ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ທ່າມກາງບັນຍາກາດສະເຫຼີມສະຫຼອງວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 67 ປີ (22/03/1955 – 22/03/2022), ໃນຕອນເຊົ້າວັນທີ 22 ມີນາ 2022 ທີ່ສະພາປະຊາຊົນແຂວງ ໜ່ວຍພັກຄະນະກໍາມະການວັດທະນະທໍາສັງຄົມ ແລະ ບັນດາເຜົ່າ ທີ່ເປັນໜ່ວຍພັກທີ 04 ຂອງສະພາປະຊາຊົນແຂວງ ໄດ້ໄຂກອງປະຊຸມໃຫຍ່ ສະມາຊິກພັກ ຄັ້ງທີ II ຢ່າງເປັນທາງການ ໂດຍເປັນກຽດເຂົ້າຮ່ວມໃນພິທີຂອງ ສະຫາຍ ກົງແກ້ວ ມີວໍລະຈັກ ຮອງເລຂາພັກແຂວງ, ເລຂາຄະນະພັກຮາກຖານ, ປະທານສະພາປະຊາຊົນແຂວງ, ສະຫາຍ ຄໍາດີ  ສຸວັນນະສານ ເລຂາໜ່ວຍພັກຄະນະກໍາມະການວັດທະນະທໍາສັງຄົມ ແລະ ບັນດາເຜົ່າ, ນອກຈາກນັ້ນຍັງມີຕາງໜ້າຈາກຄະນະ ຈັດຕັ້ງແຂວງ; ຄະນະກວດກາແຂວງ, ຄະນະພັກຮາກຖານ, ບັນດາ  ໜ່ວຍພັກພາຍໃນ ສພຂ ແລະ ຜູ້ແທນສົມບູນພາຍໃນໜ່ວຍພັກເຂົ້າຮ່ວມ.

ໃນວາລະປະຊຸມ ສະຫາຍ ຄໍາດີ  ສຸວັນນະສານ ເລຂາໜ່ວຍພັກຄະນະກໍາມະການວັດທະນະທໍາສັງຄົມ ແລະ ບັນດາເຜົ່າ ໄດ້ຂຶ້ນກ່າວໄຂກອງປະຊຸມ ພ້ອມທັງຜ່ານບົດລາຍງານການເມືອງ ພາກ I,II,III ເປັນຕົ້ນແມ່ນວຽກງານດ້ານການເມືອງແນວຄິດ, ແບບແຜນການນໍາພາ, ການເຮັດໜ້າທີ່ຊີ້ນໍາ-ນໍາພາການປະຕິບັດໜ້າທີ່ເບື້ອງລັດໃນການຕິດຕາມຊຸກຍູ້ການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍ, ການຮັບຄໍາຮ້ອງຂໍຄວາມເປັນທໍາຂອງພົນລະເມືອງ, ຕິດຕາມຊຸກຍູ້ວຽກງານໃນຂົງເຂດ ວັດທະນະທໍາສັງຄົມ ແລະ ບັນດາເຜົ່າ, ວຽກງານກໍ່ສ້າງພັກ ພະນັກງານ, ຕີລາຄາ ດ້ານດີ, ດ້ານອ່ອນ, ຂໍ້ຄົງຄ້າງ ບົດຮຽນທີ່ຖອດຖອນໄດ້ ໃນການເຄື່ອນໄຫວ ຊີ້ນໍາ-ນໍາພາ ການຈັດຕັ້ງປະຕິບັດໜ້າທີ່ວຽກງານ ໃນໄລຍະຜ່ານມາ.

ຕໍ່ຈາກນັ້ນ, ບັນດາຜູ້ແທນ ສົມບູນໄດ້ໃຊ້ສິດປະຊາທິປະໄຕ ຂອງຕົນປ່ອນບັດຄັດເລືອກເອົາ ຄະນະໜ່ວຍພັກຊຸດໃໝ່ຂັ້ນຂອງຕົນ, ກອງປະຊຸມໄດ້ເລືອກເອົາ ສະຫາຍ ຄໍາດີ  ສຸວັນນະສານ ເປັນເລຂາໜ່ວຍພັກ ແລະ ສະຫາຍ ຄໍາປານ  ແຄນວົງສັກ ເປັນຮອງເລຂາ ແລະ ທັງເປັນຜູ້ກວດກາໜ່ວຍພັກ.