ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ໃນຕອນບ່າຍ ວັນທີ 3 ມິຖຸນາຜ່ານມາ, ທີ່ດ້ານໜ້າ ຕຶກຄະນະເລຂາທິການສະພາແຫ່ງຊາດ ໄດ້ມີພິທີມອບ-ຮັບ ເຄື່ອງຊ່ວຍເຫຼືອ ລົດໄຟຟ້າ ແລະ ຊຸດໄຟເຍືອງທາງ ພ້ອມດ້ວຍອຸປະກອນ ນຳໃຊ້ ຈຳນວນໜຶ່ງ ຕາງໜ້າຈາກບໍລິສັດ ຮ່ວມທຶນລາວ-ຈີນ ທ່ານ ສຸນະເດດ ສຸກຈະເລີນ ຮອງຫົວໜ້າກົມແຜນການ ແລະ ການເງິນ ກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ ເປັນຜູ້ກ່າວມອບ ແລະ ກ່າວຮັບໂດຍທ່ານ ປອ. ບຸນທັນ ບຸນວິໄລ ຮອງເລຂາທິການສະພາແຫ່ງຊາດ; ເຄື່ອງທີ່ນໍາມາມອບໃນຄັ້ງນີ້ ປະກອບມີ: ລົດເກັງໄຟຟ້າ ຍີ່ຫໍ້ BYD ຈຳນວນ 1 ຄັນ; ລົດເມໄຟຟ້າ ຍີ່ຫໍ້ BYD ຈໍານວນ 1 ຄັນ ແລະ ຊຸດໄຟເຍືອງທາງ 60 ຊຸດ.
(ພາບ ແລະ ຂ່າວ: ອານຸສອນ ພູມມີທອນ)