ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

           (ສພຊ) ເພື່ອເກັບກຳຂໍ້ມູນຄືນກ່ຽວກັບປະຫວັດການເຄື່ອນໄຫວຂອງທ່ານ ຈະເລີນ ເຍຍປາວເຮີ ໃນເມື່ອກ່ອນ ທີ່ເຄີຍດຳລົງຊີວິດ ຮັກແພງ ຮ່ວມທຸກຮ່ວມສຸກ ກັບພໍ່ແມ່ປະຊາຊົນບັນດາເຜົ່າເວົ້າລວມ, ເວົ້າສະເພາະແມ່ນ ປະຊາຊົນຊາວແຂວງຫົວພັນ ທີ່ມີມູນເຊື້ອອົງອາດກ້າຫານ, ມີນ້ຳໃຈຮັກຊາດ ແລະ ເສຍສະຫຼະ ອັນສູງສົ່ງ ໃນການຕໍ່ສູ້ກູ້ຊາດສະໄໝກ່ອນ ຈົນໄດ້ຮັບໄຊຊະນະຢ່າງສົມບູນ ມາເຖິງທຸກວັນນີ້, ເພື່ອສ້າງເປັນປຶ້ມປະຫວັດສາດ ອານຸລັກຮັກສາໄວ້ໃຫ້ລູກຫຼານ ແລະ ຄົນຮຸ່ນໃໝ່ໄດ້ຄົ້ນຄວ້າສຶກສາຮຳ່ຮຽນເອົາເປັນແບບຢ່າງ ເປັນຕົ້ນ: ວິທີການຄົ້ນຄວ້າຊອກຮູ້ຫາຮຽນ, ລະບອບແບບແຜນວິທີເຮັດວຽກ, ແບບແຜນການດຳລົງຊີວິດ ທີ່ຕິດພັນກັບຮາກຖານປະຊາຊົນບັນດາເຜົ່າ, ໃນໂອກາດທ່ານລົງມາເຄື່ອນໄຫວໃນຄັ້ງນີ້ ຍັງໄດ້ນຳເອົາເຄື່ອງດົນຕີພື້ນເມືອງປະເພດ ກອງ, ຄ້ອງ ແລະ ແສ່ງ ຄົບຊຸດ ລວມມູນຄ່າ 7 ລ້ານກວ່າກີບ ມອບໃຫ້ບ້ານສາດ ເມືອງວຽງໄຊ ແຂວງຫົວພັນ, ນອກນີ້ ທ່ານຍັງໄດ້ເຄື່ອນໄຫວເກັບກຳຂໍ້ມູນຕ່າງໆ ຢູ່ 3 ເມືອງລຽບມ່າອີກດ້ວຍ.
             ໃນວັນທີ 14 ເມສາຜ່ານມາ, ທ່ານ ຈະເລີນ ເຍຍປາວເຮີ ຮອງປະທານສະພາແຫ່ງຊາດ ທັງເປັນປະທານກຳມາທິການກົດໝາຍ ພ້ອມດ້ວຍຄະນະ ຈາກສູນກາງ ແລະ ຄະນະເລຂາທິການ ສະພາປະຊາຊົນແຂວງຫົວພັນ ໄດ້ເຄື່ອນໄຫວເກັບກຳຂໍ້ມູນ ແລະ ພົບປະຢ້ຽມຢາມຄູ-ອາຈານ ຢູ່ໂຮງຮຽນທິດສະດີການເມືອງ-ການປົກຄອງ ແຂວງຫົວພັນ ແລະ ພໍ່ແມ່ປະຊາຊົນ ຢູ່ບ້ານຫາງລ້ອງ, ບ້ານສາດ ເມືອງວຽງໄຊ ແຂວງຫົວພັນ, ມີອຳນວຍການ, ຮອງອຳນວຍການໂຮງຮຽນ ພ້ອມດ້ວຍຄູ- ອາຈານ, ຄະນະພັກບ້ານ, ນາຍບ້ານ ຕະຫລອດຮອດພໍ່ແມ່ປະຊາຊົນບັນດາເຜົ່າ ໃຫ້ການຕ້ອນຮັບຢ່າງອົບອຸ່ນ.
(ນັກຂ່າວສະພາປະຊາຊົນແຂວງຫົວພັນ)