ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນວັນທີ 16 ມິຖຸນາ 2022 ນີ້. ກຳມະບານຮາກຖານ (ກຮຖ) ສະພາປະຊາຊົນແຂວງ (ສພຂ) ອັດຕະປື, ຈັດກອງປະຊຸມຮ່ວມຊີວິດການເຄື່ອນໄຫວວຽກງານຂອງ ກໍາມະບານຮາກຖານ ສພຂ ປະຈໍາໄຕມາດ 2 ແລະ ກໍານົດແຜນວຽກປະຈໍາໄຕມາດ 3, ຂື້ນທີ່ຫ້ອງປະຊຸມຂອງຕົນ ໂດຍການເປັນປະທານຂອງສະຫາຍ ແສງປະດິດ ສຸດນາມສຸລິນ ປະທານກໍາມະບານຮາກຖານ ສພຂ, ມີບັນດາສະຫາຍຮອງປະທານກຳມະບານ ແລະ ສະມະຊິກກຳມະບານຮາກຖານພາຍໃນ ສພຂ ເຂົ້າຮ່ວມຢ່າງພ້ອມພຽງ.

ກອງປະຊຸມ ສະຫາຍ ມະໄລວອນ ສິງຫາວະຫານ ຮອງປະທານກຳມະບານຮາກຖານ ສພຂ ຂຶ້ນຜ່ານບົດສະຫລຸບການເຄື່ອນໄຫວວຽກງານຂອງກຳມະບານຮາກຖານ ສພຂ ປະຈໍາໄຕມາດ 2 ແລະ ກໍານົດແຜນວຽກປະຈໍາໄຕມາດ 3, ເຊິ່ງໄລຍະຜ່ານມາໄດ້ເອົາໃຈໃສ່ສືກສາອົບຮົມ-ການເມືອງແນວຄິດ ໃຫ້ແກ່ຖັນແຖວພະນັກງານສະມາຊິກກໍາມະບານ ດ້ວຍຫລາຍຮູບການເຊັ່ນ:ຈັດຕັ້ງ, ຄົ້ນຄວ້າ,ເຊື່ອມຊືມແນວທາງນະໂຍບາຍ, ມະຕິຄໍາສັ່ງຂອງພັກ ແລະ ກົດລະບຽບຂອງລັດ, ໂດຍສະເພາະແມ່ນກົດໝາຍທີ່ພົວພັນເຖິງການເຄື່ອນໄຫວຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ, ເຮັດໃຫ້ພະນັກງານສະມາຊິກຮັບຮູ້ກຳແໜ້ນແນວທາງນະໂຍບາຍຂອງພັກ,ລະບຽບກົດໝາຍຂອງລັດຫລາຍຂຶ້ນ ແລະ ມີສະຕິຕໍ່ການຈັດຕັ້ງ, ສະແດງອອກໃນການປະຕິບັດລະບຽບວິໄນ, ປະຕິບັດວຽກງານວີຊາສະເພາະຂອງສະມາຊິກກໍາມະບານ ແລະ ມີຜົນສໍາເລັດດີຂຶ້ນເປັນລະດັບ, ສະມາຊິກກໍາມະບານຮາກຖານ ສພຂ ມີທັງໝົດ 54 ສະຫາຍ,ຍິງ 24 ສະຫາຍ ໃນນັ້ນ ອາສາສະໝັກ 5 ສະຫາຍ, ຍິງ 2 ສະຫາຍ, ໄດ້ເຂົ້າເປັນສະມາຊິກກອງທຶນຊ່ວຍເຫລືອເຊິ່ງກັນ ແລະ ກັນ ມີ 53 ສະຫາຍ, ຍິງ 22 ສະຫາຍ, ວຽກຂະບວນການ ເອົາໃຈໃສ່ອອກແຮງງານ ຕ້ອນຮັບວັນສໍາຄັນຕ່າງໆຂອງຊາດ ຂອງແຂວງ ຢ່າງເປັນຂະບວນການ, ຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າປະຈໍາປີ 2021 ກຳມະມານຮາກຖານ ສພຂ ໄດ້ຮັບໃບຍ້ອງຍໍ້ດີເດັ່ນ ແລະ ໃບຢັ້ງຢືນ ສ່ວນບຸກຄົນໄດ້ຮັບໃບຍ້ອງຍໍປະເພດ 1 ມີ 41 ສະຫາບ,ຍິງ 19 ສະຫາຍ ແລະ ປະເພດ 2 ມີ 5 ສະຫາຍ, ຍິງ 1 ສະຫາຍ.


ທິດທາງແຜນການໃນຕໍ່ໜ້າຂອງກຳມະບານຮາກຖານ ສພຂ ຈະເພີ່ມທະວີການຊີ້ນຳ-ນໍາພາຂອງຄະນະປະຈໍາ ສພຂ ,ຄະນະພັກ,ຄະນະກໍາມະການ ແລະ ຄະນະເລຂາທິການ ຕໍ່ການເຄື່ອນໄຫວວຽກງານຂອງຮາກຖານບົນພື້ນຖານຕິດຕາມກວດກາ, ແນະນໍາຊຸກຍູ້ໃຫ້ພະນັກງານສະມາຊິກກຳມະບານ ມີຄວາມສາມັກຄີເປັນເອກະພາບ ທາງດ້ານການເມືອງແນວຄິດ, ການຈັດຕັ້ງ ແລະ ລະບອບແບບແຜນວິທີເຮັດວຽກ ເຮັດໃຫ້ຮາກຖານມີຄວາມສະຫງົບ ແລະ ສາມາດຈັດຕັ້ງປະຕິບັດແຜນການ ແຜນງານຂອງຕົນວາງອອກໃຫ້ປະກົດຜົນເປັນຈິງ, ເພີ່ມທະວີພົວພັນຮ່ວມມືກັບອົງການຈັດຕັ້ງມະຫາຊົນ ເພື່ອສືກສາຄົ້ນຄວ້າຮຽນຮູ້ບົດຮຽນຕ່າງໆກ່ຽວກັບວຽກງານກໍາມະບານ.
ນອນນັ້ນກອງປະຊຸມຍັງໄດ້ຮັບຟັງຜົນສຳເລັດກອງປະຊຸມໃຫ່ຍ III ຂອງສະມາຊິກກໍາມະບານຮາກຖານ ສພຂ ແລະ ເນື້ອໃນຂໍ້ຕົກລົງຂອງເຈົ້າແຂວງ ວ່າດ້ວຍກອງທຶນຊ່ວຍເຫລືອເຊິ່ງກັນ ແລະ ກັນ.
(ພາບ-ຂ່າວ:ວິນັດ​ ສພຂ).