ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນລະຫວ່າງວັນທີ 22 ຫາ 25 ກຸມພາ 2022 ທີ່ຜ່ານມານີ້ ທ່ານ ສົມສີ ມະນີນິນ ກໍາມະການພັກແຂວງ ຮອງປະທານສະພາປະຊາຊົນແຂວງ ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງ ຈໍາປາສັກ, ທ່ານ ຄໍາໄຕ ແກ້ວດວງດີ ສະມາຊິກສະພາແຫ່ງຊາດ ເຂດເລືອດຕັ້ງທີ15 ແລະ ທ່ານ ສີຈະເລີນໄຊ ສີລາເພັດ ຮອງເລ​ຂາພັກເມືອງ​ ປະທ​ານກວດກາລັດ ສາມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງຈຳປາສັກ,​ທ່ານ ນາງ​ ເຂັມຄຳ​ກິດຕິພັນ​ ສາມາຊິກ​ສະພ​າປະຊາຊົນແຂ​ວງປະຈຳເຂດເ​ລືອກຕັ້ງເມ​ືອງຈຳປາສັກ ພ້ອມຄະນະ ສໍາເລັດການເຄື່ອນໄຫວພົບປະ ປະຊາຊົນເຂດເລືອກຕັ້ງເມືອງຈໍາປາສັກ ໂດຍປະກອບມີ 7 ຈຸດເຄື່ອນໄຫວຄື: ບ້ານຫ້ວຍນາ,​ ບ້ານພົງໂພດ, ບ້ານໜອງຫີນ, ບ້ານໜອງຂາມ, ບ້ານກະຕຶບ, ບ້ານເມືອງກາງ, ບ້ານວັດໄຊ ເຊິ່ງເຄື່ອນໄຫວໃນແຕ່ລະຈຸດໄດ້ຮັບການຕ້ອນຮັບຈາກອໍານາດການປົກຄອງ ແລະ ພໍ່ແມ່ປະຊາຊົນເຂດບ້ານດັ່ງກ່າວ ຢ່າງອົບອຸ່ນ.

ຈຸດປະສົງຂອງການລົງເຄື່ອນໄຫວເພື່ອເຜີຍແຜ່ເນື້ອໃນຜົນສຳເລັດກອງປະຊຸມສະໄໝວິສາມັນເທື່ອທີ 1, ກອງປະຊຸມສະໄຫມສາມັນເທື່ອທີ 2 ຂອງສະພາແຫ່ງຊາດ ຊຸດທີ IX ແລະ ກອງປະຊຸມສະພາປະຊາຊົນແຂວງຈໍາປາສັກ ຊຸດທີ II ຕິດພັນກັບການຖາມຂ່າວ, ຮັບຟັງຄໍາຄິດເຫັນ ແລະ ຄໍາສະເໜີ ເຊິ່ງພໍ່ແມ່ປະຊາຊົນໄດ້ສະເໜີຫຼາຍຕໍ່ບັນດາທ່ານຜູ້ແທນ: ບັນຫາເສັ້ນທາງເຂົ້າເປ້ເພ, ສິນຄ້າລາຄາແພງ, ລາຄາເຂົ້າຕົກຕໍ່າ ແລະ ບັນຫາອື່ນໆ ເຊິ່ງລ້ວນແຕ່ເປັນບັນຫາທີ່ຕິດພັນກັບວຽກງານການສ້າງສາພັດທະນາປະເທດຊາດ ກໍຄືທ້ອງຖິ່ນຂອງຕົນ, ການພັດທະນາທີ່ສົ່ງຜົນກະທົບຕໍ່ສິ່ງແວດລ້ອມ, ການຄຸ້ມຄອງລັດຄຸ້ມຄອງສັງຄົມ, ວຽກງານການສຶກສາທິການ, ແລະອື່ນໆ. ບັນດາທ່ານສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ໄດ້ຊີ້ແຈ້ງອະທິບາຍຕໍ່ບາງຄໍາເໜີຂອງປະຊາຊົນ ກັບທີ່ ພ້ອມທັງຊຸກຍູ້ໃຫ້ອໍານາດການປົກຄອງຂັ້ນເມືອງ ນໍາໄປແກ້ໄຂບາງຄໍາສະເໜີ ແລະ ຮັບເອົາຄໍາສະເໜີທີ່ບໍ່ສາມາດຊີ້ແຈງໄດ້ ເພື່ອນໍາໄປຊຸກຍູ້ໃຫ້ພາກສ່ວນທີ່ກ່ຽວຂ້ອງຂັ້ນຕ່າງໆແກ້ໄຂ.

ຜ່ານການເຄື່ອນໄຫວພົບປະ ປະຊາຊົນໃນຄັ້ງນີ້, ມີປະຊາຊົນເຂົ້າຮ່ວມຮັບຟັງ ຈໍານວນ 750 ຄົນກວ່າຄົນ ໃນຈໍານວນ 7 ຈຸດທີ່ເຄື່ອນໄຫວ ແລະ ສາມາດເຫັນໄດ້ເຖິງສະພາບລວມ, ຄວາມສາມັກຄີຮັກແພງ, ວິຖີຂອງການດໍາລົງຊີວິດ ແລະ ບັນຫາຄວາມຫຍຸ້ງຍາກ ຂອງພໍ່ແມ່ນປະຊາຊົນ ທີ່ທຸກພາກສ່ວນ, ໂດຍສະເພາະອໍານາດການປົກຄອງຂັ້ນຕ່າງໆຕ້ອງໄດ້ເພີ່ມທະວີຄວາມຮູ້ຄວາມສາມາດໃນການຊີ້ນໍາ-ນໍາພາ ສ້າງສາພັດທານາເຂດດັ່ງການໃຫ້ມີຄວາມຈະເລີນຮຸ່ງເຮື່ອງເປັນກ່າວໆ.

ນີ້ກໍ່ແມ່ນການເຄື່ອນໄຫວພົບປະປະຊາຊົນຂອງບັນດາທ່ານສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ໃນການເຮັດໜ້າທີ່ເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນບັນດາເຜົນ ທີ່ພາຍຫຼັງສໍາເລັດກອງປະຊຸມສະໄໝສາມັນຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ ໃນແຕ່ລະຄັ້ງແລ້ວ ແມ່ນຕ້ອງໄດ້ນໍາເອົາເນື້ອໃນຜົນສໍາເລັດຂອງການດໍາເນີນກອງປະຊຸມດັ່ງກ່າວ ໄປເຜີຍແຜ່ໃຫ້ພໍ່ແມ່ພິນ້ອງປະຊາຊົນບັນດາເຜົ່າໄດ້ຮັບຮູ້ເຂົ້າໃຈຢ່າງເລິກເຊິ່ງ ແລະ ທົ່ວເຖິງ. ຕາມແຜນເຄື່ອນໄຫວ, ບັນດາທ່ານສະມາຊິກສະພາແຫ່ງຊາດ ປະເຂດເລືອກຕັ້ງທີ 15 ແລະ ສະມາຊິກສະພາປະຊາຊົນແຂວງຈໍາປາສັກ ຄະນະທີ່ຍັງຫເຫຼືອ ຈະສືບຕໍ່ເຄື່ອນໄຫວ ພົບປະ ປະຊາຊົນ ອີກຫຼາຍຈຸດພາຍໃນແຂວງຈໍາປາສັກ ຄາດວ່າຈະສໍາເລັດການເຄື່ອນໄຫວໃນຕົນເດືອນ ມີນາ 2022 ນີ້.

 

(ພາບ-ຂ່າວ: ສົມວິຈິດ ໄຊມົນຕີ​)