ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນເຊົ້າຂອງວັນທີ 17 ກຸມພາ 2022 ທີ່ຜ່ານມາ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 13, ສະມາຊິກສະພາປະຊາຊົນແຂວງ ເຊິ່ງງນຳໂດຍ​ທ່ານ​ ກົງແກ້ວ​ ມີວໍລະຈັກ​ ຮອງເລຂາພັກແຂວງ​ ປະທານສະພາປະຊາຊົນແຂວງສະຫວັນນະເຂດ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 13​ ພ້ອມຄະນະໄດ້ ລົງພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສຳລັດກອງປະຊຸມສະໄໝສາມັນເທື່ອທີ 02 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ທີ່ ຈຸດສຸມຕັງອາໄລ-ລະແບງ ເມືອງນອງ ແຂວງສະຫວັນນະເຂດ, ຈຸດສຸມຕັງອາໄລ-ລະແບງ ອາດີດຕາແສງວິລະຊົນ ສ້າງຕັ້ງຂຶ້ນໃນວັນທີ 03 ເມສາ 2008 ຫ່າງຈາກເທດສະບານເມືອງ 12 ກິໂລແມັດ ມີເນື່ອທີ່ທັງໝົດ 35.725 ເຮັກຕາ, ມີພົນລະເມືອງທັງ 5.261 ຄົນ, ຍິງ 2.658 ຄົນ, ມີ 818 ຫຼັງຄາ, ມີ 1.036 ຄອບຄົວ, ເຊິ່ງປະຊາຊົນສ່ວນໃຫຍ່ຍຶດຖືເອົາອາຊີບປູກຝັງເປັນຕົ້ນຕໍ ແລະ ລ້ຽງສັດເປັນສໍາຮອງ./