ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ເພື່ອເປັນການຄົ້ນຄວ້າບັນດາຄຳເຫັນຂອງສະມາຊິກສະພາແຫ່ງຊາດ ທີ່ໄດ້ມີຄຳເຫັນສະເໜີໃຫ້ປັບປຸງໃສ່ກົດໝາຍວ່າດ້ວຍຊັບສິນຂອງລັດ (ສະບັບປັບປຸງ) ​ໄດ້ຖືກ​ຮັບຮອງ​ໃນ​ກອງ​ປະຊຸມ​ສະ​ໄໝ​ສາມັນ​ເທື່ອ 3 ຂອງ​ສະພາ​ແຫ່ງ​ຊາດ ຊຸດ​ທີ IX ​​ເມື່ອ​ວັນ​ທີ 7 ກໍລະກົດຜ່ານມາ ໂດຍມີສະມາຊິກສະພາແຫ່ງຊາດ ເຂົ້າຮ່ວມ 155 ທ່ານ, ເຫັນດີ 138 ທ່ານ, ບໍ່ເຫັນດີ 15 ທ່ານ, ບໍ່ອອກສຽງ 2 ທ່ານ ແນໃສ່ເຮັດໃຫ້ເນື້ອໃນຂອງກົດໝາຍມີຄວາມຄົບຖ້ວນ, ສົມບູນ ແລະ ສາມາດຈັດຕັ້ງປະຕິບັດໄດ້.
ກອງ​ປະຊຸມ​ຮຽບຮຽງ​ກົດໝາຍ​ວ່າ​ດ້ວຍ​ຊັບ​ສິນ​ຂອງ​ລັດ (ສະບັບ​ປັບປຸງ) ຕາມ​ການ​ປະກອບ​ຄຳ​ເຫັນ​ຂອງ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 3 ຂອງ​ສະພາ​ແຫ່ງ​ຊາດ ຊຸດ​ທີ IX ​ເຊິ່ງ​ບັນດາທ່ານສະມາຊິກສະພາແຫ່ງຊາດ ​ໄດ້ປະກອບຄຳເຫັນ ທັງໝົດ 44 ທ່ານ ແລະ ສົ່ງເອກະສານປະກອບຄຳເຫັນ ຈຳນວນ 15 ທ່ານ ກວມເອົາ 36 ມາດຕາ, 98 ເນື້ອໃນ ໄດ້​​ໄຂ​ຂຶ້ນ​ຢ່າງ​ເປັນ​ທາງ​ການ​ໃນ​ຕອນ​ເຊົ້າ​ວັນຈັນ​ທີ 18 ກໍລະກົດນີ້ ໂດຍ​ການ​ເປັນ​ປະທານ​ເປີດ​ກອງ​ປະຊຸມ​ຂອງ​ທ່ານ ປອ. ລີ​ເບີ ລີ​ບົວ​ປາວ ປະທານ​ກຳມາ​ທິການ​ແຜນການ​, ການ​ເງິນ ​ແລະ ການກວດ​ສອບ ສະພາແຫ່ງຊາດ; ເຂົ້າຮ່ວມມີບັນດາທ່ານຮອງປະທານກຳມາທິການແຜນການ, ການເງິນ ແລະ ການກວດສອບ, ກຳມາທິການກົດໝາຍ, ຮອງລັດຖະມົນຕີກະຊວງຍຸຕິທຳ, ຮອງລັດຖະມົນຕີກະຊວງການເງິນ ພ້ອມດ້ວຍພາກສ່ວນກ່ຽວຂ້ອງຂອງກະຊວງຍຸຕິທໍາ ແລະ ຫ້ອງວ່າການປະທານປະເທດ, ຄະນະທີ່ປືກສາດ້ານກົດໝາຍຂອງຄະນະປະຈຳສະພາແຫ່ງຊາດ, ບັນດາທ່ານຫົວໜ້າ-ຮອງຫົວໜ້າກົມ ແລະ ພະນັກງານ-ລັດຖະກອນ ຈາກສະພາແຫ່ງຊາດ ແລະ ຈາກກະຊວງການເງິນ.
(ພາບ ແລະ ຂ່າວ: ນາງ ປາກາລັກ ພົມມີໄຊ)