![](https://na.gov.la/wp-content/uploads/2022/08/299786632_5637900636231439_5621731294299831424_n.jpg)
![](https://na.gov.la/wp-content/uploads/2022/08/300159108_5637900472898122_6679320789417765762_n.jpg)
ໃນລະຫວ່າງວັນທີ 11-14 ສິງຫາ 2022 ນີ້, ທ່ານ ດຣ ຄໍາຈັນ ໂສຕາປະເສີດ ກໍາມະການຄະນະປະຈໍາ-ປະທານກໍາມາທິການບັນດາເຜົ່່າ ສະພາແຫ່ງຊາດ, ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 4 ແຂວງອຸດົມໄຊ ພ້ອມດ້ວຍທ່ານນາງ ໄລວອນ ຈັນທະລາ ຫົວຫນ້າຄະນະສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງຫຼາ ແລະ ທ່ານ ສີພອນ ອິນຕະວົງ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງຫຼາ ໄດ້ສໍາເລັດການລົງເຄື່ອນໄຫວພົບປະ ພໍ່-ແມ່ປະຊາຊາຊົນ ຜູ້ມີສິດເລືອກຕັ້ງ ແລະ ເຜີຍແຜ່ເນື້ອໃນຜົນສຳເລັດກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນແຂວງ ຊຸດທີ II ຢູ່ສໍານັກງານເມືອງຫຼາ, ຈຸດບ້ານຫ້ວຍຫຼາ, ໂພນໄຊ, ສາມັກີໄຊ, ຫ້ວຍຊູ, ຕະນອງປໍ, ວັງວັນ ແລະ ບ້ານໜອງບົວ, ເຂົ້າຮ່ວມມີການນຳເມືອງ, ພະນັກງານຫຼັກແຫຼງອ້ອມຂ້າງເມືອງ, ສອງກໍາລັງ ທະຫານ-ຕໍ່າຫຼວດ, ມີນາຍບ້ານ, ອົງການຈັດຄັ້ງບ້ານ ແລະ ປະຊາຊົນບັນດາເຜົ່າເຂົ້າຮ່ວມຢ່າງພ້ອມພຽງ.
![](https://na.gov.la/wp-content/uploads/2022/08/300049357_5637900752898094_6577577442032642282_n.jpg)
![](https://na.gov.la/wp-content/uploads/2022/08/299698937_5637900449564791_8076671706400504558_n.jpg)
![](https://na.gov.la/wp-content/uploads/2022/08/299795108_5637900612898108_3654122770117046937_n.jpg)
ຈຸດປະສົ່ງຂອງການລົງເຄື່ອນໄຫວໃນຄັ້ງນີ້ແມ່ນເພື່ອພົບປະ ພໍ່-ແມ່ປະຊາຊາຊົນ ຜູ້ມີສິດເລືອກຕັ້ງ ແລະ ເຜີຍແຜ່ເນື້ອໃນຜົນສຳເລັດກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນແຂວງ ຊຸດທີ II ທີ່ອອກເປັນມະຕິຂອງກອງປະຊຸມ ແລະ ບົດສັງລວມຫຍໍ້ເນື້ອໃນກອງປະຊຸມ ເພື່ອສະເໜີໃຫ້ປະຊາຊົນ ຮັບຮູ້ ແລະ ມີຄວາມເຂົ້າໃຈ ວ່າກອງປະຊຸມໄດ້ພິຈາລະນາ ແລະ ຮັບຮອງເອົາເນື້ອໃນບັນຫາສໍາຄັນຫຍັງແດ່ ຂອງຊາດ , ຂອງແຂວງ ແລະ ບັນຫາທີ່ພົ້ນເດັ່ນອື່ນໆ ທີ່ສັງຄົມໃຫ້ຄວາມສົນໃຈ.
![](https://na.gov.la/wp-content/uploads/2022/08/299844193_5637900732898096_8811821656477857056_n.jpg)
![](https://na.gov.la/wp-content/uploads/2022/08/300169017_5637900876231415_1195986222685451816_n.jpg)
ພາບ/ຂ່າວ: ແສງພອນ ອິນນະລົງ.