(ສພຊ) ເນື່ອງໃນໂອກາດເຂົ້າຮ່ວມກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ຂອງສະມາຊິກສະພາແຫ່ງຊາດ ຜ່ານມາ ໃນວັນທີ 17 ພະຈິກ 2023 ບັນດາທ່ານສະມາຊິກສະພາແຫ່ງຊາດ ນໍາໂດຍ ພົນໂທ ສຸວອນ ເລືອງບຸນມີ ຮອງປະທານສະພາແຫ່ງຊາດ ໄດ້ເຂົ້າຮ່ວມສ້າງຂະບວນການແຂ່ງຂັນກິລາບານເຕະ ແລະ ເປຕັງ ຢູ່ທີ່ເດີ່ນກິລາວິທະຍາໄລແສງສະຫວັນ ໂດຍໄດ້ຮັບການສະໜັບສະໜູນທຶນການແຂ່ງຂັນ ແລະ ເດີ່ນກິລາ ຈາກທ່ານ ປອ. ຄຳແສນ ສີສະວົງ ປະທານສະມາຄົມການສຶກສາພາກເອກະຊົນແຫ່ງຊາດ ທັງເປັນສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 9 ແຂວງຊຽງຂວາງ ເປັນຈຳນວນເງິນ 65 ລ້ານກີບຖ້ວນ. ໂດຍມີບັນດາທ່ານສະມາຊິກສະພາແຫ່ງຊາດປະຈຳເຂດເລືອກຕັ້ງແຕ່ລະເຂດເລືອກຕັ້ງໃນຂອບເຂດທົ່ວປະເທດ ແລະ ພະນັກງານວິຊາການຈາກສະພາແຫ່ງຊາດ ພ້ອມດ້ວຍພະນັກງານຄູອາຈານພາຍໃນວິທະຍາໄລແສງສະຫວັນເຂົ້າຮ່ວມ.

(ພາບ ແລະ ຂ່າວ: ສອນສັກ ວັນວິໄຊ)