ກອງປະຊຸມໄດ້ຮັບຟັງການລາຍງານບົດສຳຫຼວດການນຳພາ ແລະ ພ້ອມກັນສະຫຼຸບຕີລາຄາ, ພິຈາລະນາ ແລະ ຮັບຮອງເອົາບົດລາຍງານການເມືອງຂອງໜ່ວຍຊາວໜຸ່ມຮາກຖານກຳມາທິການແຜນການ, ການເງິນ ແລະ ການກວດສອບ ເຊິ່ງໄດ້ຖືເອົາວຽກງານສຶກສາອົບຮົມການເມືອງ-ແນວຄິດ ເປັນວຽກງານໜຶ່ງທີ່ສຳຄັນ ໂດຍໄດ້ຊຸກຍູ້ສະມາຊິກຊາວໜຸ່ມ ເຂົ້າຮ່ວມຮັບຟັງການເຜີຍແຜ່ເຊື່ອມຊຶມແນວທາງນະໂຍບາຍຂອງພັກ, ມະຕິ, ຄໍາສັ່ງ, ລະບຽບກົດໝາຍຂອງລັດ ແລະ ວັນສໍາຄັນຕ່າງໆຂອງພັກ-ຂອງຊາດ ໃນແຕ່ລະໄລຍະຢ່າງເປັນປົກກະຕິ; ເອົາໃຈໃສ່ຢ່າງຕັ້ງໜ້າໃນການກໍ່ສ້າງສະມາຊິກຊາວໜຸ່ມທາງດ້ານການເມືອງ-ແນວຄິດ ແລະ ການຈັດຕັ້ງ, ປັບປຸງແບບແຜນວິທີເຮັດວຽກ ຕິດພັນກັບວຽກງານຕົວຈິງ, ຮ່ວມຊີວິດການເມືອງເປັນປະຈຳ ແລະ ເຂົ້າຮ່ວມວຽກງານຂະບວນການເພື່ອຂ່ຳນັບຮັບຕ້ອນສະເຫຼີມສະ ຫຼອງວັນສຳຄັນຕ່າງໆຂອງພັກ-ຂອງຊາດ ແລະ ວຽກງານອື່ນໆຢ່າງມີຜົນສໍາເລັດ.

ກອງປະຊຸມໄດ້ຜ່ານຂໍ້ຕົກລົງບົ່ງຕົວແຕ່ງຕັ້ງເອົາສະຫາຍ ປອ. ສີວອນ ຣືວາຍບຸນທະວີ ເປັນເລຂາ, ສະຫາຍ ນາງ ແກ້ວມະນີ ສະກັນທອງ ເປັນຮອງເລຂາ ທັງເປັນປະທານກວດກາ, ສະຫາຍ ນາງ ຈັນສະໝອນ ບົວສະຫວັນ ເປັນກຳມະການ.

ໃນໂອກາດນີ້, ສະຫາຍ ບຸນຕາ ເທບພະວົງ ໄດ້ມີຄຳເຫັນໂອ້ລົມຕໍ່ທີ່ປະຊຸມ ເຊິ່ງໄດ້ສະແດງຄວາມຍ້ອງຍໍຊົມ ເຊີຍຜົນງານທີ່ຄະນະໜ່ວຍຊາວໜຸ່ມຮາກຖານກຳມາທິການແຜນການ, ການເງິນ ແລະ ການກວດສອບ ແລະ ສະມາ ຊິກຊາວໜຸ່ມພາຍໃນໜ່ວຍ ທີ່ຍາດມາໄດ້ໃນໄລຍະຜ່ານມາ. ພ້ອມດຽວກັນນັ້ນ, ກໍໄດ້ເນັ້ນໜັກໃຫ້ຄະນະໜ່ວຍຊາວໜຸ່ມຮາກຖານຊຸດໃໝ່ ກໍຄືສະມາຊິກຊາວໜຸ່ມທຸກສະຫາຍ ຕ້ອງກໍາໃຫ້ແໜ້ນ ແລະ ເຊື່ອມຊຶມແນວທາງນະໂຍບາຍຂອງພັກ, ລະບຽບກົດໝາຍຂອງລັດ ເພື່ອຫັນເປັນແຜນການ ແລະ ແຜນວຽກ, ສິ່ງສຳຄັນຕ້ອງກຳແໜ້ນພາລະບົດບາດ, ສິດ ແລະ ໜ້າທີ່ຂອງຊາວໜຸ່ມ ເພື່ອຫັນເຂົ້າສູ່ລວງເລິກໃຫ້ນັບມື້ນັບຫຼາຍຂຶ້ນ ປະກອບສ່ວນຊ່ວຍສະໜັບສະໜູນວຽກງານລວມຂອງສະພາແຫ່ງຊາດ ໃຫ້ສຳເລັດຕາມການມອບໝາຍຂອງຂັ້ນເທິງ; ເພີ່ມທະວີວຽກງານສຶກສາອົບຮົມການເມືອງ-ແນວຄິດຂອງສະມາຊິກຊາວໜຸ່ມ ໃຫ້ມີຄວາມອຸ່ນອຽນທຸ່ນທ່ຽງ, ມີຄວາມຫ້າວຫັນ, ມີການປະດິດສ້າງໃໝ່ໃນການປະຕິບັດວຽກງານວິຊາສະເພາະ ສິ່ງສໍາຄັນແມ່ນຕ້ອງມີຄວາມສາມັກຄີເປັນນໍ້າໜຶ່ງໃຈດຽວກັນເພື່ອພ້ອມກັນປະຕິ ບັດໜ້າທີ່ການເມືອງທີ່ໄດ້ຮັບມອບໝາຍ ໃຫ້ມີປະສິດທິພາບ ແລະ ປະສິດທິຜົນສູງ, ຖືເອົາການຕິຊົມຕົນເອງ ແລະ ຕິຊົມເຊິ່ງກັນ ແລະກັນ ເປັນກົນໄກໜຶ່ງໃນການກໍ່ສ້າງສະມາຊິກຊາວໜຸ່ມດ້ວຍກັນ; ເປັນກ້ອນກໍາລັງນໍາໜ້າໃນວຽກງານຂະບວນການຕ່າງໆຮ່ວມກັບອົງການຈັດຕັ້ງມະຫາຊົນອື່ນ ເພື່ອປັບປຸງໃຫ້ສອດຄ່ອງກັບລັກສະນະພິເສດ, ທີ່ຕັ້ງ ແລະ ພາລະບົດບາດຂອງສະພາແຫ່ງຊາດໃນໄລຍະໃໝ່; ເອົາໃຈໃສ່ຄົ້ນຄວ້າ ແລະ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ກໍຄືມະຕິກອງປະຊຸມໃຫຍ່ຜູ້ແທນຊາວໜຸ່ມສະພາແຫ່ງຊາດໃນຕໍ່ໜ້າ ໃຫ້ບັນລຸຕາມຄາດໝາຍທີ່ກຳນົດໄວ້.

(ຂ່າວ-ພາບ: ນາງ ອາລິນ ສຸພິມມະປະດິດ)