ໃນການຢ້ຽມຢາມຄັ້ງນີ້, ຄະນະຜູ້ແທນ ສະພາປະຊາຊົນ ນະຄອນຫຼວງວຽງຈັນ ໄດ້ເຂົ້າຢຽມຂໍ່ານັບ ທ່ານ ຈ. ບັດບາຢາສ໌ກາລັງ, ປະທານ ສະພາຜູແທນປະຊາຊົນ ນະຄອນຫຼວງ ອູລານບາຕໍ, ເຊິ່ງໃນການຢ້ຽມຂໍ່ານັບດັ່ງກ່າວ ທ່ານ ນາງ ລຳພອຍ ສີອັກຄະຈັນ, ຮອງປະທານ ສະພາປະຊາຊົນ ນະຄອນຫຼວງວຽງຈັນ ໄດ້ລາຍງານ ແລະ ແລກປ່ຽນບົດຮຽນດ້ານສະພາບການພັດທະນາເສດຖະກິດ-ສັງຄົມ, ສະພາບການເຄື່ອນໄຫວວຽກງານ ແລະ ຂໍ້ມູນດ້ານໂຄງປະກອບການຈັດຕັ້ງ ຂອງສອງນະຄອນຫຼວງ ກໍຄື ສອງສະພາປະຊາ ຊົນຂັ້ນທ້ອງຖິ່ນ ແລະ ປຶກສາຫາລື ກ່ຽວກັບ ຮ່າງບົດບັນທຶກການຮ່ວມມື ເຊິ່ງທັງສອງຝ່າຍກໍໄດ້ມີຄວາມເຫັນດີເປັນເອກະພາບສູງຕໍ່ດ້ານຫຼັກການ ແລະ ເນື້ອໃນ ຂອງຮ່າງບົດບັນທຶກດັ່ງກ່າວ.

ນອກຈາກນີ້, ຄະນະຜູ້ແທນ ສະພາປະຊາຊົນ ນະຄອນຫຼວງວຽງຈັນ ຍັງໄດ້ເຂົ້າຢ້ຽມຂໍ່ານັບ ທ່ານ ນາງ ສ. ອອດຕອງໂທຢາ, ຮອງປະທານ ສະພາຄູຣານໃຫຍ່ ແຫງ ມົງໂກລີ ໄດ້ຢ້ຽມຢາມ ທ່ານ ແພງສະຫວັນ ແກ້ວປະເສີດ ເອກອັກຄະລັດຖະທູດ ສປປ ລາວ ປະຈໍາ ມົງໂກລີ ແລະ ຍັງໄດ້ເດີນທາງຢ້ຽມຢາມສະຖານທີ່ສຳຄັນຕ່າງໆ ຂອງ ນະຄອນຫຼວງອູລານບາຕໍ ເປັນຕົ້ນ: ຫໍພິພິຕະພັນ ຈິງກິສຄານ, ໂຮງງານຜະລິດຜ້າພົມ, ໂຮງງານຜະລິດເສື້ອຜ້າຈາກຂົນແບ້ ແລະ ສະຖານທີ່ຕ່າງໆ.