(ສພຊ) ບໍລິສັດ ຈິນສຸຍເສີນ ເຕັກໂນໂລຊີ ກະສິກຳລາວ ຈຳກັດ ໄດ້ມອບອຸປະກອນການແພດ-ເຄື່ອງເອໂກ ຈຳນວນ 1 ຊຸດ ລວມມູນຄ່າ 96 ລ້ານກວ່າກີບ ມອບໃຫ້ສະພາແຫ່ງຊາດ ເພື່ອນຳໄປມອບຕໍ່ໃຫ້ໂຮງໝໍເມືອງໂພນໄຊ ແຂວງຫຼວງພະບາງ ນຳໃຊ້ເຂົາໃນວຽກງານສາທາລະນະສຸກຂອງໂຮງໝໍດັ່ງກ່າວ. ພິທີດັ່ງກ່າວ ຈັດຂຶ້ນໃນວັນທີ 15 ກັນຍາ 2022 ຢູ່ທີ່ຫໍສະພາແຫ່ງຊາດ ຕາງໜ້າບໍລິສັດກ່າວມອບໂດຍທ່ານ ຫາຍ ລໍຄຳສອນ ຜູ້ອຳນວຍການບໍລິສັດ ຈິນສຸຍເສີນ ເຕັກໂນໂລຊີ ກະສິກຳລາວ ຈຳກັດ ແລະ ກ່າວຮັບໂດຍທ່ານ ນາງ ມະນີວັນ ເຢຍປາວເຮີ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 6 ແຂວງຫຼວງພະບາງ, ຮອງປະທານກຳມາທິການວັດທະນະທຳ-ສັງຄົມ ສະພາແຫ່ງຊາດ; ມີພາກສ່ວນກ່ຽວຂ້ອງຂອງສອງຝ່າຍເຂົ້າຮ່ວມເປັນສັກຂີພິຍານ.

ໃນໂອກາດດຽວກັນ, ທ່ານ ນາງ ມະນີວັນ ເຢຍປາວເຮີ ຍັງໄດ້ຕາງໜ້າໃຫ້ຄະນະປະຈຳສະພາແຫ່ງຊາດ ມອບໃບຍ້ອງຍໍໃຫ້ບໍລິສັດ ຈິນສຸຍເສີນ ເຕັກໂນໂລຊີ ກະສິກຳລາວ ຈຳກັດ ເຊິ່ງຮັບໂດຍທ່ານ ຫາຍ ລໍຄຳສອນ ເນື່ອງຈາກບໍລິສັດດັ່ງກ່າວ ມີຜົນງານດີເດັ່ນໃນການປະກອບສ່ວນຊ່ວຍເຫຼືອອຸປະກອນການແພດ.

(ພາບ ແລ ຂ່າວ: ນາງ ປາກາລັກ ພົມມີໄຊ)