(ສພຊ) ເພື່ອເປັນການປະກອບສ່ວນສະເຫລີມສະຫລອງວັນປະຫວັດສາດຂອງ 2 ຊາດລາວ-ຫວຽດນາມ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໂດຍສຳນັກພິມ ແລະ ຈັດຈຳໜ່າຍປຶ້ມແຫ່ງລັດ ໄດ້ມອບປຶ້ມການຮ່ວມມືລາວ-ຫວຽດນາມ ຈຳນວນ 375 ຫົວ ປະກອບມີ 15 ຫົວເລື່ອງ ລວມມີ 25 ຊຸດ ໃຫ້ສະພາແຫ່ງຊາດ ເພື່ອນຳໃຊ້ເຂົ້າໃນຫ້ອງສະໝຸດຂອງສະພາແຫ່ງຊາດ ແລະ ມອບໃຫ້ກຳມາທິການວຽກງານສະມາຊິກສະພາແຫ່ງຊາດ ສະພາແຫ່ງຊາດ, ກົມເລຂານຸການ ຄະນະເລຂາທິການສະພາແຫ່ງຊາດ ແລະ ເຂດເລືອກຕັ້ງຕ່າງໆໃນທົ່ວປະເທດ.
ການມອບ-ຮັບໃນຄັ້ງນີ້, ກ່າວມອບໂດຍທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແລະ ກ່າວຮັບໂດຍທ່ານ ນາງ ປິ່ງຄຳ ລາຊະສິມມາ ເລຂາທິການສະພາແຫ່ງຊາດ, ມີຄະນະຂອງທັງສອງຝ່າຍເຂົ້າຮ່ວມເປັນສັກຂີພິຍານ.
ໂອກາດດຽວກັນນີ້, ທ່ານ ນາງ ປິ່ງຄຳ ລາຊະສິມມາ ຍັງໄດ້ຕາງໜ້າໃຫ້ຄະນະປະຈຳສະພາແຫ່ງຊາດ ມອບໃບຍ້ອງຍໍໃຫ້ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ມີຜົນງານດີເດັ່ນໃນການປະກອບສ່ວນທີ່ສຳຄັນໃນຄັ້ງນີ້ ເຊິ່ງຕາງໜ້າຮັບໂດຍທ່ານ ນາງ ສວນສະຫວັນ ວິຍະເກດ ອີກດ້ວຍ.
(ພາບ ແລະ ຂ່າວ: ນາງ ປາກາລັກ ພົມມີໄຊ)
ສະພາແຫ່ງຊາດ ໄດ້ຮັບປຶ້ມການຮ່ວມມືລາວ-ຫວຽດນາມ 375 ຫົວ
