(ສພຊ) ໃນໂອກາດທີ່ເດີນທາງເຂົ້າຮ່ວມ ແລະ ເປັນປະທານກອງປະຊຸມເຝິກອົບຮົມຂີດຄວາມສາມາດໃຫ້ແກ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ 3 ແຂວງພາກເໜືອຄື: ຫົວພັນ, ຊຽງຂວາງ ແລະ ໄຊສົມບູນ ກ່ຽວກັບການຕິດຕາມກວດກາຂົງເຂດວຽກງານຍຸຕິທໍາ, ການຕິດຕາມກວດກາການປະເມີນການຈັດຕັ້ງປະຕິບັດກົດໝາຍ ແລະ ການຕິດຕາມກວດກາວຽກງານຂອງອົງການກວດສອບ ທີ່ຈັດຂຶ້ນໃນລະຫວ່າງວັນທີ 8-9 ຕຸລາຜ່ານມາ, ກ່ອນໜ້ານັ້ນ ໃນວັນທີ 7 ຕຸລາ 2023 ທີ່ສະພາປະຊາຊົນແຂວງບໍລິຄຳໄຊ ທ່ານ ປອ. ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ ໄດ້ນຳເອົາເຂົ້າສານຈຳນວນ 200 ຖົງ (1ໂຕນ) ມູນຄ່າ 18 ລ້ານກວ່າກີບ ມອບໃຫ້ສະພາປະຊາຊົນແຂວງບໍລິຄຳໄຊ ເພື່ອນຳໄປຊ່ວຍເຫຼືອພໍ່ແມ່ປະຊາຊົນຜູ້ທຸກຍາກຢູ່ແຂວງບໍລິຄຳໄຊ ໂດຍການກ່າວຮັບຂອງທ່ານ ສຸວັນນີ ໄຊຊະນະ ປະທານສະພາປະຊາຊົນແຂວງບໍລິຄຳໄຊ, ມີບັນດາຄະນະຕິດຕາມ ແລະ ພະນັກງານຫຼັກແຫຼ່ງຂອງສະພາປະຊາຊົນແຂວງບໍລິຄຳໄຊເຂົ້າຮ່ວມເປັນສັກຂີພິຍານ ເຊິ່ງເຂົ້າສານທີ່ນຳມາມອບໃນຄັ້ງນີ້ ແມ່ນໄດ້ບິແບ່ງມາຈາກການສະໜັບສະໜູນຂອງບໍລິສັດ ວີຄອມ ເທັກໂນໂລຢີ ຈຳກັດຜູ້ດຽວ.

(ພາບ ແລະ ຂ່າວ: ສອນສັກ ວັນວິໄຊ)