ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນເຊົ້າວັນທີ 09 ມີນາ 2022 ທີ່ສະພາປະຊາຊົນແຂວງ ໄດ້ເປີດກອງປະຊຸມໃຫຍ່ ສະມາຊິກພັກ ຄັ້ງທີ II ຂອງໜ່ວຍພັກຄະນະເລຂາທິການ ໂດຍເປັນກຽດເຂົ້າຮ່ວມໃນພິທີຂອງ ສະຫາຍ ຄໍາຜັນ ຄູນສະຫວັນ ຄະນະປະຈໍາພັກແຂວງ, ຮອງເລຂາຄະນະພັກຮາກຖານ, ຮອງປະທານສະພາປະຊາຊົນແຂວງ, ສະຫາຍ ພູທອນ ພຸດທະຂັນຕິ ເລຂາໜ່ວຍພັກຄະນະເລຂາທິການ ສພຂ, ນອກຈາາກນັ້ນຍັງມີຕາງໜ້າຈາກຄະນະພັກ ຈັດຕັ້ງແຂວງ; ຄະນະພັກກວດກາແຂວງ, ຄະນະພັກຮາກຖານ, ບັນດາສະຫາຍເລຂາໜ່ວຍພັກ ພາຍໃນ ສພຂ ແລະ ຜູ້ແທນສົມບູນພາຍໃນໜ່ວຍພັກເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ພູທອນ ພຸດທະຂັນຕິ ເລຂາໜ່ວຍພັກຄະນະເລຂາທິການ ໄດ້ຂຶ້ນກ່າວໄຂກອງປະຊຸມ ພ້ອມຜ່ານບົດລາຍງານການເມືອງ ພາກ I,II,III ແລະ ທິດທາງແຜນສູ້ຊົນໃນແຕ່ລະໜ້າວຽກ ເປັນຕົ້ນແມ່ນວຽກງານດ້ານການເມືອງແນວຄິດ ແບບແຜນການນໍາພາ, ການເຮັດໜ້າທີ່ເປັນເສນາທິການດ້ານເນື້ອໃນ, ວຽກງານຮອບດ້ານໃຫ້ແກ່ສະພາປະຊາຊົນແຂວງ, ຄະນະປະຈໍາສະພາປະຊາຊົນແຂວງ ແລະ ຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 13, ວຽກງານກໍ່ສ້າງພັກ ພະນັກງານ, ຕີລາຄາ ດ້ານດີ, ດ້ານອ່ອນ, ຂໍ້ຄົງຄ້າງ ບົດຮຽນທີ່ຖອດຖອນໄດ້ ໃນການເຄື່ອນໄຫວ ຊີ້ນໍາ-ນໍາພາ ການຈັດຕັ້ງປະຕິບັດໜ້າທີ່ວຽກງານ ໃນໄລຍະຜ່ານມາ.

ກອງປະຊຸມໃຫຍ່ຄັ້ງນີ້ ສະມາຊິກພັກ ຄັ້ງທີ II ຂອງໜ່ວຍພັກຄະນະເລຂາທິກາ ໄດ້ປ່ອນບັດຄັດເລືືອກເອົາຄະນະ  ໜ່ວຍພັກຊຸດໃໝ່ ບົນພື້ນຖານຕາມຫຼັກການລວມສູນປະຊາທິປະໄຕ, ຖືກຕ້ອງສອດຄ່ອງກັບມາດຖານເງື່ອນໄຂຕົວຈິງຕາມກົດລະບຽບພັກປະຊາຊົນ ປະຕິວັດລາວ ສະໄໝ XI, ເຊິ່ງໄດ້ເປັນເອກະພາບເລືອກເອົາ ສະຫາຍ ພູທອນ ພຸດທະຂັນຕິ ເປັນເລຂາໜ່ວຍພັກ, ສະຫາຍ ຂັນທອງ ຄົມທິລາດ ເປັນຮອງເລຂາໜ່ວຍພັກ ທັງເປັນຜູ້ກວດກາໜ່ວຍພັັກ ແລະ ສະຫາຍ ບົວລົມ ອິນທີທະວົງ ເປັນກໍາມະການ.

ໂອກາດດຽວກັນນີ້ ສະຫາຍ ຄໍາຜັນ ຄູນສະຫວັນ ຄະນະປະຈໍາພັກແຂວງ, ຮອງເລຂາຄະນະພັກຮາກຖານ, ຮອງປະທານສະພາປະຊາຊົນແຂວງ ກໍ່ໄດ້​ມີ​ຄຳ​ເຫັນ​ໂອ້​ລົມ​ຕໍ່​ກອງ​ປະ​ຊຸມ ເຊິ່ງ​ສະ​ຫາຍ​ໄດ້​ສະ​ແດງ​ຄວາມຍ້ອງຍໍຊົມ​ເຊີຍ​ຕໍ່​ຜົນ​ງານ​ການ​ຈັດ​ຕັ້ງຈັດຕັ້ງປະຕິບັດວຽກງານ ໃນໄລຍະ 5 ປີຜ່ານມາ ແລະ ໄດ້ເນັ້ນໜັກໃຫ້ ​ຄະ​ນະ​ພັກ​ຊຸດໃໝ່ ໃຫ້ເຄື່ອນໄຫວຊີ້ນໍາ-ນໍາພາ, ເພີ່ມທະວີຄວາມສາມັກຄີເປັນເອກະພາບ ແລະ ແບບແຜນວິທີເຮັດວຽກຂອງ​ຕົນໃຫ້​ລະ​ອຽດ​; ເອົາ​ໃຈ​ໃສ່​ສ້າງ​ພັກ​ປອດ​ໃສ​, ເຂັ້ມ​ແຂງ, ໜັກ​ແໜ້ນ, ​ສະ​ມາ​ຊິ​ກ​ພັກ​ທຸກ​ສະ​ຫາຍ ຕ້ອງເປັນ​ແບບ​ຢ່າງ​ນຳ​ໜ້າ​ທາງ​ການ​ເມືອງ–ແນວ​ຄິດ, ແບບ​ແຜນ​ການ​ນຳ​ພາ, ວິ​ທີ​ເຮັດ​ວຽກ, ແບບ​ແຜນ​ການ​ດຳ​ລົງ​ຊີ​ວິດ ແລະ ອື່ນໆຕື່ມອີກ.