ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ໃນລະຫວ່າງວັນທີ 1625 ກຸມພາ 2022ໍາມາທິການການຕ່າງປະເທດ ສະພາແຫ່ງຊາດ ນໍາໂດຍທ່ານ ສັນຍາ ປຣະເສີດ ປະທານກຳມາທິການການຕ່າງປະເທດ ພ້ອມດ້ວຍຄະນະ ຮ່ວມກັບສະພາປະຊາຊົນແຂວງເຄື່ອນໄຫວຕິດຕາມກວດກາການຈັດຕັ້ງປະຕິບັດລັດຖະທໍາມະນູນແລະ ກົດໝາຍ ນຂົງເຂດວຽກງານການຕ່າງປະເທດ ຢູ່ 3 ແຂວງພາກເໜືອ ຄື: ຫຼວງນໍ້າທາ, ບໍ່ແກ້ວ ແລະ ໄຊຍະບູລີ.

ກາເຄື່ອນໄຫວໃນຄັ້ງນີ້ ເພື່ອ​ຕິດຕາມກວດກາການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍໃນຂົງເຂດວຽກງານການຕ່າງປະເທດ; ຊຸກຍູ້ ແລະ ຕິດຕາມກວດກາການຈັດຕັ້ງປະຕິບັດ ແລະ ຄຸ້ມຄອງໂຄງການຊ່ວຍເຫຼືອລ້າ (ODA), ການລົງທຶນຂອງຕ່າງປະເທດ, ອົງການທີ່ບໍ່ແມ່ນລັດຖະບານ (NGOs), ອົງການຈັດຕັ້ງທາງສັງຄົມຂອງຕ່າງປະເທດ(CSO) ແລະ ອື່ນໆ ຢູ່ ສປປລາວ; ການຕິດຕາມການຈັດຕັ້ງປະຕິບັດບັນດາສົນທິສັນຍາ ແລະ ສັນຍາສາກົນ ທີ່ ສປປລາວ ເປັນພາຄີ ເປັນຕົ້ນບັນຫາການຄ້າມະນຸດໂດຍສະເພາະແມ່ຍິງ ແລະ ເດັກນ້ອຍ; ບັນຫາການດູດຫີນ, ດູດຊາຍ ທີ່ສົ່ງຜົນກະທົບຕໍ່ແລວຊາຍແດນຂອງປະເທດເຮົາຢູ່ຕາມລໍາແມ່ນໍ້າຂອງ ແລະ ແມ່ນໍ້າເຫືອງ; ວຽກງານຊາຍແດນ, ການຄຸ້ມຄອງຫຼັກໝາຍຊາຍແດນແຫ່ງຊາດ, ການຄຸ້ມຄອງ ແລະ ການບໍລິຫານດ່ານສາກົນ, ດ່ານທ້ອງຖິ່ນ, ຄົນເຂົ້າອອກເມືອງ, ການຄ້າຢາເສບຕິດ, ການຄ້າມະນຸດ ແລະບັນຫາການຄ້າຂາຍເຖື່ອນຕາມບໍລິເວນຊາຍແດນ ແລະ ເກັບກໍາ, ບັນຫາທີ່ພົ້ນເດັ່ນກ່ຽວກັບວຽກງານຂົງເຂດການຕ່າງປະເທດຢູ່ທ້ອງຖິ່ນ ເພື່ອລາຍງານຕໍ່ຄະນະປະຈໍາສະພາແຫ່ງຊາດ.

ໃນໂອກາດດັ່ງກ່າວ, ຄະນະ ໄດ້ເຂົ້າຢ້ຽມຂໍ່ານັບການນໍາຂອງແຂວງ, ເຮັດວຽກກັບສະພາປະຊາຊົນແຂວງ, ຮັບຟັງການລາຍງານຫຍໍ້ຈາກບັນດາພະແນກການຕ່າງໆຂອງແຂວງ ກ່ຽວກັບວຽກງານການຕ່າງປະເທດ, ວຽກງານໂຍທາທິການ ແລະ ຂົນສົ່ງ, ວຽກງານແຜນການ ແລະ ການລົງທຶນ, ວຽກງານປ້ອງກັນຊາດປ້ອງກັນຄວາມສະຫງົບ, ວຽກງານພາຍໃນແລະ ອື່ນໆ; ຈາກນັ້ນ, ໄດ້ພົບປະເຮັດວຽກກັບຄະນະຄຸ້ມຄອງເຂດເສດຖະກິດພິເສດ ບໍ່ເຕ່ນ ແຂວງຫຼວງນໍ້າທາ, ຢ້ຽມຢາມສະຖານນີລົດໄຟ ບໍ່ເຕ່ນ ແຂວງຫຼວງນໍ້າທາ ແລະ ຄະນະຄຸ້ມຄອງເຂດເສດຖະກິດພິເສດ ສາມຫຼ່ຽມຄໍາ ແຂວງບໍ່ແກ້ວ, ຢ້ຽມຢາມສະໜາມບິນສາກົນແຂວງບໍ່ແກ້ວ ແລະຄະນະຄຸ້ມຄອງດ່ານສາກົນຂົວມິດຕະພາບ 4, ຄະນະຄຸ້ມຄອງດ່ານສາກົນນໍ້າເຫືອງ ແລະ ຄະນະຄຸ້ມຄອງດ່ານສາກົນພູດູ່, ໂຄງການຟາມລ້ຽງງົວ ເມືອງບໍ່ແຕນ ແລະ ພົບປະໂອ້ລົມກັບພໍ່ແມ່ປະຊາຊົນທີ່ຖືກຜົນກະທົບຈາກຕາຝັ່ງເຈື່ອນຕາມລໍາແມ່ນໍ້າເຫືອງ, ພ້ອມທັງຕິດຕາມເບິ່ງຜົນກະທົບຕົວຈິງທີ່ເກີດຂື້ນ.