ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຕອນບ່າຍຂອງວັນພະຫັດ, ວັນທີ 19 ພຶດສະພາ 2022(ຢູ່ທີ່ຫ້ອງປະຊຸມສະພາປະຊາຊົນແຂວງ) ໄດ້ມີພິທີ ເຊັນຂໍ້​ຕົກ​ລົງ​ຮ່ວມວ່າ​ດ້ວຍການ​ພົວ​ພັນ​ລະ​ຫວ່າງ ຄະ​ນະ​ປະ​ຈຳ​ສະ​ພາ​ປະ​ຊາ​ຊົນ​ແຂວງ ກັບ ຄະ​ນະ​ປະຈໍາ​ແນວ​ລາວ​ສ້າງ​ຊາດ​ແຂວງ, ໂດຍການເປັນປະທານຂອງທ່ານ ຄໍາເຜີຍ ງອນວັນຄຳ ກຳມະການປະຈໍາພັກແຂວງ, ຮອງປະທານສະພາປະຊາຊົນແຂວງ, ມີທ່ານ ຄໍາມະນີ ໄຊດວງຕາ ປະທານຄະນະກຳມະການວັດທະນະທໍາ-ສັງຄົມ ແລະ ບັນດາ ເຜົ່າ, ​ທ່ານ ບຸນຍື່ນ ໄຊຍະເວັນ ຮອງ​ປະທານ​ແນວລາວສ້າງຊາດແຂວງ, ຄະນະປະຈໍາສະພາປະຊາຊົນແຂວງ, ຄະ ນະປະຈໍາແນວລາວສ້າງຊາດແຂວງ, ຮອງປະທານ ຄະນະກຳມະການວັດທະນະທໍາ-ສັງຄົມ ແລະ ບັນດາເຜົ່າ, ຫົວໜ້າ​-ຮອງ​ຫົວໜ້າ​ຂະແໜງກ່ຽວຂ້ອງຂອງ ​​​ສະ​ພາ​ປະ​ຊາ​ຊົນ​ແຂວງ ແລະ  ແນວ​ລາວ​ສ້າງ​ຊາດແຂວງ ເຂົ້າຮ່ວມ.

ຈຸດປະສົງຂອງການເຊັນຂໍ້​ຕົກ​ລົງ​ຮ່ວມວ່າ​ດ້ວຍການ​ພົວ​ພັນ​ລະ​ຫວ່າງ ຄະ​ນະ​ປະ​ຈຳ​ສະ​ພາ​ປະ​ຊາ​ຊົນ​ແຂວງ ກັບ ຄະ​ນະ​ປະຈໍາ​ແນວ​ລາວ​ສ້າງ​ຊາດ​ແຂວງຄັ້ງນີ້ ແມ່ນເພື່ອ​ຮັບ​ປະ​ກັນ​ ໃຫ້​ແກ່​ການ​ເຄື່ອນ​ໄຫວ ການຈັດ​ຕັ້ງ​ປະ​ຕິ​ບັດ​ໜ້າ​ທີ່​ການ​ເມືອງ​ຕາມ​ພາ​ລະ​ບົດ​ບາດ, ສິດ ແລະ ໜ້າ​ທີ່ ທັງ​ເປັນ​ບ່ອນ​ອີງ​ໃຫ້​ແກ່​ການ​ພົວ​ພັນ​ປະ​ສານ​ງານ​ ລະ​ຫວ່າງ ຄະ​ນະ​ປະ​ຈຳ​ສະ​ພາ​ປະ​ຊາ​ຊົນ​ແຂວງ ກັບ ຄະ​ນະ​ປະ​ຈຳ​ແນວ​ລາ​ວ​ສ້າງ​ຊາດ​ແຂວງ ໃນ​ການ​ຜັນ​ຂະ​ຫຍາຍ​ແນວ​ທາງ​ນະ​ໂຍບາຍ​ຂອງ​ພັກ ແລະ ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ ໄດ້​ຮັບ​ການ​ຈັດ​ຕັ້ງ​ປະ​ຕິ​ບັດ​ ໃຫ້ມີ​ຜົນ​ສຳ​ເລັ​ດສູງ, ເຮັດ​ໃຫ້​ສັງ​ຄົມ​ມີ​ຄວາມ​ເປັນ​ລະ​ບຽບ​ຮຽບ​ຮ້ອຍ ແລະ ​ມີ​ສ​ະຖຽນ​ລະ​ພາບທາງດ້ານການເມືອງ.

ຈາກນັ້ນ, ທ່ານ ຄໍາມະນີ ໄຊດວງຕາ ປະທານຄະນະກຳມະການວັດທະນະທໍາ-ສັງຄົມ ແລະ ບັນດາເຜົ່າ, ໄດ້ຜ່ານຂໍ້​ຕົກ​ລົງ​ຮ່ວມ​ສະ​ບັບ​ນີ້ເຊິ່ງປະກອບ​ມີ 5 ໝວດ, 20 ມານຕາ ໄດ້ກຳ​ນົດຫຼັກ​ການ, ລະ​ບ​ຽບ​ການ, ເນື້ອ​ໃນ ແລະ ກົນ​ໄກ​ການ​ພົວ​ພັນ​ ລະ​ຫວ່າງ ຄະ​ນະປະຈຳ​ສະ​ພາ​ປະ​ຊາ​ຊົນ​ແຂວງ ກັບ ​ຄະ​ນະ​ປະ​ຈຳແນວ​ລາວ​ສ້າງ​ຊາດ​ແຂວງ ໃນ​ການ​ປະ​ສານ​ງານ, ຕິດ​ຕາມກວດ​ກາຕາມພາ​ລະ​ບົດ​ບາດ, ສິດ​ ແລະ ​ໜ້າ​ທີ່ ຂອ​ງ​ສະ​ພາ​ປະ​ຊາ​ຊົນ​ແຂວງ ແລະ ອົງການແນວ​ລາວ​ສ້າງ​ຊາດ​ແຂວງ ​ຕາມ​ຈຸດ​ປະ​ສົງ-​ເປົ້າ​ໝາຍ, ການ​ພົວ​ພັນ​ ລະ​ຫວ່າງ​ ຄະ​ນະ​ປະ​ຈຳ ສະ​ພາ​ປະ​ຊາ​ຊົນ​ແຂວງ ກັບ ​ຄະ​ນະ​ປະ​ຈຳ ​ແນວ​ລາວ​ສ້າງ​ຊາດ​ແຂວງ, ​ແມ່ນ​ກົ​ນ​ໄກ​ໜຶ່ງ ໃນການປະສານ​​ສົມ​ທົ​ບ ຂອງຄະນະປະຈໍາ ສອງຝ່າຍ ໃນການ​ຄົ້ນ​ຄວ້າ, ປຶກ​ສາ​ ຫາ​ລື​ ວຽກ​ງານ​ຮ່​ວມ​ກັ​ນ ເພື່ອເປັນ​ເອ​ກະ​ພາບ​ໃນການຕິດຕາມກວດກາ, ຊຸກ​ຍູ້ ບັນ​ດາ​ວຽກ​ງານ​ທີ່​ມີກ​ານ​ ພົວ​ພັນເຖິງ​ພາ​ລະ​ບົດ​ບາດ, ຄວາມ​ຮັບ​ຜິດ​ຊອບ​ທັງສອງຝ່າຍ ໂດຍ​ປະ​ຕິ​ບັດ​ຕາມຫຼັກ​ການ​ພື້ນ​ຖານ​ດັ່ງ​ນີ້: ຄວາມ​ເປັນ​ເອກ​ະ​ພາບ ບົນ​ພື້ນ​ຖານ​ແນວ​ທາງ​ນະ​ໂຍ​ບາຍ ​ຂອງ​ພັກ-ລັດ​, ລັດຖະ​ທຳ​ມະ​ນູນ ແລະ ກົດໝາຍ; ເຄົາ​ລົບ​ສິດ​ສະ​ເໝີ​ພາບ, ​ເຄື່ອນ​ໄຫ​ວ​ຕາມຫຼັກ​ການ, ຕາມພາ​ລະ​ບົດ​ບາດ, ສິດ ແລະ ໜ້າ​ທີ່​ຂອງ​ກັນ ແລະ ກັນ ສ້າງ​ຄວາມ​ເຊື່ອ​ໝັ້ນ ​ໃຫ້​ແກ່​ປະ​ຊາ​ຊົນ​ບັນ​ດາ​ເຜົ່າ; ເສີມ​ຂະ​ຫ​ຍາຍ​​ປະ​ຊາ​ທິ​ປະ​ໄຕ, ການ​ຈັດ​ຕັ້ງ​ປະຕິບັດ ແນວທາງຂອງພັກ-ລັດ ແບບ​ລວມ​ສູນ, ​ມີ​ສ່ວນ​ຮ່ວມ ຂ​ອງ​ອົງ​ການທີ່​ກ່ຽວຂ້ອງ​ ໃນການ​ແກ້​ໄຂ​ບັນ​ຫາ ແລະ ຊອກຫາວິ​ທີ​​ທາງ​ອອກ​ຮ່ວມ​ກັນ ແລະ ມີ​ການ​ກຳ​ນົດ​​ແຜນການ​ເຄື່ອນ​ໄຫວ, ແຜນຕິດ​ຕາມກວດ​ກາ​ຢ່າງ​ຈະ​ແຈ້ງ, ຖືກ​ຕ້ອງ, ​ມີ​ຄວາມ​ເອ​ກະ​ພາບ ແລະ ຜົນໄດ້ຮັບສູງ.

    ຫຼັງຈາກນັ້ນຜູ້ເຂົ້າຮ່ວມພິທີໄດ້ປະກອບຄໍາຄິດຄໍາເຫັນໃສ່ຂໍ້ຕົກລົງຮ່ວມວ່າ​ດ້ວຍການ​ພົວ​ພັນ​ລະ​ຫວ່າງ ຄະ​ນະ​ປະ​ຈຳ​ສະ​ພາ​ປະ​ຊາ​ຊົນ​ແຂວງ ກັບ ຄະ​ນະ​ປະຈໍາ​ແນວ​ລາວ​ສ້າງ​ຊາດ​ແຂວງເພີ່ມເຕີ່ມບາບັນຫາ ແລະ ໄດ້ເຊັນຂໍ້ຕົກລົງຮ່ວມດັ່ງກ່າວຢ່າງເປັນທາງການ.

   ພາບ-ຂ່າວ: ແສງພອນ ອິນນະລົງ.