ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນ​ຕອນ​ເຊົ້າ​ຂອງວັນ​ທີ 30 ມີ​ນາ 2022 ຮາກ​ຖານ​ສະ​ຫະ​ພັນ​ແມ່​ຍິງ​ສະ​ພາ​ປະ​ຊາ​ຊົນ​ແຂວງ ຄ​ຳ​ມ່ວນ ໄດ້​ຈັດ​ເຜີຍ​ແຜ່​ເຊື່ອມ​ຊຶມ​ເອກ​ກະ​ສານ​ ເນື່ອງ​ໃນ​ວັນ​ສຳ​ຄັນ​ຂອງ​ຊາດ ຂອງ​ພັກ ໂດຍ​ພາຍ​ໃຕ້​ການ​ເປັນ​ປະ​ທານ​ຮ່ວມ ລະ​ຫວ່າງ ທ່ານ ນາງ ສາ​ທິດ ຈັນ​ສີ ປະ​ທານ​ຮາກ​ຖານ​ສະ​ຫະ​ພັນ​ແມ່​ຍິງ ສະ​ພາ​ປະ​ຊາ​ຊົນ​ແຂວງ, ທັງ​ເປັນ​ຄະ​ນະ​ປະ​ຈຳ​ສະ​ພາ​ປະ​ຊາ​ຊົນ​ແຂວງ, ທ່ານ ຄຳ​ສຸກ ວັນ​ທະ​ວົງ​ສາ ເລ​ຂາ​ໜ່ວຍ​ພັກ​ສະ​ພາ​ປະ​ຊາ​ຊົນ​ແຂວງ, ເປັນ​ກຽດ​ເຂົ້າ​ຮ່ວມກອງ​ປະ​ຊຸມ​ຄັ້ງ​ນີ້​ມີ ທ່ານ ບົວ​ພັນ ແສງ​ຈັນ ຮອງ​ປ​ະ​ທານ​ສະ​ພາ​ປະ​ຊາ​ຊົນ​ແຂວງ, ເຂົ້າ​ຮ່ວມກອງ​ປະ​ຊຸມ​ມີ ຄະ​ນະ​ບໍ​ລິ​ຫານ​ງານ​ສ​ະ​ຫະ​ພັນ​ແມ່​ຍິງ​ແຂວງ, ຄະ​ນະ​ປະ​ຈຳ, ຄະ​ນະ​ເລ​ຂາ​ທິ​ການ, ສະ​ມ​ຊິກ​ສະ​ພາ​ປະ​ຊາ​ຊົນ​ແຂວງ, ຄະ​ນະ​ເລ​ຂາ​ທິ​ການ, ຫົວ​ໜ້າ​ຂະ​ແໜງ, ຮອງ​ຂະ​ແໜງ​ພ້ອມ​ດ້ວຍ​ພະ​ນັກ​ງານ​ເອື້ອຍ​ນ້ອງ​ຍິງ-ຊາຍ, ເຂົ້າ​ຮ່ວມ​ຈຳ​ນວນ 31 ຄົນ, ຍິງ 18 ຄົນ.

ກອງ​ປະ​ຊຸມ​ໄດ້​ເຜີຍ​ແຜ່​ເຊື່ອມ​ຊືມ​ເອ​ກະ​ສານ​ທີ່​ສຳ​ຄັນ​ຕ່າງໆ​ຂອງ​ຊາດ ຂອງ​ພັກ​ດັ່ງ​ນີ້: ເອ​ກະ​ສານ​ເນື່ອງ​ໃນ​ໂອ​ກາດ​ພິ​ທີ​ສະ​ເຫຼີມ​ສະຫຼອງວັນ​ແມ່​ຍິງ​ສາ​ກົນ ວັນ​ທີ 8 ມີ​ນາ 2022 ຄົບ​ຮອບ 112 ປີ, ເອ​ກະ​ສານ​ຮ່າງ​ແຜນ​ຈັດ​ຕັ້ງ​ປະ​ຕິ​ບັດ​ວາ​ລະ​ແຫ່ງ​ຊາດ ວ່າ​ດ້ວຍ​ການ​ແກ້​ໄຂ​ຄວາມ​ຫຍຸ້ງ​ຍາກ​ດ້ານ​ເສດ​ຖະ​ກິດ-ການ​ເງິນ, ແກ້​ໄຂ​ບັນ​ຫາ​ຢາ​ເສບ​ຕິດ ຂອງ​ສະ​ຫະ​ພັນ​ແມ່​ຍິງ​ແຂວງ, ມະ​ຕິ​ຕົກ​ລົງ​ຂອງ​ຄະ​ນະ​ເລ​ຂາ​ທິ​ການ​ສູນ​ກາງ​ພັກ, ແຜນ​ດຳ​ເນີນ​ງານ​ສູນ​ກາງ​ສະ​ຫະ​ພັນ​ແມ່​ຍິງ​ລາວ​ສະ​ໄໝ​ທີ VIII, ມະ​ຕິ​ກອງ​ປະ​ຊຸມ​ວິ​ສາ​ມັນ​ຄົບ​ຄະ​ນະ​ບໍ​ລິ​ຫານ​ງານ​ສູນ​ກາງ​ສະ​ຫະ​ພັນ​ແມ່​ຍິງ​ລາວສະ​ໄໝ VIII, ແຜນ​ປະ​ຕິ​ບັດ​ງານ​ພັດ​ທະ​ນາ ພະ​ນັກ​ງານ​ເພດ​ຍິງ ແຂວງ ຄຳ​ມ່ວນ, ມະ​ຕິ​ກອງ​ປະ​ຊຸມ​ເປີດ​ກວ້າງ​ຄົບ​ຄະ​ນະ​ບໍ​ລິ​ຫານ​ງານ​ສະ​ຫະ​ພັນ​ແມ່​ຍິງ​ແຂວງ​ຄຳ​ມ່ວນ ຄັ້ງ​ທີ 3 ສະໄໝ​ທີ X. ຜ່ານ​ການ​ເຜີຍ​ແຜ່​ເຊື່ອມ​ຊຶມ​ບັນ​ດາ​ເອ​ກະ​ສານ​ດັ່ງ​ກ່າວ​ກໍ່​ໄດ້​ມີ​ພິ​ທີ​ມອບ-ຮັບ​ໃບ​ຍ້ອງ​ຍໍ​ຂໍ້​ແຂ່ງ​ຂັນ 3 ດີ ໃຫ້​ແກ່​ບັນ​ດາ​ສະ​ມາ​ຊິກ​ແມ່​ຍິງ​ທີ່​ມີ​ຜົນ​ງານ​ດີ​ເດັ່ນ​ໃນ​ໄລ​ຍະ​ຜ່ານ​ມາ. ກອງ​ປະ​ຊຸມ​ດັ່ງ​ກ່າວ​ແມ່ນ​ປິດ​ລົງ​ເວ​ລາ 11:30.