ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນລະຫວ່າງ ວັນທີ 21 ຫາ 25 ມີນາ 2022 ນີ້ ທ່ານ ສຸວິລັດ ພັນສຸເດດ, ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງ ງອຍ, ຮອງປະທານ ຄະນະກຳມະການ ວັດທະນະທຳ-ສັງຄົມ ແລະ ບັນດາເຜົ່າ ໄດ້ລົງຈັດຕັ້ງຜັນຂະຫຍາຍ ຜົນສຳເລັດກອງປະຊຸມສະໄໝສາມັນ ເທື່ອທີ 2 ສະພາປະຊາຊົນແຂວງ ຊຸດທີ II ຢູ່ກຸ່ມສົບຄານ ເມືອງ ງອຍ ແຂວງຫຼວງພະບາງ, ລວມທັງມີ 5ຈຸດຄື: ບ້ານ ຫາດຈັນ, ບ້ານ ສົບກອງ, ບ້ານ ຫ້ວຍຫອຍ, ບ້ານ ຜາຢ້ອງ ແລະ ບ້ານ ສົບຄານ ໂດຍມີອຳນາດການປົກຄອງ ແລະ ປະຊາຊົນຜູ້ມີສິດເລືອກຕັ້ງ ອາຍຸແຕ່ 18 ປີຂຶ້ນໄປ ເຂົ້າຮ່ວມຮັບຟັງທັງໝົດ ຈຳນວນ 536 ຄົນ, ຍິງ 201 ຄົນ.

ການລົງເຄື່ອນໄຫວວຽກງານໃນຄັ້ງນີ້ ແມ່ນໄດ້ຮັບຟັງການລາຍງາຍສະພາບການພັດທະນາເສດຖະກິດ-ສັງຄົມ ໂດຍຫຍໍ້ ຈາກທ່ານເລຂາພັກບ້ານຂອງແຕ່ລະບ້ານ, ຫຼັງຈາກນັ້ນ ຈຶ່ງໄດ້ຮັບຟັງການໂອ້ລົມຈາກ ທ່ານ ສຸວິລັດ ພັນສຸເດດ ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງ ງອຍ, ຮອງປະທານ ຄະນະກຳມະການ ວັດທະນະທຳ-ສັງຄົມ ແລະ ບັນດາເຜົ່າ ພ້ອມທັງນຳເອົາເນື້ອໃນຈິດໃຈ ຂອງກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນແຂວງ ຊຸດທີ II ເຜີຍແຜ່ໃຫ້ພໍ່ແມ່ປະຊາຊົນບັນດາເຜົ່າ ພາຍໃນກຸ່ມສົບຄານ ເມືອງງອຍ ແຂວງຫຼວງພະບາງ ໄດ້ຮັບຮູ້ ແລະ ເຂົ້າໃຈຕໍ່ບັນຫາທີ່ສຳຄັນຕ່າງໆ ທີ່ໄດ້ພິຈາລະນາ ແລະ ຮັບຮອງເອົາຢູ່ໃນກອງປະຊຸມສະໄໝສາມັນ ເທື່ອທີ 2ຂອງສະພາປະຊາຊົນແຂວງ ຊຸດທີ II, ພ້ອມທັງຮັບຟັງ ແລະ ເກັບກຳເອົາບັນດາຄຳຄິດ ຄຳເຫັນ ຫຼື ຄຳສະເໜີ ຂອງຜູ້ມີສິດເລືອກຕັ້ງ; ພ້ອມດຽວກັນນັ້ນທ່ານ ສຸວິລັດ ພັນສຸເດດສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງງອຍ, ຮອງປະທານ ຄະນະກຳມະການ ວັດທະນະທຳ-ສັງຄົມ ແລະ ບັນດາເຜົ່າ ຍັງໄດ້ນຳເອົາເຄື່ອງອຸປະກອບຮັບໃຊ້ພາຍໃນຫ້ອງການ ໄປມອບໃຫ້ແຕ່ລະບ້ານຕື່ມອີກ

 ຂຽນຂ່າວໂດຍ

ເພັດສະໝອນ ທຳມຸງຄຸນ