ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ໃນລະຫວ່າງວັນທີ 27-29 ມັງກອນ 2022 ທີ່ສະພາແຫ່ງຊາດ,່ານ ສັນຍາ ປຣະເສີດ ປະທານກຳມາທິການການຕ່າງປະເທດ, ປະທານ​ຄະນະສະມັດຊາລັດຖະສະພາຝຣັ່ງໂກໂຟນີ (APF) ຂອງສະພາ​ແຫ່ງ​ຊາດ​ລາວທັງເປັນຄະນະບໍລິຫານງານຜູ້ປະຈຳການພາກພື້ນອາຊີ-ປາຊີຟິກ ຂອງ APFພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມຄະນະບໍລິຫານງານຂອງສະມັດຊາລັດຖະສະພາຝຣັ່ງໂກໂຟນີ (APF) ທີ່ນະຄອນຫຼວງລີເບີວິລ ປະເທດກາບົ່ງ(ນຮູບແບບທາງໄກ) ພາຍໃຕ້ການເປັນປະທານຂອງ ທ່ານ ໂຟສແຕ່ງ ບູກູບີປະທານສະພາແຫ່ງຊາດ ແຫ່ງ ກາບົ່ງດຍມີປະທານຮອງປະທານ, ຄະນະບໍລິຫານງານ, ຄະນະກຳມາທິການປະຈຳ, ເລຂາທິການໃຫຍ່, ຜູ້ປະຈຳການພາກພື້ນຂອງ APF, ປະທານເຄືອຄ່າຍສະມາຊິກລັດຖະສະພາເພດຍິງ ແລະ ໄວໜຸ່ມ, ຕົວແທນຈາກປະເທດທີ່ໃຊ້ພາສາຝຣັ່ງ ແລະ ແຂກຂອງເຈົ້າພາບເຂົ້າຮ່ວມ.

ກອງປະຊຸມ, ໄດ້ຮັບຮອງເອົາບົດບັນທຶກກອງປະຊຸມຄົບຄະນະຄັ້ງຜ່ານມາ ທີ່ຈັດຂຶ້ນໃນເດືອນ ຕຸລາ ປີ 2021, ຮັບຟັງການລາຍງານກ່ຽວກັບການຈັດຕັ້ງປະຕິບັດກິດຈະກຳ​​ຂອງອົງການສະມັດຊາ​ລັດຖະສະພາທີ່​ໃຊ້​ພາສາ​ຝຣັ່ງ ​ໃນໄລຍະປີຜ່ານມາ ແລະ ແຜນການ, ແຜນງົບປະມານປີ 2022, ຄວາມຄືບໜ້າກ່ຽວກັບການປັບປຸງທຳມະນູນຂອງ APF, ບົດລາຍງານຂອງຜູ້ປະຈໍາການແຕ່ລະພາກພື້ນຂອງ APF, ຮັບຟັການລາຍງານຂອງຜູ້ບໍລິຫານງານ OIF,ການລາຍງານກ່ຽວກັບສະພາບການທາງດ້ານການເມືອງ ຂອງບັນດາປະເທດທີ່ໃຊ້ພາສາຝຣັ່ງ; ພ້ອມນັ້ນ, ກອງປະຊຸມຍັງໄດ້ປຶກສາຫາລືກັນ ກ່ຽວກັບການຮ່ວມມືຂອງລັດຖະສະພາ, ໂຄງການຮ່ວມມືຕ່າງໆຂອງ APF ແລະ ການປຶກສາຫາລືກ່ຽວກັບການກະກຽມກອງປະຊຸມໃຫຍ່ ຄັ້ງທີ 47 ແລະ ກອງປະຊຸມສະມາຊິກລັດຖະສະພາໜຸ່ມ ຄັ້ງທີ 9 ຂອງ APF.

ໃນການເຂົ້າຮ່ວມກອງປະຊຸມ, ທ່ານ ສັນຍາ ປຣະເສີດ ໃນນາມຜູ້ປະຈຳການພາກພື້ນອາຊີ-ປາຊີຟິກ ຂອງ APF ໄດ້ລາຍງານຕໍ່ກອງປະຊຸມກ່ຽວກັບການເຄື່ອນໄຫວວຽກງານຂອງບັນດາລັດຖະສະພາທີ່ເປັນສະມາຊິກAPF ໃນພາກພື້ນອາຊີ-ປາຊີຟິກ ປະຈຳປີ 2021 ແລະ ທິດທາງແຜນການໃນຕໍ່ໜ້າ ໂດຍໄດ້ຍົກໃຫ້ເຫັນເຖງຄວາມເອົາໃຈໃສ່ຂອງບັນດາປະເທດທີ່ໃຊ້ພາສາຝຣັ່ງ ໃນການເຄື່ອນໄຫວວຽກງານຂອງ APF ແລະ ເຂົ້າຮ່ວມກອງປະຊຸມຕ່າງໆຂອງ APF ໃນໄລຍະຜ່ານມາ. ໃນພາກພື້ນອາຊີ-ປາຊີຟິກ ມີ 6 ປະເທດ ທີ່ເປັນສະມາຊິກ ຄື: ລາວ, ຫຽດນາມ, ກຳປູເຈຍ, ວານູອາຕູ, ນູແວນ ກາເລໂດນີແລະ ໂປລີເນຊ ຝຣັ່ງແຊ.

ກອງປະຊຸມຄັ້ງນີ້, ຍັງຕົກລົງເຫັນດີໃຫ້ຈັດກອງປະຊຸມໃຫຍ່ ຄັ້ງທີ 47ແລະ ກອງປະຊຸມສະມາຊິກລັດຖະສະພາໜຸ່ມ ຄັ້ງທີ 9 ຂອງສະມັດຊາລັດຖະສະພາຝຣັ່ງໂກໂຟນີ (APF) ໃນເດືອນກໍລະກົດ 2022 ທີ່ມົງເຕອານປະເທດການາດາ.