ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຕອນເຊົ້າຂອງວັນອັງຄານທີ 26 ເມສາ 2022(ຢູ່ທີ່ຫ້ອງປະຊຸມ ສພຂ) ຄະນະກໍາມະການ ວັດທະນະທໍາ-ສັງ ຄົມ ແລະ ບັນດາເຜົ່າ ສພຂ ໄດ້ເປີດກອງປະຊຸມສະຫຼຸບການເຄື່ອນໄຫວປະຈໍາໄຕມາດ I ຂອງຄະນະກໍາມະການ ວັດທະນະທໍາ-ສັງຄົມ ແລະ ບັນດາເຜົ່າ, ໂດຍການເປັນປະທານຂອງທ່ານ ນາງ ຄໍາພອນ ພິມມະຈັນ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 04, ຮອງປະທານ ສພຂ ຜູ້ຊີ້ນໍາຂົງເຂດວຽກງານບັນດາເຜົ່າ, ເຂົ້າຮ່ວມກອງປະຊຸມມີທ່ານ ຄໍາມະນີ ໄຊດວງຕາ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 04, ປະທານຄະນະກຳມະການວັດທະນະທໍາ-ສັງຄົມ ແລະ ບັນດາເຜົ່າ, ມີຮອງປະທານ ຄະນະກຳມະການ, ຫົວໜ້າ-ຮອງຫົວໜ້າຂະແໜງ ແລະ ພະນັກງານວິຊາການຂະແໜງກ່ຽວຂ້ອງເຂົ້າຮ່ວມ.

ຈຸດປະສົງຂອງກອງປະຊຸມຄັ້ງນີ້ແມ່ນ ເພື່ອເປັນການສະຫຼຸບຕີລາຄາຄືນກ່ຽວກັບຈັດຕັ້ງ ແລະ ການເຄື່ອນໄຫວວຽກງານ ຂອງຄະນະກຳມະການ ແລະ ຂະແໜງວັດທະນະທໍາ-ສັງຄົມ ແລະ ບັນດາເຜົ່າ ສພຂ ປະຈໍາໄຕມາດ I ແລະ ວາງທິດທາງແຜນການ ປະຈໍາໄຕມາດ II ປີ 2022, ກອງປະຊຸມທ່ານ ທະນາກອນ ເຍມະນີ ຫົວໜ້າຂະແໜງ ວັດທະນະທໍາ-ສັງຄົມ ແລະ ບັນດາເຜົ່າ ໄດ້ຜ່ານຮ່າງບົດສະຫຼຸບຂອງ ຄວສຕ ແລະ ຂວສພ ປະຈໍາໄຕມາດ I ແລະ ທິດທາງແຜນການ ປະຈຳໄຕມາດ II ສະແດງໃຫ້ເຫັນການເຄື່ອນໄຫວວຽກງານສໍາເລັດດັ່ງນີ້: ວຽກວິຊາສະເພາະ: ໄດ້ກະກຽມບັນດາເອກະສານ, ຂໍ້ມູນ ເພື່ອເປີດກອງປະຊຸມຄົບຄະນະກໍາມະການ ຄວສຜ ປະຈໍາປີ 2021, ຄໍາຖາມເຈາະຈີ້ມສົ່ງໃຫ້ພະແນກສາທາລະນະສຸກແຂວງ ທີ່ຈະຂື້ນລາຍງານໃນກອງປະຊຸມສະໄໝສາມັນເທື່ອທີ 2 ຂອງ ສພຂ ຊຸດທີ່ II, ບົດປະກອບຄໍາເຫັນໃສ່ຮ່າງບົດລາຍງານແຫ່ງຊາດປະຈໍາໄລຍະທີ 7 ຂອງຄະນະກໍາມະການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ສົ່ງໃຫ້ສະຫະພັນແມ່ຍິງແຂວງ, ເຂົ້າຮ່ວມກອງປະຊຸມສະໄໝສາມັນສະພາປະຊາຊົນແຂວງ ຊຸດທີ II, ກອງປະຊຸມຄົບຄະນະກໍາມະການ ຄວສຜ ປະຈໍາປີ 2021 ແລະ ກອງຊຸມອື່ນໆໄດ້ 7 ຄັ້ງ, ສັງລວມບັນດາເອກະສານທີ່ຜ່ານຢູ່ໃນກອງປະຊຸມຄົບຄະນະກໍາມະການ ຄວສຜ ປະຈຳປີ 2021 ເພື່ອເຮັດເປັນປື້ມໄວ້, ສໍາເລັດບົດປະກອບຄໍາເຫັນຕໍ່ກອງປະຊຸມຄົບຄະນະກໍາມະການຂອງອົງການແນວລາວສ້າງຊາດແຂວງ ຄັ້ງທີ 3 ສະໄໝທີ 7 ໃຫ້ສະມາຊິກສະພາແຫ່ງຊາດທີ່ເປັນກໍາມະການສູນກາງແນວລາວສ້າງຊາດ. ວຽກງານຮັບຄໍາຮ້ອງທຸກ ແລະ ໂທລະສັບສາຍດ່ວນ: ໄດ້ຮັບຄໍາຮ້ອງທຸກ 1 ເລື່ອງ ແລະ ໂທລະສັບສາຍດ່ວນ 4 ເລື່ອງ, ພ້ອມທັງຈັດສົ່ງຄໍາຮ້ອງທຸກ ແລະ ໂທລະສັບສາຍດ່ວນ ໃຫ້ພາກສ່ວນທີ່ກ່ຽວຂ້ອງຄົ້ນຄວ້າ ແລະ ແກ້ໄຂຕາມພາລະບົດບາດ ຈໍານວນ 4 ເລື່ອງ. ວຽກງານຕິດຕາມກວດກາ: ຕິດຕາມການເຄື່ອນໄຫວ, ຈັດຕັ້ງພາລະບົດບາດສິດ ແລະ ໜ້າທທີ່ຂອງພະແນກການທີ່ກ່ຽວຂ້ອງດ້ວຍຮູບການຮັບບົດສະຫຼຸບ, ບົດລາຍງານພາກສ່ວນທີ່ກ່ຽວຂ້ອງທີ່ຂື້ນກັບຂົງເຂດວັດທະນະທໍາ-ສັງຄົມ ແລະ ບັນດາເຜົ່າ ເປັນປົກກະຕິ, ຈາກນັ້ນຜູ້ເຂົ້າຮ່ວມໄດ້ປະກອບຄໍາເຫັນໃສ່ຮ່າງບົດສະຫຼຸບດັ່ງກ່າວຢ່າງກົງໄປກົງມາ.

ພ້ອມດຽວກັນນັ້ນກອງປະຊຸມຍັງຜ່ານຂໍ້ຕົກລົງຮ່ວມ ວ່າດ້ວຍ ການພົວພັນ ລະຫວ່າງ ຄະນະປະຈໍາ ສະພາປະຊາຊົນແຂວງ ແລະ ຄະນະປະຈໍາ ແນວລາວສ້າງຊາດແຂວງ, ຂໍ້ຕົກລົງຮ່ວມ ລະຫ່ວາງ ຄະນະກຳມະການວັດທະນະທໍາ-ສັງຄົມ ແລະ ບັນດາເຜົ່າ ກັບ ພະແນກ ສາທາລະນະສຸກ, ພະແນກ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ພະແນກ ແຮງງານ ແລະ ສະຫວັດດີການສັງຄົມ, ພະແນກ ສຶກສາທິການ ແລະ ກິລາ, ຫຼັງຈາກນັ້ນໄດ້ສືບຕໍ່ ປະກອບຄຳຄິດຄຳເຫັນຕໍ່ຮ່າງຂໍ້ຕົກລົງຮ່ວມ ເພື່ອເຮັດໃຫ້ເນື້ອໃນຄົບຖ້ວນ, ສົມບູນ, ສາມາດນໍາໄປຈັດຕັ້ງປະຕິບັດໃຫ້ມີປະສິດທິທິພາບ ແລະປະສິດທິຜົນ.

(ພາບ, ຂ່າວ: ແສງພອນ ອິນນະລົງ).