ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນລະຫວ່າງວັນທີ 1 ຫາ 2 ສິງຫາ 2022 ນີ້. ທ່ານ ພອນສານ ວິໄລເມັ້ງ ຮອງປະທານຄະນະບໍລິຫານງານສູນກາງ ສະຫະພັນກໍາມະບານ ລາວສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 13, ທ່ານ ນາງ ຈັນສະໝອນ ອິນທິລາດ ຮອງເລຂາພັກເມືອງ ປະທານກວດກາພັກ-ລັດເມືອງ ສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງໄຊບູລີ ພ້ອມຄະນະ ໄດ້ລົງເຄື່ອນໄຫວພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສໍາເລັດກອງປະຊຸມສະໄໜເທື່ອທີ 3 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນ ແຂວງຊຸດທີ II ຢູ່ເມືອງໄຊບູລີ. ໂດຍການ ຕ້ອນຮັບຂອງທ່ານ ສີວິໄລ ອິນທະລືໄຊ ຮອງເຈົ້້າເມືອງໄຊບູລີ ພ້ອມດ້ວຍ ຄະນະນໍາຂັ້ນເມືອງ, ພະນັກງານ, ທະຫານ-ຕໍາຫຼວດ ອໍານາດການປົກຄອງບ້ານ ແລະ ພໍ່-ແມ່ ປະຊາຊົນເຂົ້າຮ່ວມຮັບຟັງ. ເຊິ່ງໄດ້ມີການເຄື່ອນຢູ່ 4 ຈຸດຄື: ຈຸດກຸ່ມບ້ານນາວເໜືອ, ຈຸດຫ້ອງວ່າການປົກຄອງເມືອງ, ຈຸດກຸ່ມບ້ານ ປາກເຊບັ້ງໄຟ ແລະ ຈຸດກຸ່ມບ້ານແກ້ງກະເບົາ.

ການລົງເຄື່ອນໄຫວພົບປະໂອ້ລົມປະຊາຊົນຜູ້ມີສິດເລືອກຕັ້ງໃນຄັ້ງນີ້ ຍັງໄດ້ຮັບຟັງການລາຍງານໂດຍຫຍໍ້ກ່ຽວກັບສະພາບການພັດທະນາເສດຖະກິດ-ສັງຄົມ ໂດຍຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດຢູ່ເມືອງໄຊບູລີ ຈາກທ່ານ ສີວິໄລ ອິນທະລືໄຊ, ແລະ ຮັບຟັງການລາຍງານສະພາບການພັດທະນາ ເສດຖະກິດ-ສັງຄົມ ຂອງແຕ່ລະກຸ່ມບ້ານໂດຍຫຍໍ້ຈາກບັນດາທ່ານ ກໍາມະການພັກເມືອງຜູ້ຊີ້ນໍາກຸ່ມບ້ານ,ຈາກນັ້ນ ສສຊ, ສສຂ ກໍ່ໄດ້ຜັດປ່ຽນກັນໂອ້ລົມຕໍ່ຜູ້ມີສິດເລືອກຕັ້ງ, ພ້ອມທັງເຜີຍແຜ່ເນື້ອໃນຕົ້ນຕໍ ທີ່ສໍາຄັນຂອງກອງປະຊຸມ ສະໄໝສາມັນເທື່ອທີ 03 ຂອງສະພາແຫ່ງຊາດຊຸດທີ IX ໃນກອງປະຊຸມດັ່ງກ່າວ ໄດ້ຮອງຮັບຮອງເອົາມະຕິ ວ່າດ້ວຍການ ການ ຍົກຍ້າຍ ແລະ ແຕ່ງຕັ້ງສະມາຊິກລັດຖະບານ, ຮັບຮອງເອົາບົດລາຍງານຂອງລັດຖະບານກຽວກັບກັບການປະເມີນການຈັດຕັ້ງປະຕິບັດກົດໝາຍ 4 ສະບັບ, ຮັບຮອງເອົາບົດລາຍງານຂອງລັດຖະບານກ່ຽວກ່ຽວການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 6 ເດືອນຕົ້ນປີ ແລະ ທິດທາງ 6 ເດືອນທ້າຍປີ 2022, ຮັບຮອງເອົາບົດລາຍງານຂອງລັດຖະບານກ່ຽວກັບຄວາມຄືບໜ້າການຈັດຕັ້ງປະຕິບັດແຜນການປະຕິຮູບລັດວິສາຫະກິດ ໄລຍະຜ່ານມາ ແລະ ທິດທາງແຜນການຮອດທ້າຍປີ 2022 , ຮັບຮອງເອົາບົດລາຍງານຜົນການຕິດຕາມກວດກາຄວາມຄືບໜ້າການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດໃນໄລຍະຜ່ານມາ ແລະ ທິດທາງແຜນການຕິດຕາມກວດກາໃນ 6 ເດືອນທ້າຍປີ 2022 ແລະ ປະຈໍາປີ 2023 ຂອງສະພາແຫ່ງຊາດ. ພ້ອມນີ້ກອງປະຊຸມ ສະພາປະຊາຊົນແຂວງ ກໍ່ໄດ້ມີການພິຈາລະນາຮັບຮອງເອົາ 3 ບົດລາຍງານຄື: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ງົບປະມານແຫ່ງລັດຂອງແຂວງ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022, ພິຈາລະນາ ຮັບຮອງເອົາການປະເມີນເຂດຫ່າງໄກສອກຫຼີກ ແລະ ທຸລະກັນດານຂອງອົງການປົກຄອງແຂວງ. ຮັບຮອງເອົາວຽກອື່ນໆທີ່ສໍາຄັນ ຂອງແຂວງສະຫວັນນະເຂດ. ນອກຈາກນີ້ແລ້ວ ຄະນະຜູ້ແທນ ກໍ່ໄດ້ມີການອະທິບາຍເຖິງສາເຫດທີ່ພາໃຫ້ເກີດອັດຕາເງິນເຟີ້ທີ່ສຸງ, ຄ່າຄອງຊີບແພງ, ບັນຫານໍ້າມັນແພງ, ການເຄື່ອນຍ້າຍແຮງງານ ແລະ ເຫດການທີ່ສໍາຄັນອີກອື່ນໆຈໍານວນໜຶ່ງ ເພື່ອໃຫ້ການຈັດຕັ້ງທຸກພາກສ່ວນ ແລະ ປະຊາຊົນມີຄວາມເຂົ້້າໃຈຢ່າງຖືກຕ້ອງຕໍ່ແນວທາງນະໂຍບາຍຂອງພັກ ລະບຽບກົດໜາຍຂອງລັດ. ພ້ອມທັງຮຽກຮ້ອງມາຍັງທຸກພາກສ່ວນຈົ່ງເປັນເຈົ້າການໃນການຈັດຕັ້ງປະຕິບັດ 2 ວ່າລະແຫ່ງຊາດ ແລະ ແກ້ໄຂບັນຫາຕ່າງໆທີ່ກີດຂື້ນໃນສັງຄົມ ເພື່ອເຮັດໃຫ້ປະເທດຊາດບ້ານເມືອງມີຄວາມສະຫງົບປອດໄຟມີການ ການພັດທະນາຢ່າງຕໍ່ເນື່ອງ.ຈາກນັ້ນການຈັດຕັ້ງບ້ານ ແລະ ປະຊາຊົນ ກໍ່ໄດ້ມີການສະເໜີ ຕໍ່ຂັ້ນເທິງ ພິຈາລະນາແກ້ໄຂ ບັນຫາຂໍ້ຂັດແຍ້ງກ່ຽວກັບທີ່ດິນ, ຂໍທຶນໃນການສ້ອມແປງເສັ້ນທາງລະຫວ່າງບ້ານຕໍ່ບ້ານ, ຂໍທຶນກໍ່ສ້າງ ແລະ ສ້ອມແປງອາຄານຮຽນ, ກໍານົດເຂດແດນປ່າສະຫງວນຂອງບ້ານ, ສະເໜີແກ້ໄຂຕົວເລກຄູອາສາ, ເພື່ອໃຫ້ຜູ້ແທນຮັບຮູ້ ແລະ ສະເໜີຕໍ່ ຂັ້ນເທິງພິຈາລະນາແກ້ໄຂຕາມຄວາມເໝາະສົມ. ນອກຈາກນີ້ຄະນະຜູ້ແທນກໍ່ຍັງໄດ້ມອບລະບົບໂທລະໂຄ່ງໃຫ້ເມືອງຈໍານວນ 1 ຊຸດ ໃນມູນຄ່າ 5.679.000 ກີບ,ເສື້ອຍືດ 80 ໂຕ, ເຈວລ້າງມື 1 ແກັດ ແລະ ຜ້າອັດປາກ-ດັງ 7 ຊົບ ມູນຄ່າ 3.500.000 .