ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

     (ສພຊ) ວັນທີ 30 ທັນວາ 2021 ກອງປະຊຸມສະໄໝສາມັນເທື່ອທີ 2 ຂອງສະພາປະຊາຊົນແຂວງ (ສພຂ) ຈໍາປາສັກ ຊຸດທີ IIໄດ້ອັດລົງດ້ວຍຜົນສໍາເລັດຢ່າງຈົບງາມພາຍຫຼັງ​ດຳເນີນມາເປັນເວລາ 2 ວັນເຕັມ (ວັນທີ 29-30 ທັນວາ 2021) ຢູ່ສະໂມສອນແຂວງ​ ໂດຍການເປັນປະທານຂອງ​ທ່ານ​ ສາຍທອງ​ ໄຊຍະວົງ​ ປະທານ ສພຂ ຈຳປາສັກ​; ເຂົ້າຮ່ວມມີທ່ານ ສົມມາດ ພົນເສນາ ຮອງປະທານສະພາແຫ່ງຊາດ ທັງເປັນສະມາຊິກສະພາແຫ່ງຊາດ ປະຈໍາ​ເຂດເລືອກຕັ້ງ,​ ທ່ານ​ ປອ. ​ວິໄລວົງ​ ບຸດ​ດາ​ຄໍາ​ ​ ເຈົ້າ​ແຂວງ​ຈໍາ​ປາ​ສັກ,​ ບັນດາທ່ານຮອງປະທານ ສພຂ,​ ສະມາຊິກສະພາແຫ່ງຊາດ​ (ສສຊ) ປະຈໍາເຂດເລືອກຕັ້ງ, ສະມາຊິກສະພາປະຊົນແຂວງ (ສສຂ) 9 ເມືອງ ແລະ ນະຄອນ ແລະ ພາກສ່ວນກ່ຽວຂ້ອງ.
         ກອງປະຊຸ,​ ໄດ້ຮັບຟັງການລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ​ ແລະ​ ການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2021 ແລະ ແຜນການ ປະຈໍາປີ 2022; ບົດລາຍງານຂອງອົງການກວດກາລັດ ປະຈໍາປີ 2021 ແລະ ທິດທາງແຜນການ ປະຈໍາປີ 2022, ຜົນການກວດກາຕາມຜົນການກວດສອບ ປີ 2019; ບົດລາຍງານຂອງອົງການກວດສອບ ປະຈໍາພາກໃຕ້ ປະຈໍາປີ 2021 ແລະ ແຜນການ ປະຈໍາປີ 2022; ຜົນການກວດສອບບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານຂອງປີ 2020; ການລາຍງານຂອງສານປະຊາຊົນພາກໃຕ້,​ ບົດລາຍງານຂອງອົງການໄອຍະການປະຊາຊົນພາກໃຕ້,​ ບົດລາຍງານຂອງສານປະຊາຊົນແຂວງຈໍາປາສັກ​ ແລະ ບົດລາຍງານຂອງອົງການໄອຍະການປະຊາຊົນແຂວງ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານ ປະຈໍາປີ 2021 ແລະ ທິດທາງແຜນການ ປະຈໍາປີ 2022 ແລະ ຮັບຟັງລາຍງານຂອງ ສພຂ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານ ປະຈໍາປີ 2021 ແລະ ແຜນການ ປະຈໍາປີ 2022.

         ກອງປະຊຸມຄັ້ງນີ້, ຍັງໄດ້ຜ່ານຮ່າງມະຕິຂອງ ສພຂ ລວມມີ 9 ສະບັບຄື: ມະຕິກອງປະຊຸມ ສພຂ ວ່າດ້ວຍການຮັບຮອງເອົາບົດລາຍງານຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ,​ ແຜນງົບປະມານແຫ່ງລັດ ປະຈໍາປີ 2021 ແລະ ແຜນງົບປະມານແຫ່ງລັດ ປະຈໍາປີ 2022 ຂອງແຂວງ; ມະຕິກອງປະຊຸມ ສພຂ ວ່າດ້ວຍການຮັບຮອງເອົາບົດລາຍງານການເຄື່ອນໄຫວຈັດຕັ້ງປະຕິບັດວຽກງານ ປະຈໍາປີ 2021 ແລະ ແຜນການ ປະຈໍາປີ 2022 ຂອງສານປະຊາຊົນພາກໃຕ້,​ ອົງການໄອຍະການປະຊາຊົນພາກໃຕ້,​ ສານປະຊາຊົນແຂວງຈໍາປາສັກ​ ແລະ​ ຂອງອົງການໄອຍະການປະຊາຊົນແຂວງຈໍາປາສັກ; ມະຕິກອງປະຊຸມ ສພຂ ວ່າດ້ວຍການຮັບຮອງເອົາການຈັດຕັ້ງປະຕິບັດວຽກງານ ປະຈໍາປີ 2021 ແລະ ແຜນການ ປະຈໍາປີ 2022, ຜົນການກວດກາຕາມຜົນການກວດສອບປີ 2019ຂອງອົງການກວດກາລັດແຂວງ; ມະຕິກອງ ສພຂ ວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດວຽກງານ ປະຈໍາປີ 2021 ແລະ ແຜນການ ປະຈໍາປີ 2022, ຜົນການກວດສອບບົດສະຫຼຸບຂາດຕົວ ຂອງອົງການກວດສອບ ປະຈໍາພາກໃຕ້; ມະຕິກອງປະຊຸມ ສພຂ ວ່າດ້ວຍການຮັບຮອງເອົາບົດລາຍງານການເຄື່ອນໄຫວ ປະຈໍາປີ 2021 ແລະ ແຜນການ ປີ 2022 ຂອງ ສພຂ; ຈາກນັ້ນ,​ ສສຂໄດ້ພິຈາລະນາ ແລະ​ ລົງຄະແນນສຽງ ຮັບຮອງເອົາ​ມະຕິຂອງ ສພຈ9​ ສະບັບ​.

(ພາບ ແລະ ຂ່າວ: ສົມວິຈິດ ໄຊມົນຕີ)