ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຕອນບ່າຍ ວັນທີ 13 ກັນຍາ 2022 ທີ່ຫ້ອງຮັບແຂກສະພາປະຊາຊົນແຂວງ ທ່ານ ມະໂນລິດ ຊຸມພົນພັກດີ ຮອງອໍານວຍການໃຫຍ່ ທະນາຄານສົ່ງເສິມກະສີກໍາ ຈໍາກັດ ພ້ອມດ້ວຍທິມງານ ເຂົ້າພົບການນໍາແຂວງຜົ້ງສາລີ ຕາງໜ້າໃຫ້ຄະນະນໍາແຂວງຕ້ອນຮັບໂດຍ ທານ ທອງສີ ເສົາສຸລິພົມ ຮອງເລຂາພັກແຂວງ, ປະທານສະພາປະຊາຊົນແຂວງຜົ້ງສາລີ.

ການເຂົ້າພົບການນໍາແຂວງໃນຄັ້ງນີ້ ທ່ານ ມະໂນລິດ ຊຸມພົນພັກດີ ໄດ້ແຈ້ງຈຸດປະສົງການເຄື່ອນໄຫວວຽກຂອງຄະນະທີມງານ ຢູ່ແຂວງຜົ້ງສາລີ ໂດຍສະເພາະການປັບປຸງການຈັດຕັ້ງຂອງທະນາຄານສົງເສີມກະສີກໍາ ໃນທົ່ວປະເທດ ກໍຄືການປັບປຸງການຈັດຕັ້ງ ໂດຍສະເພາະການສັບປ່ຽນ ຫົວໜ້າທະນາຄານສົງເສີມກະສິກໍາ ຈໍາກັດ ຢູ່ສາຂາແຂວງຜົ້ງສາລີ; ທັງນີ້ກໍເພື່ອຮັບປະກັນໃຫ້ການເຄື່ອນໄຫວວຽກງານຂອງທະນາຄານສົ່ງເສີມກະສິກໍາໄດ້ຮັບປະສິດທິພາບ, ມີຄວາມເຂັ້ມແຂງ.

ໂອກາດດຽວນີ້ ທ່ານ ທອງສີ ເສົາສຸລິພົມ ກໍໄດ້ກ່າວສະແດງຄວາມຍິນດີຕໍ່ກັບການມາເຄື່ອນໄຫວຂອງຄະນະທີມງານ ແລະ ກ່າວຊົມເຊີຍຕໍ່ກັບຜົນສໍາເລັດໃນການປັບປຸງກົງຈັກການຈັດຕັ້ງ. ແນ່ໃສ່ສ້າງຄວາມເຂັ້ມແຂງ ແລະ ການຍົກສູງຄຸນນະພາບໃນການເຄື່ອນໄຫວວຽກງານຂອງທະນາຄານສົ່ງເສີມກະສິກໍາ. ພ້ອມກັນນັ້ນ, ທ່ານຍັງໄດ້ເໜັ້ນບາງບັນຫາຕໍ່ການເຄື່ອນໄຫວຂອງທະນາຄານສົ່ງເສີມກະສີກໍາ ເປັນຕົ້ນ: ການປະກອບສ່ວນຂອງທະນາຄານສົ່ງເສີມກະສິກໍາ ເຂົ້າໃນການຈັດຕັ້ງປະຕິບັດລັດຖະທໍາມະນູນ, ກົດໝາຍ ແລະ ລະບຽບການຕ່າງໆ ເພື່ອເປັນການຫັນເຂົ້າສູ່ລະບຽບກົດໝາຍເທື່ອລະກ້າວ; ພ້ອມທັງເອົາໃຈໃສ່ໃນການຄຸ້ມຄອງເງິນຕາທີ່ເຄື່ອນໄຫວຢູ່ນອກລະບົບທະນາຄານ ແລະ ການຄຸ້ມຄອງຮ້ານແລກປ່ຽນເງິນຕາໃຫ້ຢູ່ພາຍໃຕ້ການຄວບຄຸມຂອງທະນາຄານຕາມລະບຽບກົດໝາຍ; ເອົາໃຈໃສ່ເຜີຍແຜ່ບັນດາໂຍບາຍຕ່າງໆ ຂອງທະນາຄານ ເພື່ອເຮັດໃຫ້ພໍ່ແມ່ປະຊາຊົນສາມາດເຂົ້າເຖິງແຫຼ່ງທຶນ ເພື່ອນໍາໄປພັດທະນາທຸລະກິດຄອບຄົວ ທັງນີ້ເພື່ອເຮັດໃຫ້ການພັດທະນາເສດຖະກິດຢູ່ແຂວງຜົ້ງສາລີໄດ້ຮັບການພັດທະນາຢ່າງຕໍ່ເນື່ອງ.

ພາບ-ຂ່າວ: ນາງ ສຸກສົມພອນ ແກ້ວແສງພະຈັນ