ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນເຊົ້າຂອງວັນທີ 26 ເມສາ 2022 ທິມງານຄະນະສະພາປະຊາຊົນແຂວງ ນໍາໂດຍທ່ານ ຫຸມເພັງຈອມວິສານ ກໍາມະການພັກແຂວງ, ຮອງປະທານສະພາປະຊາຊົນແຂວງ ພ້ອມດ້ວຍຄະນະ ແລະ ທີມງານເມືອງໄດ້ລົງຕິດຕາມກວດກາ ແລະ ຊຸກຍູ້ ໂຄງການສົ່ງເສີມການປູກ ແລະ ເກັບຊື້ຢາງພາລາຂອງບໍລິສັດ ຈົງທຽນລຸຍເຢ້ ຢູ່ບ້ານປາກນໍ້ານ້ອຍ, ເມືອງຂວາ, ແຂວຜົ້ງສາລີ. ຊຶ່ງໃນການລລົງເຄື່ອນໄຫວໄດ້ຮັບຟັງ ທ່ານຫົວໜ້າບໍລິສັດ ຈົງທຽນລຸຍເຢ້ ລາຍສະພາບການຈັດຕັ້ງປະຕິບັດໂຄງການດັ່ງກ່າວເຊິງທ່ານກໍໄດ້ຍົກໃຫ້ເຫັນເຖິງດ້ານດີ ໃນການຕັ້ງປະຕິບັດວຽກງານຂອງໂຄງການດັ່ງກ່າວ ເປັນຕົ້ນ: ການຝຶກອົບຮົມສີມືແຮງງານ, ການສະໜອງອຸປະກອນຮັບໃຊ້ ແລະ ການກໍ່ສ້າງ-ທະລຸເສັ້ນທາງ ເຂົ້າຫາສວນຢາງພາລາ ເພື່ອອໍານວຍຄວາມສະດວກໃກ້ແກ່ປະຊາຊົນ. ພ້ອມກັນນັ້ນ ທ່ານຫົວໜ້າບໍລິສັດ ຈົງທຽນລຸຍເຢ້ ຍັງໄດ້ຍົກໃຫ້ເຫັນເຖິງບາງບັນຫາທີ່ບໍລິສັດພົບຄວາມຫຍຸ້ງຍາກ ໂດຍສະເພາະແມ່ນ ປະຊາຊົນບາງພາກສ່ວນຍັງມີການເອົາ ດິນ, ຊາຍ, ປົນໃສ່ນໍ້າຢາງ ແລະ ການລັກລອບເກັບຊື້ຢາງພາລາ ທີ່ບໍລິສັດເປັນຜູ້ລົງທຶນໃຫ້ປະຊາຊົນປູກ ເຊິ່ງທາງບໍລິສັດ ກໍ່ຮຽກຮ້ອງໃຫ້ທາງພັກ – ລັດ ຂັ້ນເທິງ ຊ່ວຍແກ້ໄຂບັນຫາດັ່ງກ່າວ.

ໃນການລົງເຄື່ອນໄຫວໃນຄັ້ງນີ້ ພາກສ່ວນທີ່ກ່ຽວຂ້ອງຂັ້ນເມືອງໄດ້ປະກອບຄໍາຄິດເຫັນ ແລກປ່ຽນບົດຮຽນ ຢ່າງກົງໄປກົງມາ ເພື່ອຊອກຫາວິທີແກ້ໄຂ ເປັນຕົ້ນ ດ້ານລາຄາຂອງຢາງພາລາ, ການລັກລອບເກັບຊຶ້ຢາງ, ເພື່ອເຮັດໃຫ້ ຕ່າງຝ່າຍຕ່າງມີຜົນປະໂຫຍດຮ່ວມກັນ.

ພາບ-ຂ່າວ: ພຸດສະດີ ແສງຈອມຄູນ