ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

     ຕອນບ່າຍຂອງວັນພຸດທີ 30 ມີນາ 2022 ຜ່ານມານີ້ ຢູ່ທີ່ຫ້ອງປະຊຸມສະພາປະຊາຊົນແຂວງ ທ່ານ ພົທ ສຸວອນ ເລືອງບຸນມີ ກໍາມະການສູນກາງພັກ, ຮອງປະທານສະພາແຫ່ງຊາດ(ສພຊ) ພ້ອມດ້ວຍຄອບຄົວ ແລະ ຄະນະທິມງານ ໄດ້ນໍາເອົາຄັອມພິວເຕີ້ ແລະ ຊຸດເຄື່ອງສຽງມອບໃຫ້ສະພາປະຊາຊົນແຂວງອຸດົມໄຊ ຕາງໜ້າຮັບໂດຍແມ່ນທ່ານ ຄໍາດີ ວົງລ້ອມ ຮອງເລຂາຄະນະບໍລິຫານງານພັກແຂວງ, ປະທານສະພາປະຊາຊົນແຂວງ ແລະ ບັນດາທ່ານຄະນະປະຈໍາສະພາປະຊາຊົນແຂວງເຂົ້າຮ່ວມ.

          ອຸປະກອນທີ່ນໍາມາມອບໃນຄັ້ງນີ້ປະກອບມີ: ໂນດບຸດ 2 ເຄື່ອງ, ຊຸດເຄື່ອງສຽງ ແລະ ອຸປະກອນຮັບໃຊ້ຈໍານວນ 1 ຊຸດ, ລວມມູນຄ່າທັງໝົດປະມານ 19 ລ້ານກວ່າກີບ.

      ຫຼັງຈາກນັ້ນ ປະທານສະພາປະຊາຊົນແຂວງ ໄດ້ຕາງໜ້າຄະນະປະຈໍາສະພາປະຊາຊົນແຂວງ, ສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງ ສະແດງຄວາມຂອບໃຈມາຍັງທ່ານຮອງປະທານພ້ອມດ້ວຍຄອບຄົວ, ຄະນະທິມງານ ທີ່ລະດົມວັດຖຸປັດໃຈຈາກພາກສ່ວນຕ່າງໆ ແລະ ສະໜອງອຸປະກອນຮັບໃຊ້ທີ່ຈໍາເປັນເພື່ອປະກອບໃສ່ໃນຫ້ອງປະຊຸມສະພາປະຊາຊົນແຂວງ(ເຄື່ອງສຽງ), ໃຫ້ຄະນະສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງ(ໂນດບຸກ) ແລະ ສັນຍາວ່າຈະນໍາໃຊ້ເຂົ້າໃນການເຄື່ອນໄຫວວຽກງານໃຫ້ເກີດຜົນປະໂຍດສູງສຸດ.

(ພາບ, ຂ່າວ: ແສງພອນ ອິິນນະລົງ).