແຈ້ງອະທິບາຍບັນຫາຕ່າງໆໃຫ້ປະຊາຊົນຮັບຮູ້ແລະເຂົ້າໃຈພ້ອມທັງຮັບຮອງເອົາຄຳສະເໜີ ເພື່ອນຳໄປລາຍງານຕໍ່ຄະນະປະຈຳສະພາປະຊາຊົນແຂວງຈຳປາສັກ ເພື່ອຄົ້ນຄ້ວາພິຈາລະນາ ປະສານສົມທົບຊຸກຍູ້ໃຫ້ພາກສ່ວນກ່ຽວຂ້ອງແກ້ໄຂຖຶກຕ້ອງຕາມສະພາບຄວາມເປັນຈິງບັນພື້ນຖານລະບຽບກົດໝາຍເປັນຫຼັກ.

(ພາບ-ຂ່າວ: ໄຊຍະສິດ ສີຫາວົງ)