ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນວັນທີ 16 ພຶດສະພາ 2022 ທີ່ຜ່ານມານີ້ ເວລາ 8:30 ນາທີ ຢູ່ທີ່ຫ້ອງປະຊຸມຂອງສະພາປະຊາຊົນແຂວງບໍ່ແກ້ວ ໄດ້ເປີດກອງປະຊຸມພົບປະລະຫວ່າງ
ສະພາປະຊາຊົນແຂວງບໍ່ແກ້ວ ກັບອົງການກວດສອບປະຈໍາພາກເໝືອຂຶ້ນ ໂດຍພາຍໃຕ້ການເປັນ ປະທ່ານ ຂອງທ່ານ ຈອມສີ ລັດຕະນະປັນ ຮອງເລຂາ
ພັກແຂວງ ປະທານສະພາປະຊາຊົນແຂວງ
ມີທ່ານສາລະວັນ ອິນທະວົງ ຮອງປະທານອົງການກວດສອບປະຈໍາພາກເໝືອ ພ້ອມດ້ວຍຄະນະທີມງານທີ່ມາຈາກອົງການກວດສອບ ແລະມີບັນດາທ່ານຄະນະປະຈໍາສະພາປະຊາຊົນແຂວງກໍໄດ້ເຂົ້າຮ່ວມ.
ກອງປະຊຸມຄັ້ງນີ້ ແມ່ນເພື່ອພົບປະ ແລະເຮັດວຽກຮ່ວມກັນລະຫວ່າງ ສະພາປະຊາຊົນແຂວງບໍ່ແກ້ວກັບອົງການກວດສອບປະຈໍາພາກເໝືອ ກ່ອນການ
ດໍາເນີນການກວດສອບ ບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2021 ຂອງແຂວງບໍ່ແກ້ວ ແລະ ເພື່ອເປັນການແລກປ່ຽນຂໍ້ມູນ-ຂ່າວສານແລະແລກປ່ຽນຄໍາຄິດຄໍາເຫັນຕໍ່ມາດຕະການແກ້ໄຂຜົນການກວດສອບຕາມມະຕິສະພາປະຊາຊົນແຂວງ,ຄໍາແນະນໍາຂອງຄະນະກວດສອບ ແລະ ເປົ້າໝາຍຖືກກວດສອບ.
ກອງປະຊຸມຄັ້ງງນີ້ແມ່ນໃຊ້ເວລາພຽງ1ຕອນກໍອັດລົງດ້ວຍຜົນສໍາເລັດ.
ພາບ ແລະ ຂ່າວ
ນາງ ຂັນຖະໜອມ ແກ້ວມະນີ