ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR


ໃນວັນທີ 7 ກັນຍາ 2022 ທີ່ຫ້ອງປະຊຸມ​ສະພາປະຊາຊົນແຂວງ​ (ສພຂ)​ ອັດຕະປື ໄດ້ເປີດກອງປະຊຸມສະຫລຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ,​ ໂດຍການເປັນປະທານຮ່ວມຂອງ ສະຫາຍ ນາງ​ ມີນາພອນ​ ໄຊສົມພູ​ ຮອງເລຂາພັກແຂວງ​ ປະທານ​ ສພຂ, ສະຫາຍ​ ນາງ​ ຈັນເພັດ ຈັນທະ​ມາດ​ ກໍາມະການພັກແຂວງ ປະທານສະຫະພັນແມ່ຍິງແຂວງ​ ແລະ​ ສະຫາຍ​ ນາງ​ ແສງອາລຸນ​ ວົງສາທິການ​ ຫົວໜ້າໜ່ວນສະຫະພັນແມ່ຍິງ ສພຂ,​ ມີຄະນະສະຫະພັນແມ່ຍິງ​ ສພຂ, ສະມາຊິກແມ່ຍິງພາຍໃນ ສພຂ​ ແລະ​ ແຂກທີ່ຖືກເຊີນເຂົ້າຮ່ວມ​ 25 ສະຫາຍ.​ຍິງ​ 21​ ສະຫາຍ.​

ກອງປະຊຸມ ໄດ້ຜ່ານບົດສະຫລຸບຕີລາຄາການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ປະຈໍາປີ 2022 ແລະ ທິດທາງໃນຕໍ່ໜ້າ ເຊິ່ງສາມາດຕີລາຄາຜົນງານດ້ານດີໄດ້ຫຼາຍດ້ານເຊັ່ນ: ສະມາຊິກແມ່ຍິງພາຍໃນ ສພຂ​ ເອົາໃຈໃສ່ພັດທະນາຕົນເອງ,​ມີຄວາມຕື່ນຕົວສູງ,​ມີຄຸນສົມບັດສີນທຳປະຕິວັດທີ່ໜັກແໜ້ນ,​ບຸກບືນຍົກລະດັບຄວາມຮູ້ຄວາມສາມາດທາງດ້ານວີຊາສະເພາະ ແລະ​ ດ້ານທິດສະດີໃຫ້ສູງຂື້ນເທື່ອລະກ້າວ, ປະຕິບັດ ແລະ ເຄົາລົບລະບຽບກົດໝາຍ,ຮັກສາໄດ້ມູນເຊື້ອອັນດີງາມຂອງແມ່ຍິງລາວ; ຕັ້ງໜ້າປະກອບສ່ວນເຂົ້າໃນການປະຕິບັດແນວທາງນະໂຍບາຍຂອງພັກ; ປະຕິບັດພາລະບົດບາດ, ສິດ ແລະ ໜ້າທີ່ຂອງຕົນຢ່າງເປັນເຈົ້າການ; ຊອກຮູ້ຮໍ່າຮຽນສີ່ງໃໝ່ໆ ໃຫ້ສອດຄ່ອງກັບຍຸກສະໄໝທີ່ມີຄວາມສີວີໄລທາງດ້ານເຕັກໂນໂລຊີ ໃນການພັດທະນາວີຊາອາຊີບ ກໍ່ຄືວຽກງານວີຊາສະເພາະ,​ ສູ້ຊົນຊອກແຫລ່ງລາຍຮັບຕອບສະໜອງສ້າງເສດຖະກິດຄອບຄົວໃຫ້ຫລຸດພົ້ນອອກຈາກຄວາມທຸກຍາກ,​ໃຫ້ມີຢູ່ມີກີນ,​ເພີ່ງຕົນເອງກຸ່ມຕົນເອງ ແລະ​ ສ້າງຄວາມເຂັ້ມແຂງດ້ວນຕົນເອງ,​ ໜ່ວຍສະຫະພັນແມ່ຍິງ ສພຂ​ ປະກອບມີສະມາຊິກທັງຫມົດ 24​ ສະຫາຍ,​ມີຄະນະໜ່ວຍ3ສະຫາຍ, ໄດ້ສັບຊ້ອນເຂົ້າໃນກົງຈັກການຈັດຕັ້ງໃນຕໍາແໜ່ງງານຕ່າງເປັນຕົ້ນ:ເປັນປະທານ ສພຂ​ 1ສະຫາຍ,ເປັນ​ຮອງປະທານ​ 1​ ສະຫາຍ,​ປະທານຄະນະ​ກຳມະການ​ 1ສະຫາຍ,ຄະນະເລຂາທິການ2ສະຫາຍ,ຫົວຫນ້າຂະແຫນງ1ສະຫາຍ,ຮອງຂະແຫນງ3ສະຫາຍ, ໄລຍະຜ່ານມາໄດ້ຮັບໃບຍ້ອງຍໍບຸກຄົນ 3ດີ,ຍ້ອງຍໍຫນ່ວຍແມ່ຍິງ3ດີ ແລະ​ ຢັ້ງຢືນເປັນຫນ່ວຍ3ດີ,​ບຸກຄົນດີເດັ່ນພາຍໃນຫນ່ວຍໃນການປະຕິບັດເນື້ອໃນຂໍ້ແຂ່ງຂັນ 3ດີ,ປະເພດ​ 1​ ມີຈຳນວນ 23​ ສະຫາຍເທົ່າກັບ96%,​ປະເພດ​2​ ຈຳນວນ​ 1ສະຫາຍເທົ່າກັບ4%.


ຈາກນັ້ນ,​ ກໍໄດ້ຮັບຟັງຜ່ານຂໍ້ຕົກລົງຮັບຮອງໃບຍ້ອງຍໍ,​ ຂໍ້ຕົກລົງຢັ້ນຢືນໜ່ວຍ3ດີ ແລະ​ ມອບໃບຢັ້ງຢືນຫນ່ວຍ3ດີ,​ ຄຽງຄູ່ກັນນັ້ນຕາງໜ້າສະມາຊິກກໍ່ໄດ້ຂື້ນຜ່ານຂໍ້ແຂ່ງຂັນພ້ອມທັງຈັບມືແຂ່ງຂັນກັນໃນປີຕໍ່ໜ້າ.

(ວິນັດ)