ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

          (ສພຊ) ວັນທີ 15 ມັງກອນ 2022, ທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ ທັງເປັນສະມາຊິກສະ ພາແຫ່ງຊາດ ປະຈຳເຂດເລືອກຕັ້ງທີ 12 ແຂວງຄໍາມ່ວນ ແລະ ທ່ານ ແກ້ວອຸດອນ ບຸດສິງຂອນ ຮອງເຈົ້າແຂວງໆຄຳມ່ວນ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມຄອບຄົວການສ້າງເສດຖະກິດດ້ານກະສິກຳເຂດນາສະອາດ ເມືອງທ່າແຂກ ແຂວງຄຳມ່ວນ
           ໃນໂອກາດນີ້, ຄະນະ ໄດ້ຮັບຟັງການລາຍງານໂດຍຫຍໍ້ກ່ຽວກັບສະພາບການສ້າງເສດຖະກິດຄອບຄົວ ໃນດ້ານກະສິກຳ ຈາກທ່ານ ໄຊຍະພົນ ອິນທິລາດ ເຈົ້າຂອງສວນ ເຂດນາສະອາດ; ຈາກນັ້ນ, ທ່ານຮອງປະທານສະພາແຫ່ງຊາດ ກໍໄດ້ຍ້ອງຍໍຊົມເຊີຍຕໍ່ຄອບຄົວທີ່ໄດ້ທຸ່ມເທທັງທຶນຮອນ ແລະ ເຫື່ອແຮງເຂົ້າໃນການຜະລິດໃຫ້ກາຍເປັນສິນຄ້າ ຕອບສະໜອງຕາມແນວທາງນະໂຍບາຍຂອງພັກ-ລັດ ກ້າວໄປເຖິງການເປັນແບບຢ່າງໃຫ້ແກ່ສັງຄົມ ໄດ້ນຳເອົາບົດຮຽນໄປຈັດຕັ້ງປະຕິບັດຕາມທ່າແຮງ ແລະ ເງື່ອນໄຂຂອງຕົນເອງ ເພື່ອພັດທະນາຊີວິດການປັນຢູ່ຂອງຄອບຄົວໃຫ້ດີຂຶ້ນ.
(ພາບ ແລະ ຂ່າວ: ເອື້ອ ມະໂນສິງ)