ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນເຊົ້າ ວັນທີ 20 ພຶດສະພາ ຜ່ານມານີ້ ທ່ານ ນາງ ວັນດີ ບຸດທະສະວົງ ຮອງປະທານກໍາມາທິການການຕ່າງປະເທດ ສະພາແຫ່ງຊາດ ພ້ອມຄະນະ ເຄື່ອນໄຫວຮ່ວມກັບ ທ່ານ ນາງ ມີນາພອນ ໄຊສົມພູ ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 17, ປະທານສະພາປະຊາຊົນແຂວງ ພ້ອມຄະນະ ລົງຢ້ຽມຢາມ ເຂື່ອນໄຟຟ້າ ເຊຂະໝານ 1.

ໂດຍການຕ້ອນຮັບຂອງທ່ານ ຟາມຮົງວຽດ ຜູ້ອຳນວຍການບໍລິສັດ ໄຟຟ້າ ເຊຂະໝານ 1 ຈໍາກັດ ພ້ອມຄະນະ ໂອກາດນີ້ໄດ້ຮັບຟັງການລາຍງານສະພາບການປະຕິບັດໂຄງການເຂື່ອນໄຟຟ້າເຊຂະໝາຍ1 ວ່າ: ໂຄງການເຂື່ອນເຊຂະໝານ 1 ໄດ້ລົງທຶນການກໍ່ສ້າງບົນພື້ນຖານການຮ່ວມມືດ້ານພະລັງງານ ລະຫວ່າງລັດຖະບານຫວຽດນາມ ແລະ ລາວ ມີກຳລັງຕິດຕັ້ງ 322 MW, ໄດ້ເປີດວາງສີລາລຶກໂຄງການຄັ້ງວັນທີ 6 ມີນາ 2011 ລວມມູນຄ່າການລົງທຶນ 539,49 USD ປະກອບມີ ເຮືອນຈັກເຂື່ອນເຊຂະໝານ1 ກໍາລັງຕິດຕັ້ງ 290 MW ມີ 2    ໜ່ວຍຈັກ, ເຮືອນຈັກ (ຕອນລຸ່ມ) ກຳລັງຕິດຕັ້ງ 32 MW ມີ 2 ໜ່ວຍຈັກ, ແລວສາງຍສົ່ງໄຟຟ້າ 230 KV ຈາກເຮືອນຈັກເຂື່ອນໄຟຟ້າເຊຂະໝານ1 ໄປຫາຊາຍແດນລາວ-ຫວຽດນາມມີລວມຍາວ 70,1 ກມ, ໄດ້ຈັດສັນເຂດບ້ານໃຫ້ປະຊາຊົນທີ່ໄດ້ຮັບຜົນກະທົບຈາກໂຄງການ, ເຂດຈັນສັນບ້ານສຸກສາະຫວ່າງ ຫາ ດັກບູມີ 158 ຄອບຄົວ ແລະ ເຂດຈັດສັນຫ້ວຍດຸມມີ 98 ຄອບຄົວ.

(ວິນັດ ສີສຸລາດ)