ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ເນື່ອງໃນໂອກາດການລົງເຄື່ອນໄຫວພົບປະຜູ້ມີສິດເລືອກຕັ້ງ ຂອງບັນດາທ່ານສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 13, ສະນັ້ນໃນຕອນເຊົ້າຂອງວັນທີ 17 ກຸມພາ 2022 ນີ້ ທີ່ຫ້ອງປະຊຸມສະພາປະຊາຊົນແຂວງ ໄດ້ມີພິທີມອບເຄື່ອງຊ່ວຍເຫຼືອເພື່ອປ້ອງກັນພະຍາດໂຄວິດ19 ແລະ ອຸປະກອນໄອທີ ມອບໂດຍທ່ານ ນາງ ສູນທອນ ໄຊຍະຈັກ ເລຂາທິການສູນກາງພັກ, ຮອງປະທານສະພາແຫ່ງຊາດ ທັງເປັນສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 13; ໂດຍການຕ້ອນຮັບຈາກທ່ານ ຄຳຜັນ ຄູນສະຫວັນ ຄະນະປະຈໍາພັກແຂວງ ຮອງປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 13 ທັງເປັນຮອງປະທານສະພາປະຊາຊົນແຂວງ ເຂົ້າຮ່ວມມີທ່ານ ເລຂາທິການສະພາແຫ່ງຊາດ, ບັນດາທ່ານຫົວໜ້າກົມພາຍໃນຄະນະເລຂາທິການສະພາແຫ່ງຊາດ, ຄະນະເລຂາທິການ; ບັນດາຫົວໜ້າ ແລະ ຮອງຫົວໜ້າ ຂະແໝງພາໃນສະພາປະຊາຊົນແຂວງສະຫວັນນະເຂດ.

ເຊິ່ງອຸປະກອນທີ່ນໍາມາມອບປະກອບມີ: ຜ້າປິດປາກ, ເຈວແອັງຄໍຮໍ, ກະດາດຊຸ່ມ(ຂ້າເຊື້ອ) ຈຳນວນ10 ແກັດເພື່ອເປັນການຊຸກຍູ້ ເຂົ້າໃນການປ້ອງກັນພະຍາດ ໂຄວິດ19, ອຸປະກອນໄອທີ View Board IF70 ເພື່ອນຳໃຊ້ເຂົ້າໃນກອງປະຊຸມທາງໄກ ຮ່ວມກັບສະພາແຫ່ງຊາດ, ກໍາມາທິການຕ່າງໆຂອງສະພາແຫ່ງຊາດ ແລະ ບັນດາອົງການອື່ນໆຕື່ມອີກ, ທັງນີ້ກໍ່ເພື່ອສ້າງຄວາມເຂັ້ມແຂງໃຫ້ແກ່ຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງທີ 13 ກໍ່ຄືສະພາປະຊາຊົນແຂວງສະຫວັນນະເຂດ.