ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໂດຍ​ປະ​ຕິ​ບັດ​ຕາມ ຄຳ​ແນະ​ນຳ ຂອງ​ຄະ​ນະ​ປະ​ຈຳ ສະ​ພາ​ແຫ່ງ​ຊາດ, ເລກ​ທີ 05/ຄ​ປ​ຈ, ລົງ​ວັນ​ທີ 28 ກໍ​ລະ​ກົດ 2022 ກ່ຽວ​ກັບ ​ການ​ຈັດ​ຕັ້ງ​​ຜນ​ຂະ​ຫ​ຍາຍ ແລະ ໂຄ​ສະ​ນາ​ເຜີຍ​ແຜ່ ຜົນ​ສຳ​ເລັດ ກອງ​ປະ​ຊຸມ​ສະ​ໄໝ​ສາ​ມັນ ເທື່ອ​ທີ 3 ຂອງສະພາແຫ່ງຊາດ ຊຸດທີ IX, ໃນຕອນເຊົ້າຂອງວັນທີ 23 ສິງຫາ 2022 ນີ້,ຢູ່ທີ່ຫ້ອງປະຊຸມ ພະແນກເຕັກໂນໂລຊີ ແລະ ການສື່ສານແຂວງ 

ທ່ານ ສົມພອນ ສີອຸດົມພັນ ກຳ​ມະ​ການ​ພັກ​ແຂວງ, ຮອງ​ປະ​ທານ ​ຄະ​ນະ​ສະ​ມາ​ຊິກ​ສາ​ພາ​ແຫ່ງ​ຊາດ ປະ​ຈຳເຂດ​ເລືອກ​ຕັ້ງ​ທີ 6, ຮອງ​ປະ​​ທານ​ສະ​ພາ​ປະ​ຊາ​ຊົນ​ແຂວງ, ປະ​ທານ ຄະ​ນະ​ກຳ​ມະ​ການ ເສດ​ຖະ​ກິດ, ແຜນ​ການ ແລະ ການ​ເງິນ ໄດ້​ລົງ​ໂຄ​ສະ​ນາເ​ຜີຍ​ແຜ່ຜົນ​ສຳ​ເລັດ ກອງປະຊຸມສະໄ​ໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX ຕິດ​ພັນ​ກັບ​ຜົນ​ສຳ​ເລັດ​ກອງ​ປະ​ຊຸມ​ສະ​ໄໝ​ສາ​ມັນ ​ເທື່​ອ​ທີ 3 ຂອງສະພາປະຊາຊົນແຂວງ ຊຸດທີ II ທີ່​ໄດ້​ພິ​ຈາ​ລະ​ນາ ແລະ ຮັບ​ຮອງ​ເອົາ​ລາຍ​ບັນ​ຫາ​ທີ່​ສຳ​ຄັນ​ຂອງ​ສູນ​ກາງ ແລະ ຂອງ​ທ້ອງ​ຖິ່ນ.

ຈຸດ​ປະ​ສົງ​ຂ​ອງ​ການ​ລົງ​ເຜີຍ​ແຜ່​​ຜົນ​ສຳ​ເລັດ​ກອງ​ປະ​ຊຸມ​ໃນ​ຄັ້ງ​ນີ້ ແມ່ນ​ເພື່ອ​ເຮັດໃຫ້​ຖັນ​ແຖວ​ພະ​ນັກ​ງານ-ລັດ​ຖະ​ກອນ ໄດ້​ຮັບ​ຮູ້ ເນື້ອ​ໃນຈິດ​ໃຈ​​​ຜົນ​ສຳ​ເລັດ​ຂອງກອງ​ປະ​ຊຸມ​ດັ່ງ​ກ່າວ ຢ່າງ​ກ້​ວາງ,​ຂວາງ ທົ່ເຖີງ ແລະ ຖືກ​ຕ້ອງ​ຕາມ​ເປົ້າໝາຍ.

ພ້ອມ​ດຽວ​ກັນ​ນີ້ ທ່ານ ສົມພອນ ສີອຸດົມພັນ ໃນ​ນາ​ມ​ເປັນ​ປະ​ທານ ຄະ​ນະ​ກຳ​ມະ​ການ

ເສດ​ຖະ​ກິດ, ແຜນ​ການ ແລະ ການ​ເງິນ ກໍ່​ໄດ້​ລົງ​ນາມ ​ເຊັນ​ບົດ​ບັນ​ທຶກ​ ການ​ປະ​ສານ​ງານ ລະ​ຫວ່າງ ຄະ​ນະ​ກຳ​ມະ​ການ ເສດ​ຖະ​ກິດ, ແຜນ​ການ ແລະ ການ​ເງິນ ແລະ ພະ​ແນກ ເຕັກ​ໂນ​ໂລ​ຊີ ແລະ ການ​ສື່​ສານແຂວງ, ຕາງ​ໜ້າ​ພະ​ແນກ​ ເຕັກ​ໂນ​ໂລ​ຊີ ແລະ ການ​ສື່​ສານ ລົງ​ນາມແມ່ນ ທ່າ ພູມີ ອໍເພັດສານ ຫົວໜ້າພະແນກ ເຕັກໂນໂລຊີ ແລະ ການສື່ສານ. ໃນ​ວາ​ລະ​ດັງ​ກ່າວ ໄດ້​ມີ​ທ່ານ​ຮອງ​ປະ​ທານ ຄະ​ນະ​ກຳ​ມະ​ການ ເສດ​ຖະ​ກິດ, ແຜນ​ການ ແລະ ການ​ເງິນ, ບັນ​ດາ​ທ່ານ ຄະ​ນະ​ພະ​ແນກ, ຜູ້​ຕາງ​ໜ້າ​ບໍ​ລິ​ສັດ ລາວ​ໂທ​ລະ​ຄົມ ອີ​ທີ​ເອວ​ຈຳ​ກັດ ບໍ​ລິ​ສັດ ຢູ​ນີ​ເທວ ​ສະ​ຕາ​ໂທ​ລະ​ຄົມ- ລັດ​ວິ​ສາ​ຫະ​ກິດໄປ​ສະ​ນີ ​ແລະ ພະ​ນັກ​ງານ-ລັດ​ຖະ​ກອນ ​ຂອງ​ສອງ​ຝ່າຍ ເຂົ້າ​ຮ່ວມ​ຢ່າງ​ພ້ອມ​ພຽງ.

ຈຸດ​ປະ​ສົງ​ຂອງ​ການ​ລົງ​ນາມ​ເຊັນ​ບົດ​ບັນ​ທຶກ ການ​ປະ​ສານ​ງານ​ ​ໃນ​ຄັ້ງ​ນີ້ ເພື່ອເປັນພື້ນຖານ, ບ່ອນອີງ ແລະ ເປັນໃຈກາງໃນການປະສານງານ ອໍານວຍຄວາມສະດວກ ໃນການເຄື່ອນໄຫວວຽກງານ ຂອງຄະນະກໍາມະການ ເສດຖະກິດ, ແຜນການ ແລະ ການເງິນ ກັບ ພະແນກເຕັກໂນໂລຊີ ແລະ ການສື່ສານແຂວງ ໃນການຈັດຕັ້ງປະຕິບັດ ພາລະບົດບາດ, ສິດ ແລະ ໜ້າທີ່ ຂອງຕົນໃຫ້ມີປະສິດທິພາບ, ປະສິດທິຜົນ, ວ່ອງໄວ ແລະ ຮັດກຸມ ພ້ອມທັງເພີ່ມທະວີ ພາລະບົດບາດໃນການຕິດຕາມ ກວດກາ ການຈັດຕັ້ງປະຕິບັດ ລັດຖະທໍາມະນູນ, ກົດໝາຍ ແລະ ນິຕິກໍາໃຕ້ກົດໝາຍ.

ໃນຕອນທ້າຍ ທ່ານ ສົມພອນ ສີອຸດົມພັນ ກຳ​ມະ​ການ​ພັກ​ແຂວງ, ຮອງ​ປະ​ທານ ​ຄະ​ນະ​ສະ​ມາ​ຊິກ​ສາ​ພາ​ແຫ່ງ​ຊາດ ປະ​ຈຳເຂດ​ເລືອກ​ຕັ້ງ​ທີ 6,  ຮອງ​ປະ​​ທານ​ສະ​ພາ​ປະ​ຊາ​ຊົນ​ແຂວງ, ປະ​ທານ ຄະ​ນະ​ກຳ​ມະ​ການ ເສດ​ຖະ​ກິດ, ແຜນ​ການ ແລະ ການ​ເງິນ ຍັງໄດ້ນັ້ນໜັກ ໃຫ້​ບັນ​ດາ​ທ່ານ ຄະ​ນະ​ພະ​ແນກ, ຜູ້ຕາງ​ໜ້າ ບໍ​ລິ​ສັດ ລາວ​ໂທ​ລະ​ຄົມ ອີ​ທີ​ເອວ​ຈຳ​ກັດ ບໍ​ລິ​ສັດ ຢູ​ນີ​ເທວ ​ສະ​ຕາ​ໂທ​ລະ​ຄົມ- ລັດ​ວິ​ສາ​ຫະ​ກິດໄປ​ສະ​ນີ ​ ແລະ ພະ​ນັກ​ງານ ພາຍ​ໃນ​ພະ​ແນກ ດັ່ງ​ກ່າວ ຈົ່ງ​ຍົກ​ສູງ​ຄວາມ​ ເປັນ​ເຈົ້າ​ການ ການ​ປະ​ຕິ​ບັດ​ໜ້າ​ທີ່​ວຽກ​ງານ ວິ​ຊາ​ສະ​ເພາະ​ຂອງ​ຕົນ ໃຫ້​ບັນ​ລຸ​ຕາມຄາດ​ໝາຍ​ທີ່​ວ່າງ​ໄວ້.                                                     

ຂຽນຂ່າວໂດຍ   ຈັນທິມາ ສໍພັນໄຊແກ້ວ