ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

     (ສພຂ)ຕອນເຊົ້າວັນອັງຄານທີ 22 ກຸມພາ 2022 ຢູ່ທີ່ຫ້ອງປະຊຸມສະພາປະຊາຊົນແຂວງ, ໜ່ວຍພັກສະພາປະຊາຊົນແຂວງ ໄດ້ຈັດພິທີມອບບັດສະມາຊິກພັກສົມບູນຂອງພັກປະຊາຊົນປະຕິວັດລາວ ໃຫ້ສະມະຊິກພັກ 8 ສະຫາຍ ຂອງໜ່ວຍພັກ ສພຂ, ໂດຍການເປັນປະທານຂອງສະຫາຍ ຄໍາດີ ວົງລ້ອມ ຮອງເລຂາຄະນະບໍລິຫານງານພັກແຂວງ, ປະທານສະພາປະຊາຊົນແຂວງ, ມີສະຫາຍ ຄໍາເຜີຍ ງອນວັນຄຳ ກຳມະການປະຈຳພັກແຂວງ, ຮອງປະທານສະພາປະຊາຊົນແຂວງ, ສະຫາຍ ທອງຄານ ວັດສະດາກອນ ເລຂາໜ່ວຍພັກສະພາປະຊາຊົນແຂວງ, ມີຄະນະໜ່ວຍພັກ, ສະມາຊິກພັກສົມບູນ ແລະ ສຳຮອງພາຍໃນໜ່ວຍເຂົ້າຮ່ວມຢ່າງພ້ອມພຽງ.
     ໃນພິທີຄັ້ງນີ້ ທາງຄະນະພັກໄດ້ຜ່ານມະຕິຕົກລົງຂອງຄະນະປະຈຳພັກແຂວງ ສະບັບເລກທີ 84/ຄປພຂ, ລົງວັນທີ 2 ກຸມພາ 2022 ວ່າດ້ວຍການມອບບັດສະມາຊິກພັກໃຫ້ແກ່ສະມາຊິກພັກສົມບູນ ຢູ່ໜ່ວຍພັກສະພາປະຊາຊົນແຂວງອຸດົມໄຊ ຈຳນວນ 8 ສະຫາຍ, ຍິງ 4 ສະຫາຍ ແລະ ຈັດຕັ້ງພິທີມອບຕາມລະບຽບການ.
     ທ້າຍພິທີປະທານໄດ້ໂອ້ລົມເຊິ່ງທ່ານໄດ້ກ່າວວ່າ: ບັດສະມາຊິກພັກນີ້ແມ່ນເອກະສານຢັ້ງຍືນໃນຖານະເປັນສະມາຊິກພັກສົມບູນ, ເປັນຜູ້ທີ່ເຮັດລ້ອນໜ້າທີ່ ແລະ ມີຄຸນງາມຄວາມດີ, ມີ ຄວາມບໍລິສຸດ, ຊັດຊື່ຕໍ່ຊາດ, ຕໍ່ປະຊາຊົນ ແລະ ຈົ່ງຮັກພັກດີຕໍ່ອຸ ດົມຄະຕິຂອງພັກ, ເປັນແບບຢ່າງທີດີເຄົາລົບປະຕິບັດຕາມລະ ບຽບຂອງພັກ, ຂອງການຈັດຕັ້ງ ແລະ ທ່ານເນັ້ນໜັກໃຫ້ນຳໃຊ້ບັດຖືກຕາມຫລັກການດັ່ງນີ້: ໃຊ້ແທນໃບຍົກຍ້າຍສະມາຊິກພັກຊົ່ວຄາວ, ນໍາໃຊ້ລົງປະຊາມັດຕິຮັບຮອງເອົາວຽກງານຂອງພັກໃນກອງປະຊຸມໃຫຍ່ຂອງພັກຂັ້ນຕ່າງໆ.
(📸✍: ແສງພອນ ອິນນະລົງ).