ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ວັນທີ 3 ກຸມພາ 2022, ທີ່ຫ້ອງຮັບແຂກສະພາແຫ່ງຊາດ ໄດ້ມີພິທີມອບ-ຮັບເຄື່ອງຊ່ວຍເຫຼືອຈາກະຫະພັນການກຸສົນຂອງຈີນ ໂດຍມອບຜ່ານຫ້ອງການຄະນະສັນຕິພາບ ແລະ ສາມັກຄີລາວ ເພື່ອເປັນການຊ່ວຍເຫຼືອຜູ້ທຸກຍາກເຂດຫ່າງໄກສອກຫຼີກຕ່າງໆ ໃນຂອບເຂດທົ່ວປະເທດ ເພື່ອຕ້ານກັບການແຜ່ລະບາດຂອງພະຍາດໂຄວິດ-19 ໂດຍຜ່ານສະມາຊິກສະພາແຫ່ງຊາດປະຈຳເຂດເລືອກຕັ້ງຕ່າງໆເພື່ອນຳໄປສົ່ງມອບຕໍ່ ຕາງໜ້າມອບໂດຍທ່ານ ແກ້ວ ມັກຄະຜົນ ຫົວຫນ້າຫ້ອງການຄະນະສັນຕິພາບ ແລະ ສາມັກຄີຂອງລາວແລະ ຕາງໜ້າຮັບໂດຍທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ; ເຊິ່ງເຄື່ອງທີ່ນຳມາມອບໃນຄັ້ງນີ້ປະກອບມີ: ຜ້າອັດປາກ-ອັດດັງ 8 ແກັດ, ເຈວລ້າງມື 360 ຕຸກ, ເຈ້ຍປຽກ 480 ກັບ, ກັບສໍສີ 400 ກັບ, ຖົງຜ້າ kit of love 500 ຖົງ ແລະ ອຸປະກອນການຮຽນອີກຈໍານວນໜຶ່ງ.

(ພາບ ແລະ ຂ່າວ: ອານຸສອນ ພູມມີທອນ)