ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ວັນທີ 2 ກັນຍາ 2022, ທີ່ຫ້ອງຮັບແຂກສະພາແຫ່ງຊາດ ໄດ້ມີພິທີມອບ-ຮັບ ເຄື່ອງຊ່ວຍເຫຼືອລ້າ ປະເພດເຄື່ອງມືອຸປະກອນການຮຽນ-ການສອນ ຈາກມູນນິທິພັດທະນາລ້ານຊ້າງ-ແມ່ຂອງ ເພື່ອເປັນການຊ່ວຍ ເຫຼືອຜູ້ທຸກຍາກເຂດຫ່າງໄກສອກຫຼີກ ໃນຂອບເຂດທົ່ວປະເທດ ໂດຍຜ່ານສະມາຊິກສະພາແຫ່ງຊາດປະຈຳແຕ່ລະເຂດເລືອກຕັ້ງ ເພື່ອນຳສົ່ງມອບຕໍ່ໃຫ້ບັນດາເປົ້າໝາຍ ຕາງ ໜ້າກ່າວມອບໂດຍທ່ານ ພູສະຫວັນ ວົງວິຈິດ ທີ່ປຶກສາກິດຕິມະສັກ ມູນນິທິພັດທະນາລ້ານຊ້າງ-ແມ່ຂອງ ແລະ ຕາງໜ້າກ່າວຮັບໂດຍທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ.
ເຄື່ອງທີ່ນໍາມາມອບໃນຄັ້ງນີ້ ປະກອບມີ: ປຶ້ມຂຽນ, ບິກ, ກະເປົາ, ພອຍແຕ້ມຮູບ ແລະ ຊຸດກະດານແຕ້ມຮູບ ຈຳນວນ 36 ແກ້ດ ລວມມູນຄ່າ 100 ລ້ານກວ່າກີບ.
(ພາບ ແລະ ຂ່າວ: ນາງ ກຸກກິກ ບຸດດາໄຊ)